കഠിനാദ്ധ്വാനവും വിനയവും മലയാളികള്ക്ക് സവിശേഷമായ വ്യക്തിത്വം സമ്മാനിക്കുന്നു.... കേരളത്തിന്റെ വിദ്യാഭ്യാസ- സാംസ്കാരിക നിലവാരവും വളരെ മെച്ചപ്പെട്ടത; മികച്ച കാലാവസ്ഥ, സംസ്കാരം, പാചകരീതി എന്നിവ കേരളത്തെ പുരോഗതിയിലേക്ക് നയിക്കാനുതകും, കേരളത്തില് നിന്ന് ലോകത്തിനേറെ പഠിക്കാനും അനുകരിക്കാനുമുണ്ടെന്ന് പ്രധാനമന്ത്രി നരേന്ദ്രമോദി....
കഠിനാദ്ധ്വാനവും വിനയവും മലയാളികള്ക്ക് സവിശേഷമായ വ്യക്തിത്വം സമ്മാനിക്കുന്നു.... കേരളത്തിന്റെ വിദ്യാഭ്യാസ- സാംസ്കാരിക നിലവാരവും വളരെ മെച്ചപ്പെട്ടത്. മികച്ച കാലാവസ്ഥ, സംസ്കാരം, പാചകരീതി എന്നിവ കേരളത്തെ പുരോഗതിയിലേക്ക് നയിക്കാനുതകും, കേരളത്തില് നിന്ന് ലോകത്തിനേറെ പഠിക്കാനും അനുകരിക്കാനുമുണ്ടെന്ന് പ്രധാനമന്ത്രി നരേന്ദ്രമോദി....
വന്ദേഭാരത്, കൊച്ചി വാട്ടര് മെട്രോ എന്നിവയുടെ സമര്പ്പണം, വിവിധ റെയില് പദ്ധതികളുടെ ഉദ്ഘാടനം, ഡിജിറ്റല് സയന്സ് പാര്ക്ക് ശിലാസ്ഥാപനം എന്നിവ തിരുവനന്തപുരം സെന്ട്രല് സ്റ്റേഡിയത്തില് നിര്വഹിക്കുകയായിരുന്നു അദ്ദേഹം.
വന്ദേഭാരത് ഫ്ളാഗ് ഓഫ് തമ്പാനൂര് റെയില്വേ സ്റ്റേഷനില് നിര്വഹിച്ചിട്ടാണ് മോദി സെന്ട്രല് സ്റ്റേഡിയത്തിലേക്ക് വന്നത്. ഇവിടത്തെ ജനങ്ങള്ക്ക് ആഗോള സാഹചര്യം ഉള്ക്കൊള്ളാനും കഴിവുണ്ട്. കേരളത്തിന്റെ മട്ട അരിയും നാളികേരവും ശ്രീ അന്ന എന്ന പേരില് ലോകമെമ്പാടുമെത്തിക്കാനുള്ള പരിശ്രമം നടത്തി വരികയാണ്.
കര്ഷകരുടെയും കരകൗശല വിദഗ്ദ്ധരുടെയും ഉത്പന്നങ്ങളുടെ ശബ്ദമായി നാം മാറണം. എങ്കില് ലോകത്തൊട്ടാകെ അവയ്ക്ക് പ്രചാരം ലഭിക്കും. വികസിത ഭാരതനിര്മ്മാണത്തിന് ഇത് വഴി തുറക്കും. മന് കി ബാത്ത് പരിപാടിയില് കേരളത്തിലെ സ്വയംസഹായസംഘങ്ങളുടെ ഉത്പന്നങ്ങളെക്കുറിച്ച് ഞാന് പരാമര്ശിക്കാറുണ്ട്.
