കോട്ടയം പാലായിൽ എക്സൈസ് സ്പെഷ്യൽ സ്ക്വാഡിന്റെ നേതൃത്വത്തിൽ നടത്തിയ പരിശോധനയിൽ എം.ഡി.എം.എയുമായി 3 യുവാക്കൾ പിടിയിൽ. എരുമേലി സ്വദേശികളായ യുവാക്കളാണ് പിടിയിലായത് ബാംഗ്ലൂരിൽ നിന്നും വന്ന ബസ് തടഞ്ഞ് നിർത്തിയാണ് കോട്ടയത്ത് നിന്നുള്ള എക്സൈസ് സ്പെഷ്യൽ സ്ക്വാഡ് എം.ഡി.എം.എ പിടികൂടിയത്. 70 ഗ്രാമോളം എംഡി എം എ ഇവരിൽ നിന്നും കണ്ടെത്തി. എൽ.എസ്.ഡി സ്റ്റാമ്പുകളും ഇവരിൽ നിന്നും പിടിച്ചെടുത്തിട്ടുണ്ട്.

അതേസമയം രണ്ട് ദിവസം മുമ്പ് എറണാകുളത്ത് എം​ഡിഎംഎയുമായി യുവാവ് എക്സൈസിന്‍റെ പിടിയിലാിരുന്നു. എ​ട​ത്ത​ല മാ​യി​ന്ത​രി​യ​ക​ത്ത് അ​ബ്ദു​ൽ റ​ഹ്മാ​നെ(33)യാണ് എക്സൈ​സ് സ്പെ​ഷൽ സ്‌​ക്വാ​ഡ് അറസ്റ്റ് ചെയതത്. കൊ​ടി​കു​ത്തി​മ​ല​യി​ൽ വ​ച്ചാ​ണ് സ്കൂ​ട്ട​റിൽ സ​ഞ്ച​രി​ക്കുവെ അ​ബ്ദു​ൽ റ​ഹ്മാ​നിൽ നിന്ന് 22.7777 ഗ്രാം ​എം​ഡിഎംഎ എ​ക്സൈസ് സംഘം പി​ടി​കൂ​ടുകയായിരുന്നു.

തു​ട​ർ​ന്ന്, പ്രതിയുടെ വീ​ട്ടി​ൽ ന​ട​ത്തി​യ റെ​യ്ഡി​ൽ എം​ഡിഎംഎ, മൊ​ബൈ​ൽ ഫോ​ൺ, വെ​യിം​ഗ് മെ​ഷീ​ൻ, ലാ​പ്ടോ​പ്, 28500 രൂ​പ​ എ​ന്നി​വയും​ കണ്ടെടുത്തു. എക്സൈ​സ് സ്പെ​ഷ​ൽ സ്‌​ക്വാ​ഡ് സ​ർ​ക്കി​ൾ ഇ​ൻ​സ്‌​പെ​ക്ട​ർ എം. ​സ​ജീ​വ് കു​മാ​ർ, എം.​ടി. ഹാ​രി​സ്, ഹ​ർ​ഷ​കു​മാ​ർ, ജ​യ​ദേ​വ​ൻ, നി​ഷ എ​ന്നി​വ​രടങ്ങിയ സം​ഘ​മാ​ണ് പ്ര​തി​യെ പി​ടി​കൂ​ടി​യ​ത്. പ്രതിയെ കോടതിയിൽ ഹാജരാക്കി.