സംസ്ഥാനത്ത് ഇന്നും ഒറ്റപ്പെട്ടയിടങ്ങളില്‍ ഇടിമിന്നലോട് കൂടിയ ശക്തമായ മഴയ്ക്ക് സാധ്യതയെന്ന് കാലാവസ്ഥാ വകുപ്പിന്റെ മുന്നറിയിപ്പ്. 30 മുതല്‍ 40 കി.മീ വരെ വേഗത്തില്‍ വീശിയടിക്കാവുന്ന ശക്തമായ കാറ്റിനും സാധ്യതയുണ്ടെന്ന് കേന്ദ്ര കാലാവസ്ഥ വകുപ്പ് .


ഏപ്രില്‍ 11 മുതല്‍ 13 വരെ കേരളത്തില്‍ ഒറ്റപ്പെട്ടയിടങ്ങളില്‍ ഇടിമിന്നലോട് കൂടിയ മഴയ്ക്കും സാധ്യതയേറെയുണ്ട്. ഇടിമിന്നലോട് കൂടിയ മഴയ്ക്ക് സാധ്യതയുള്ളതിനാല്‍ ഇടിമിന്നല്‍ ജാഗ്രതാ നിര്‍ദേശങ്ങള്‍ പാലിക്കണമെന്ന് സംസ്ഥാന ദുരന്ത നിവാരണ അതോറിറ്റി .

അതേസമയം മഹാരാഷ്ട്രയില്‍ മരം കടപുഴകി വീണ് ഏഴുപേര്‍ മരിച്ചു. അഞ്ചു പേര്‍ക്ക് പരിക്കേറ്റു. മഹാരാഷ്ട്രയിലെ അലോകയിലാണ് ദുരന്തമുണ്ടായത്. ക്ഷേത്രത്തില്‍ മതപരമായ ചടങ്ങ് നടക്കുന്നതിനിടെയായിരുന്നു ശക്തമായ മഴയും കാറ്റുമുണ്ടായത്.
ഇതോടെ ഭക്തര്‍ തകര ഷീറ്റുമേഞ്ഞ ഷെഡ്ഡിലേക്ക് കയറിനില്‍ക്കുന്നതിനിടെയാണ് മരം കടപുഴകി ഷെഡ്ഡിന് മുകളിലേക്ക് വീണത്.

ഇന്നലെ രാത്രി ഏഴു മണിയോടെയായിരുന്നു സംഭവം.ഏതാണ്ട് 40 ഓളം പേര്‍ ഷെഡ്ഡിന് അടിയില്‍ ഉണ്ടായിരുന്നുവെന്ന് പൊലീസ് .