ഹൃദയത്തില് നിന്നുള്ള ആത്മാര്ത്ഥമായ സംഭാഷണങ്ങള് ശ്രോതാക്കളില് സ്ഥിരമായ സ്വാധീനം ചെലുത്തും.അതിന് ചിറകുകളില്ലെങ്കിലും ലോകത്തിന്റെ എല്ലാ കോണുകളിലേക്കും പറക്കാന് കഴിയും... പ്രധാനമന്ത്രിയുടെ മന് കി ബാത്ത് എന്ന പരിപാടിയെ വ്യത്യസ്തമാക്കിയത് ജനങ്ങള്ക്കിടയില് പ്രസരിക്കുന്ന ക്രിയാത്മക വികാരമാണെന്നും ഗവര്ണര് ആരീഫ് മുഹമ്മദ് ഖാന്
നമുക്ക് ചുറ്റുമുണ്ടായിരുന്നിട്ടും ശ്രദ്ധിക്കാതെ പോയ നിരവധി രാജ്യസ്നേഹികളുടെ നേട്ടങ്ങളും സംഭാവനകളും പതിവായി എടുത്തു കാട്ടാനായതാണ് നേട്ടം. പ്രധാനമന്ത്രിയുടെ മന് കി ബാത്ത് എന്ന പരിപാടിയെ വ്യത്യസ്തമാക്കിയത് ജനങ്ങള്ക്കിടയില് പ്രസരിക്കുന്ന ക്രിയാത്മക വികാരമാണെന്ന് ഗവര്ണര് ആരീഫ് മുഹമ്മദ് ഖാന് .
മന് കി ബാത്തിന്റെ നൂറാം എപ്പിസോഡ് പ്രക്ഷേപണത്തോടനുബന്ധിച്ച് രാജ് ഭവനില് ക്ഷണിക്കപ്പെട്ടവരുടെ ചടങ്ങില് സംസാരിക്കുകയായിരുന്നു ഗവര്ണര് .ഒരു നേതാവിന് തന്റെ പ്രചോദനാത്മകമായ വാക്കുകളിലൂടെ രാജ്യത്തിന്റെ ക്രിയാത്മക പ്രവര്ത്തനങ്ങളിലേക്ക് എത്രത്തോളം നയിക്കാന് കഴിയുമെന്നതിന്റെ തെളിവാണ് 'മന് കി ബാത്ത് ' .
ഹൃദയത്തില് നിന്നുള്ള ചിന്തകളുടെ സുഗമമായ പ്രവാഹമായ ഈ പരിപാടി ഇന്ത്യക്കാരുടെ ഹൃദയങ്ങളെ സ്പര്ശിക്കുന്നു. വികസനം, പുരോഗതി, വിദ്യാഭ്യാസം,ക്ഷേമം തുടങ്ങി നിരവധി കാര്യങ്ങളെക്കുറിച്ച് ജനങ്ങളെ ഉത്സുകരാക്കുകയും ഉണര്ത്തുകയും ചെയ്തു. 130 കോടി ഇന്ത്യക്കാരുടെ ആഗ്രഹങ്ങള്ക്കും സ്വപ്നങ്ങള്ക്കും ശുഭാപ്തി വിശ്വാസത്തിനും വേണ്ടിയുള്ള ശബ്ദമാണ് മന് കി ബാത്തില് ഉയരുന്നത്.
രാജ്യത്തലവന് ജനങ്ങളോട് സംവദിക്കുന്ന ഇത്തരമൊരു പരിപാടി ലോക ചരിത്രത്തിലില്ലന്ന് കേന്ദ്ര സഹമന്ത്രി വി. മുരളീധരന് പറഞ്ഞു. കോടിക്കണക്കിന് ഇന്ത്യക്കാരുടെ മനസിലെ കാര്യങ്ങളും അവരുടെ വികാരങ്ങളുമാണ് പ്രധാനമന്ത്രി വാക്കുകളിലൂടെ ലോകത്തെ അറിയിച്ചത്.
കേരളവും പലതവണ മന് കി ബാത്തില് ഇടം നേടിയിട്ടുണ്ട്. സാധാരണക്കാരുടെ മഹത്വം നാം അറിഞ്ഞതതു പോലും നരേന്ദ്ര മോദി മന് കി ബാത്തില് പരാമര്ശിച്ചപ്പോഴാണെന്നും മുരളീധരന് പറഞ്ഞു.
"
https://www.facebook.com/Malayalivartha
