മെയ്ദിനം ഇന്ന് ... ഇന്ത്യയിലെ ആദ്യ മെയ്ദിനാചരണത്തിന് നൂറുവര്ഷം തികയുന്നു.... സാര്വദേശീയ തൊഴിലാളിദിനമായ മെയ് ഒന്നിന് ജില്ലയില് പന്ത്രണ്ടിടങ്ങളില് സിഐടിയു നേതൃത്വത്തില് ഉജ്വലമായ തൊഴിലാളി റാലിയും പൊതുസമ്മേളനവും നടത്തും
എല്ലാ വര്ഷവും മെയ് ഒന്ന് മെയ്ദിനമായി ആഘോഷിക്കാറുണ്ട്. ഈ ദിവസത്തെ ലോക തൊഴിലാളി ദിനം എന്നും അറിയപ്പെടുന്നു. ലോകമെങ്ങുമുള്ള തൊഴിലാളികളുടെ ദിനമായിട്ടാണ് മേയ് ദിനം അഥവാ തൊഴിലാളി ദിനം ആഘോഷിക്കുന്നത്.
അന്താരാഷ്ട്ര തൊഴിലാളി ദിനം എന്നാണ് ഇത് ലോകമെമ്പാടും അറിയപ്പെടുന്നത്. എട്ടു മണിക്കൂര് തൊഴില് സമയം അംഗീകരിച്ചതിനെതുടര്ന്ന് അതിന്റെ സ്മരണക്കായി മെയ് ഒന്ന് ആഘോഷിക്കണം എന്ന ആശയം ഉണ്ടായത് 1856 ല് ഓസ്ട്രേലിയായില് ആണ്. മേയ് ദിനം ലോകമെമ്പാടുമുള്ള സാമൂഹിക സാമ്പത്തിക നേട്ടങ്ങളെ സ്മരിക്കുന്ന ഒരു ദിനമാണ് ഇത്. ഇതിന്റെ പ്രചോദനം അമേരിക്കയില് നിന്നും ഉണ്ടായതാണെന്ന ഒരു വാദവുമുണ്ട്. എണ്പതോളം രാജ്യങ്ങളില് മെയ് ദിനം പൊതു അവധിയായി ആചരിക്കുന്നു.
അതേസമയം 1923 മെയ് ഒന്നിന് മദിരാശി ഹൈക്കോടതിക്ക് സമീപത്തെ ബീച്ചില്, രാജ്യത്ത് ആദ്യമായി പൊതുസ്ഥലത്ത് ചെങ്കൊടി ഉയര്ത്തി, മലയപുരം ശിങ്കാരവേലു ചെട്ടിയാര് ഈ പ്രസംഗം ചെയ്യുമ്പോള് കമ്യൂണിസ്റ്റ് പാര്ട്ടിക്ക് ഇന്ത്യയില് ഒരു ഘടകം ഉണ്ടായിട്ടില്ല.
1920 ഒക്ടോബര് 17ന് താഷ്കെന്റില് പാര്ട്ടിയുടെ ആദ്യഘടകം രൂപീകരിച്ചെങ്കിലും അവരില് ഇന്ത്യയിലേക്ക് പുറപ്പെട്ടവരൊക്കെ ഗൂഢാലോചനക്കേസുകളില് അറസ്റ്റ് ചെയ്യപ്പെട്ടിരുന്നു.
കാണ്പുരില് കമ്യൂണിസ്റ്റ് പാര്ട്ടിയുടെ അഖിലേന്ത്യ ഘടകം രൂപം കൊള്ളുന്നത് പിന്നെയും രണ്ടരവര്ഷം കഴിഞ്ഞ് 1925 ഡിസംബര് 26ന് ആണ്. ചുവന്നപാതയിലെ ആദ്യപഥികരിലൊരാളായിരുന്നു ശിങ്കാരവേലു ചെട്ടിയാര്. കമ്യൂണിസ്റ്റാണെന്ന് അദ്ദേഹം സ്വയം പ്രഖ്യാപിച്ചിരുന്നു.
1923 ലെ മേയ്ദിനത്തില് തൊഴിലാളി റാലി സംഘടിപ്പിക്കുക മാത്രമല്ല ശിങ്കാരവേലു ചെയ്തത്; ഒരു രാഷ്ട്രീയപാര്ടിയുടെ രൂപീകരണവും പ്രഖ്യാപിച്ചു. 'ഭരണകൂടം മുതലാളിത്തത്തോട് ഒപ്പമായിരിക്കുകയും സ്ഥാപിത താല്പ്പര്യങ്ങള് സംരക്ഷിക്കുകയും ചെയ്യുമ്പോള് തൊഴിലാളിവര്ഗത്തിന് ഒറ്റവഴിയേ ഉള്ളൂ: വര്ഗ ഐക്യം ശക്തമാക്കി സംഘടിക്കുക. നമ്മള് ഈ മേയ്ദിനത്തില് അങ്ങനെയൊരു പ്രസ്ഥാനത്തിന് തുടക്കമിടുകയാണ്.' ശിങ്കാരവേലു പ്രഖ്യാപിക്കുകയും ചെയ്തു.അങ്ങനെ ഇന്ത്യയിലെ ആദ്യ മെയ്ദിനാചരണത്തിന് നൂറുവര്ഷം ഇന്ന് തികയുന്നു.
അതേസമയം സാര്വദേശീയ തൊഴിലാളിദിനമായ മെയ് ഒന്നിന് ജില്ലയില് പന്ത്രണ്ടിടങ്ങളില് സിഐടിയു നേതൃത്വത്തില് ഉജ്വലമായ തൊഴിലാളി റാലിയും പൊതുസമ്മേളനവും നടത്തും. എല്ലാ വിഭാഗത്തിലുള്ള തൊഴിലാളികളും അവരുടെ കുടുംബാംഗങ്ങളുമടക്കം ആയിരങ്ങള് റാലികളില് പങ്കെടുക്കും. കലാസാംസ്കാരിക പരിപാടികളുമായി റാലികള് ഉത്സവഛായയിലാക്കാനുള്ള ഒരുക്കങ്ങള് പൂര്ത്തിയായി.
"
https://www.facebook.com/Malayalivartha