കേരളം പുരോഗമിച്ചാലേ രാഷ്ട്രത്തിനും അതിവേഗം പുരോഗതി കൈവരിക്കാനാവൂ. തിരുവനന്തപുരം- ഷൊര്ണൂര് പാത അര്ദ്ധ അതിവേഗ ട്രെയിനുകള്ക്കായി സജ്ജമാക്കുകയാണ്. ഇത് പൂര്ത്തിയാവുമ്പോള് മംഗലാപുരം വരെ പെട്ടെന്നെത്താന് കഴിയും.
സെമി ഹൈബ്രിഡ് ട്രെയിന്, റിജിയണല് റാപ്പിഡ് ട്രാന്സ്പോര്ട്ട് സിസ്റ്റം, റോറോ ഫെറി, ലൈറ്റ് മെട്രോ, ചെറുനഗരങ്ങളിലെ അര്ബന് റോപ്പ് വേ എന്നിവയിലെ തദ്ദേശീയ നിര്മ്മാണത്തെക്കുറിച്ചും പ്രധാനമന്ത്രി സംസാരിച്ചു.
'സ്നേഹിതരേ നമസ്കാരം...'നല്ലവരായ മലയാളി സ്നേഹിതരേ, നമസ്കാരം...' സെന്ട്രല് സ്റ്റേഡിയത്തില് പ്രധാനമന്ത്രി നരേന്ദ്രമോദി സംസാരിച്ചു തുടങ്ങിയത് മലയാളത്തില്. കൊച്ചിയിലെന്ന പോലെ ഇന്നലെയും മുണ്ടുടുത്താണ് മോദി എത്തിയത്. ജൂബയ്ക്ക് പകരം വെള്ള ഷര്ട്ട്. നവവര്ഷാഘോഷമായ വിഷു കഴിഞ്ഞുപോയെങ്കിലും എല്ലാവര്ക്കും വിഷു നേരുന്നതായി മോദി പറഞ്ഞതോടെ സദസ് അഭിവാദ്യമര്പ്പിച്ച് മുദ്രാവാക്യം മുഴക്കി.
'കേരളത്തിന് ആദ്യ വന്ദേഭാരത് കിട്ടി, ജല മെട്രോ കിട്ടി, മറ്റു റെയില്വേ പദ്ധതികള് ലഭിച്ചു. ഈ വികസന ഉത്സവത്തില് പങ്കാളിയാവാന് കഴിഞ്ഞതില് സന്തോഷം. എല്ലാ വികസനത്തിനും ആശംസ നേരുന്നു'- കരഘോഷത്തിനിടെ പ്രധാനമന്ത്രി പറഞ്ഞു.
അതേസമയം സംസ്ഥാന സര്ക്കാരിന്റെ മുന്കൈയില് നടപ്പാക്കുന്നതാണ് 1500 കോടിയുടെ ഡിജിറ്റല് സയന്സ് പാര്ക്ക്. 1136.83 കോടിയുടേതാണ് കൊച്ചി ജലമെട്രോ.
1140 കോടി തിരുവനന്തപുരം സെന്ട്രല്, വര്ക്കല, കോഴിക്കോട് സ്റ്റേഷന് പുനര്നവീകരണം 156 കോടി നേമം, കൊച്ചുവേളി ടെര്മിനല് സ്റ്റേഷനുകളുടെ സമഗ്ര വികസനം 381 കോടി 326 കിലോമീറ്റര് തിരുവനന്തപുരം- ഷൊര്ണൂര് ട്രാക്ക് സെക്ഷണല് വേഗത കൂട്ടല് 242 കോടി 179 കിലോമീറ്റര് പാലക്കാട്- പളനി- ദിണ്ടിഗല് പാത വൈദ്യുതീകരണം (പൂര്ത്തിയായി) . പ്രധാനമന്ത്രി ഇന്നലെ നാടിന് സമര്പ്പിച്ചത് 1919 കോടിയുടെ നാല് റെയില്വേ നവീകരണ പദ്ധതികളാണ്.
"
https://www.facebook.com/Malayalivartha
