സംസ്ഥാനത്ത് ഇന്നും പരക്കെ വേനല് മഴയ്ക്ക് സാധ്യത...അഞ്ച് ജില്ലകളില് യെല്ലോ അലര്ട്ട്, കടല് പ്രക്ഷുബ്ദമാവാന് സാധ്യതയുണ്ടെന്നാണ് കാലാവസ്ഥ നിരീക്ഷണ കേന്ദ്രത്തിന്റെ മുന്നറിയിപ്പ്
സംസ്ഥാനത്ത് ഇന്നും പരക്കെ വേനല് മഴ കിട്ടും. അഞ്ച് ജില്ലകളില് യെല്ലോ അലര്ട്ട് പ്രഖ്യാപിച്ചിട്ടുണ്ട്. പത്തനംതിട്ട, ആലപ്പുഴ, ഇടുക്കി, എറണാകുളം, തൃശ്ശൂര് ജില്ലകളിലാണ് യെല്ലോ അലര്ട്ട്.
ഉച്ചയ്ക്ക് ശേഷമാണ് കൂടുതല് മഴ സാധ്യത. ഒറ്റപ്പെട്ടയിടങ്ങളില് ശക്തമായ മഴ കിട്ടും. തമിഴ്നാട് തീരം മുതല് വിദര്ഭ തീരം വരെയായി നിലനില്ക്കുന്ന ന്യൂനമര്ദ്ദപാത്തിയുടെ സ്വാധീനഫലമായാണ് മഴ ശക്തമായത്. അതേസമയം സംസ്ഥാനത്തെ ചുട്ടുപ്പൊള്ളുന്ന അന്തരീക്ഷത്തിന് താല്ക്കാലിക ആശ്വാസമാണ് ഈ മഴ.
തിങ്കളാഴ്ച പത്തനംതിട്ട, ആലപ്പുഴ, എറണാകുളം, ഇടുക്കി, തൃശൂര് ജില്ലകളിലും ചൊവ്വാഴ്ച പത്തനംതിട്ട, എറണാകുളം, ഇടുക്കി, തൃശൂര്, ബുധനാഴ്ച പത്തനംതിട്ട, എറണാകുളം, ഇടുക്കി, തൃശൂര് എന്നീ ജില്ലകളിലുമാണ് യെല്ലോ അലര്ട്ട് പ്രഖ്യാപിച്ചിരിക്കുന്നത്. ഒറ്റപ്പെട്ട ശക്തമായ മഴയായിരിക്കുമെന്നാണ് മുന്നറിയിപ്പ്.
അധികൃതരുടെ നിര്ദേശങ്ങള് അനുസരിച്ച് അപകട സാധ്യതയുള്ള മേഖലയിലുള്ളവര് മാറിത്താമസിക്കേണ്ട സാഹചര്യം ഉണ്ടായാല് അതിനോട് സഹകരിക്കേണ്ടതാണ്. അടച്ചുറപ്പില്ലാത്ത വീടുകളില് താമസിക്കുന്നവരും മേല്ക്കൂര ശക്തമല്ലാത്ത വീടുകളില് താമസിക്കുന്നവരും ജാഗ്രത പാലിക്കണം. വിവിധ തീരങ്ങളില് കടലാക്രമണം ശക്തമാകാന് സാധ്യതയുണ്ട്. മത്സ്യബന്ധനോപധികള് സുരക്ഷിതമാക്കി സൂക്ഷിക്കണം. പൊതു-സ്വകാര്യ ഇടങ്ങളില് അപകടവസ്ഥയില് നില്ക്കുന്ന മരങ്ങള്/പോസ്റ്റുകള്/ബോര്ഡുകള് തുടങ്ങിയവ സുരക്ഷിതമാക്കുകയും മരങ്ങള് കോതി ഒതുക്കുകയും ചെയ്യണം.
അപകടാവസ്ഥകള് അധികൃതരുടെ ശ്രദ്ധയില് പെടുത്തേണ്ടതാണ്. ദുരിതാശ്വാസ ക്യാമ്പുകളിലേക്ക് മാറേണ്ടുന്ന ഘട്ടങ്ങളില് പൂര്ണ്ണമായും കൊവിഡ് മാനദണ്ഡങ്ങള് പാലിക്കാന് തയ്യാറാവണം.ദുരന്ത സാധ്യത മേഖലയിലുള്ളവര് ഒരു എമര്ജന്സി കിറ്റ് അടിയന്തരമായി തയ്യാറാക്കി വെക്കേണ്ടതാണെന്നും ജാഗ്രതാ നിര്ദേശം നല്കി കാലാവസ്ഥാ വകുപ്പ് .
"
https://www.facebook.com/Malayalivartha
