വീണ്ടും കണ്ണൂരില് പുതിയ പാര... ഗവര്ണര്ക്കെതിരായ പോരാട്ടത്തില് യോജിച്ച് കേരളവും തമിഴ്നാടും; എല്ലാവിധ പിന്തുണയുമെന്ന് സ്റ്റാലിനോട് പിണറായി; പിണറായിക്ക് നന്ദി പറഞ്ഞ് എം കെ സ്റ്റാലിന്; കണ്ണൂര് സര്വകലാശാല വിവാദത്തില് സത്യവാങ്മൂലം നല്കി ഗവര്ണര്
കേരള തമിഴ്നാട് മുഖ്യമന്ത്രിമാര് വീണ്ടും അടുക്കുകയാണ്. പിണറായി വിജയന് നന്ദി പറഞ്ഞ് എംകെ സ്റ്റാലിന് രംഗത്തെത്തി. സംസ്ഥാനങ്ങളുടെ അവകാശ സംരക്ഷണത്തിനായി തമിഴ്നാടും കേരളവും എക്കാലവും ഒന്നിച്ച് നിന്നിട്ടുണ്ട്. തന്റെ കത്തിനോട് പ്രതികരിച്ച പിണറായിയുടെ പിന്തുണയ്ക്ക് നന്ദി.
ഗവര്ണര്മാരെ ഉപയോഗിച്ച് ബിജെപി ഇതര സംസ്ഥാന സര്ക്കാരുകളുടെ പ്രവര്ത്തനം തടയുന്ന കേന്ദ്ര നയത്തിനെതിരെ ഒന്നിച്ച് നില്ക്കണം എന്നായിരുന്നു കത്തിലെ ആവശ്യം. ഫെഡറല് തത്വങ്ങള്ക്ക് എതിരായി പ്രവര്ത്തിക്കുന്ന ഗവര്ണര്മാര്ക്കെതിരായ സംയുക്ത നീക്കത്തിന് എല്ലാ പിന്തുണയുമെന്ന് പിണറായി. ഈ മാസം 11നാണ് സ്റ്റാലിന് പിന്തുണ തേടി പിണറായിക്ക് കത്തയച്ചത്.
ഗവര്ണര്ക്കെതിരായ നിലപാടില് പിന്തുണ തേടി തമിഴ്നാട് മുഖ്യമന്ത്രി എം കെ സ്റ്റാലിന് കേരള സര്ക്കാരിന് കത്തയച്ചിരുന്നു. ഇതിനുള്ള മറുപടി കത്തിലാണ് എല്ലാവിധ പിന്തുണയും ഇക്കാര്യത്തില് ഉറപ്പുനല്കുന്നതായി മുഖ്യമന്ത്രി പിണറായി വിജയന് തമിഴ്നാടിനെ അറിയിച്ചത്. ഈ കത്തിന് നന്ദി അറിയിച്ചിരിക്കുകയാണ് തമിഴ്നാട് മുഖ്യമന്ത്രി എം കെ സ്റ്റാലിന്.
ഫെഡറല് സംവിധാനങ്ങളുടെ അധികാരത്തിന് മേലുള്ള കടന്നു കയറ്റം ഗവര്ണര്മാര് നടത്തുന്നതായി കേരള,തമിഴ്നാട് മുഖ്യമന്ത്രിമാര് അഭിപ്രായപ്പെടുന്നു. ബില്ലുകളെ സംബന്ധിച്ച് വ്യക്തത വരുത്തിയിട്ടും ഗവര്ണര്മാര് ഒപ്പിടാത്ത സാഹചര്യമാണുള്ളതെന്നും ഇരുസര്ക്കാരുകളും പറയുന്നു. തമിഴ്നാട്ടില് സ്റ്റാലിന് സര്ക്കാരും ഗവര്ണര് ആര് എന് രവിയും നിയമസഭയില് നേര്ക്ക്നേര് ഏറ്റുമുട്ടുന്ന സ്ഥിതി വരെ ഉണ്ടായിരുന്നു. തമിഴ്നാടിന്റെ പേര് തമിഴകം എന്നാക്കി മാറ്റണമെന്ന ഗവര്ണറുടെ അഭിപ്രായം ഇരുകൂട്ടര്ക്കുമിടയിലെ വഴക്കിന്റെ ആക്കം കൂട്ടിയിരുന്നു. ഇതിന്റെ പേരില് ഡിഎംകെയും സഖ്യകക്ഷികളും രാജ്ഭവന് മുന്നില് സമരങ്ങള് പ്രഖ്യാപിക്കുന്ന സ്ഥിതി വരെ ഉണ്ടായി.
