വെള്ളനാട് കിണറ്റില് വീണ് കരടി ചത്ത സംഭവത്തില് ചീഫ് വൈല്ഡ് ലൈഫ് വാര്ഡന് ഇന്ന് അന്തിമ റിപ്പോര്ട്ട് സമര്പ്പിക്കും
വെള്ളനാട് കിണറ്റില് വീണ് കരടി ചത്ത സംഭവത്തില് ചീഫ് വൈല്ഡ് ലൈഫ് വാര്ഡന് ഇന്ന് അന്തിമ റിപ്പോര്ട്ട് സമര്പ്പിക്കും. കരടി ചത്തതില് വനം വകുപ്പിന് വീഴ്ച സംഭവിച്ചിട്ടില്ലെന്നാണ് ചീഫ് വൈല്ഡ് ലൈഫ് വാര്ഡന്റെ കണ്ടെത്തല്.
നേരത്തെ പോസ്റ്റ്മോര്ട്ടം വിവരങ്ങള് ഉള്പ്പെടുത്തി പ്രാഥമിക റിപ്പോര്ട്ട് മന്ത്രിക്ക് നല്കിയിട്ടുണ്ടായിരുന്നു. മയക്കുവെടി വയ്ക്കാതെ കരടി പുറത്തെടുക്കാന് സാധിക്കില്ലെന്നായിരുന്നു പ്രാഥമിക റിപ്പോര്ട്ടിലെയും ഉള്ളടക്കം.
റിപ്പോര്ട്ടിന്റെ അടിസ്ഥാനത്തില് വൈല്ഡ് ലൈഫ് വാര്ഡനും ഡിഎഫ്ഒയ്ക്കും മെമ്മോ നല്കുന്നതിന് അപ്പുറം കാര്യമായ നടപടികള്ക്ക് സാധ്യതയില്ല.
തിരുവനന്തപുരം വെള്ളനാട് കിണറ്റില് വീണ കരടി രക്ഷാദൗത്യത്തിനിടെ ചത്ത സംഭവത്തില് ഉദ്യോഗസ്ഥ വീഴ്ചയുണ്ടായെങ്കില് കര്ശന നടപടി എടുക്കുമെന്ന് വനംമന്ത്രി എ കെ ശശീന്ദ്രന്. സംഭവത്തില് സമഗ്രമായ റിപ്പോര്ട്ട് ആവശ്യപ്പെട്ടിട്ടുണ്ടെന്നും വിശദമായി അന്വേഷിക്കുമെന്നും എ കെ ശശീന്ദ്രന് .
കിണറില് വീണ കരടിയെ രക്ഷിക്കാന് വനം വകുപ്പ് ഉദ്യോഗസ്ഥര് അതിരാവിലെ തന്നെ വെള്ളനാടെത്തി. പക്ഷെ തുടക്കം മുതല് കണക്കുകൂട്ടലുകള് പലതും തെറ്റി. കിണറ്റിന്റെ വക്കില് അള്ളിപ്പിടിച്ചിരുന്ന കരടിക്ക് താഴെയായി വനം വകുപ്പ് ആദ്യം വല വരിച്ചു.
വനം വകുപ്പ് വിരിച്ച വലയില് കരടി സുരക്ഷിതമായിരിക്കുമെന്ന പ്രതീക്ഷയിലാണ് മയക്ക് വെടി വയ്ക്കാന് വനം വകുപ്പ് തീരുമാനിച്ചത്.
"
https://www.facebook.com/Malayalivartha
