ആലപ്പുഴയില് വാഹനാപകടത്തില് മൂന്ന് പേര്ക്ക് പരുക്ക്... ആലപ്പുഴയിലെ കാട്ടില് മാര്ക്കറ്റില് നിന്നും സിമന്റ് കട്ടയുമായി വന്ന വാഹനമാണ് അപകടത്തില്പ്പെട്ടത്, ഇടിയുടെ ആഘാതത്തില് വാഹനത്തിന്റെ മുന്വശം പൂര്ണമായും തകര്ന്ന നിലയില്
26 APRIL 2023 10:32 AM IST
മലയാളി വാര്ത്ത
ആലപ്പുഴയില് വാഹനാപകടത്തില് മൂന്ന് പേര്ക്ക് പരിക്ക ്. നിയന്ത്രണം തെറ്റിയ പിക്കപ്പ് വാന് തെങ്ങിലിടിച്ചാണ് അപകടം സംഭവിച്ചത്. താമല്ലാക്കല് കെ വി ജെട്ടി - കാട്ടില് മാര്ക്കറ്റ് റോഡില് എസ്എന്വി എല്പി സ്കൂളിന് സമീപത്തായി കഴിഞ്ഞ ദിവസം വൈകുന്നേരത്തോടെയായിരുന്നു അപകടം നടന്നത്.
പിക്കപ്പിന്റെ ഡ്രൈവര് ചെറുതന സ്വദേശി രഞ്ജു (33), പശ്ചിമബംഗാള് സ്വദേശികളായ ബാഹു മണ്ഡല്( 34 ), ബിസു (35 ) എന്നിവര്ക്കാണ് പരിക്കേറ്റത്. ആലപ്പുഴയിലെ കാട്ടില് മാര്ക്കറ്റില് നിന്നും സിമന്റ് കട്ടയുമായി വന്ന വാഹനമാണ് അപകടത്തില്പ്പെട്ടത്.
ഇടിയുടെ ആഘാതത്തില് വാഹനത്തിന്റെ മുന്വശം പൂര്ണമായും തകര്ന്നനിലയിലാണ്. രഞ്ജുവിനെ ഹരിപ്പാട് താലൂക്ക് ആശുപത്രിയിലും ബാഹു മണ്ഡല്, ബിസു എന്നിവരെ വണ്ടാനം മെഡിക്കല് കോളേജ് ആശുപത്രിയിലും പ്രവേശിപ്പിച്ചു.
"
അപ്പപ്പോഴുള്ള വാര്ത്തയറിയാന് ഞങ്ങളുടെ ഫേസ്ബുക്ക് പേജ് LIKE ചെയ്യുക
https://www.facebook.com/Malayalivartha
https://www.facebook.com/Malayalivartha