ഇതിനിടയിലാണ് ഗവര്ണര്ക്കെതിരായ പോരാട്ടത്തില് യോജിച്ച് പ്രവര്ത്തിക്കാന് കേരളവും തമിഴ്നാടും തീരുമാനിച്ചത്. ഇതിനുള്ള മറുപടി കത്തിലാണ് എല്ലാവിധ പിന്തുണയും ഇക്കാര്യത്തില് ഉറപ്പുനല്കുന്നതായി മുഖ്യമന്ത്രി പിണറായി വിജയന് തമിഴ്നാടിനെ അറിയിച്ചത്. കേരളത്തിലും തമിഴ്നാട്ടിലും സര്ക്കാരും ഗവര്ണറും നിലവില് രണ്ട് തട്ടിലാണ്.
ഫെഡറല് സംവിധാനങ്ങളുടെ അധികാരത്തിന് മേലുള്ള കടന്നു കയറ്റം ഗവര്ണര്മാര് നടത്തുന്നതായി കേരള,തമിഴ്നാട് മുഖ്യമന്ത്രിമാര് അഭിപ്രായപ്പെടുന്നു. ബില്ലുകളെ സംബന്ധിച്ച് വ്യക്തത വരുത്തിയിട്ടും ഗവര്ണര്മാര് ഒപ്പിടാത്ത സാഹചര്യമാണുള്ളതെന്നും ഇരുസര്ക്കാരുകളും പറയുന്നു.
ബില്ലുകള് ഗവര്ണര് ഒപ്പുവെക്കാന് തയ്യാറാകുന്നില്ലെന്ന് സര്ക്കാരും നിര്ദേശങ്ങള് അംഗീകരിക്കാന് സര്ക്കാര് തയ്യാറാകുന്നില്ലെന്ന് ഗവര്ണറും ആരോപിക്കുന്നു. ഡിഎംകെയും സഖ്യകക്ഷികളും സംസ്ഥാനത്തിന്റെ വിവിധ ഭാഗങ്ങളില് ഗവര്ണറുടെ കോലം കത്തിച്ച് പ്രതിഷേധിച്ചിരുന്നു. ഗോ ബാക്ക് രവി എന്നെഴുതിയ ബാനറുകള് ഡിഎംകെ പ്രവര്ത്തകര് നഗരത്തിന്റെ പ്രധാന ഭാഗങ്ങളില് സ്ഥാപിച്ച അവസ്ഥയുമുണ്ടായി. ഈ ഹാഷ്ടാഗ് സാമൂഹിക മാധ്യമങ്ങളിലും ട്രന്ഡിംഗായിരുന്നു.
അതേസമയം കേരളത്തില് വീണ്ടും കണ്ണൂരിനെ സര്ക്കാരും ഗവര്ണറും തര്ക്കം തുടങ്ങി. കണ്ണൂര് സര്വകലാശാലയില് വൈസ് ചാന്സലര് സ്ഥാനത്ത് ഡോ ഗോപിനാഥ് രവീന്ദ്രന് പുനര്നിയമനം നല്കിയത് ചട്ടപ്രകാരമാണെന്ന് സംസ്ഥാന സര്ക്കാര്. സുപ്രീം കോടതിയില് നല്കിയ സത്യവാങ്മൂലത്തിലാണ് ഇക്കാര്യം വ്യക്തമാക്കുന്നത്. അതേസമയം കണ്ണൂര് സര്വകലാശാലയുടെ ചാന്സലറായ ഗവര്ണര് ആരിഫ് മുഹമ്മദ് ഖാനും സത്യവാങ്മൂലം നല്കിയിട്ടുണ്ട്. ഇതില് ഗോപിനാഥ് രവീന്ദ്രന്റെ നിയമനം ചട്ടപ്രകാരമല്ലെന്നാണ് വാദിക്കുന്നത്. ഇതോടെ വീണ്ടും ഗവര്ണര് കളി തുടങ്ങിയിരിക്കുകയാണ്.
"
https://www.facebook.com/Malayalivartha
