എസ്എന്‍ഡിപി യോഗം ജനറല്‍ സെക്രട്ടറി വെള്ളാപ്പള്ളി നടേശനെതിരേ രൂക്ഷ വിമര്‍ശനവുമായി പ്രതിപക്ഷ നേതാവ് വി.എസ്.അച്യുതാനന്ദന്‍ രംഗത്ത്. ആര്‍.ശങ്കര്‍ പ്രതിമ അനാച്ഛാദന ചടങ്ങിലേയ്ക്ക് മുഖ്യമന്ത്രിയെ ക്ഷണിച്ച ശേഷം ഒഴിവാക്കിയത് കേരള ജനതയോടുള്ള ധിക്കാരമാണെന്ന് വി.എസ് കുറ്റപ്പെടുത്തി. ആര്‍.ശങ്കറിനെ വെള്ളാപ്പള്ളി അപമാനിച്ചുവെന്നും വെള്ളാപ്പള്ളി ശിവഗിരിയില്‍ സ്ഥാപിക്കുന്നത് ആര്‍എസ്എസ് ശങ്കറിനെയാണെന്നും വി.എസ് പറഞ്ഞു.
പ്രധാനമന്ത്രി പങ്കെടുക്കുന്ന ചടങ്ങിലേയ്ക്ക് മുഖ്യമന്ത്രിയെ ക്ഷണിച്ച ശേഷം ഒഴിവാക്കിയത് കേരള ജനതയെ അപമാനിക്കുന്നതിനു തുല്യമാണെന്ന് സി.ദിവാകരന്‍ എംഎല്‍എ പറഞ്ഞു. ആര്‍.ശങ്കര്‍ പ്രതിമ അനാച്ഛാദന ചടങ്ങിലേയ്ക്ക് ഉമ്മന്‍ ചാണ്ടിയെ ക്ഷണിച്ച ശേഷം എസ്എന്‍ഡിപി യോഗം ഒഴിവാക്കിയ സംഭവത്തോട് പ്രതികരിക്കുകയായിരുന്നു അദ്ദേഹം പറഞ്ഞു.
പ്രധാനമന്ത്രി നരേന്ദ്രമോദി പങ്കെടുക്കുന്ന ആര്‍.ശങ്കര്‍ പ്രതിമ അനാവരണ ചടങ്ങില്‍ എസ്.എന്‍.ഡി.പി ജനറല്‍ സെക്രട്ടറി വെള്ളാപ്പള്ളി നടേശന്റെ അഭ്യര്‍ത്ഥന മാനിച്ച പങ്കെടുക്കില്ലെന്ന് മുഖ്യമന്ത്രി ഉമ്മന്‍ചാണ്ടി അറിയിച്ചു. ഈ തീരുമാനം മുഖ്യമന്ത്രിയുടെ ഓഫീസ് പുറത്തിറക്കിയ വാര്‍ത്താ കുറിപ്പിലാണുള്ളത് പറയുന്നു. ബി.ജെ.പിയുടെ ആവശ്യപ്രകാരമാണ് വെള്ളാപ്പള്ളി ഇക്കാര്യം ആവശ്യപ്പെട്ടതെന്നും സൂചനയുണ്ട്.
മുഖ്യമന്ത്രി ചടങ്ങില്‍ പങ്കെടുക്കുന്നതില്‍ ചില കേന്ദ്രങ്ങള്‍ക്ക് എതിര്‍പ്പുണ്ടെന്നാണ് വെള്ളാപ്പള്ളി അറിയിച്ചതെന്ന് പത്രക്കുറിപ്പിലുള്ളത്. ചടങ്ങില്‍ പങ്കെടുക്കാന്‍ കഴിയാത്ത സാഹചര്യം പ്രധാനമന്ത്രിയെ അറിയിക്കുമെന്ന് മുഖ്യമന്ത്രി ഉമ്മന്‍ചാണ്ടി വ്യക്തമാക്കി. കൊല്ലത്താണ് പ്രതിമ അനാവരണ ചടങ്ങ് നടക്കുക.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക
https://www.facebook.com/Malayalivartha