ലോകമെങ്ങുമുള്ള അധ്വാനിക്കുകയും ഭാരം ചുമക്കുകയും കഷ്ടപ്പെടുകയും ചെയ്യുന്നവരുടെ ദിനം... അടിച്ചമര്ത്തപ്പെട്ട മനുഷ്യന് അവരുടെ മോചനസ്വപ്നങ്ങള്ക്ക് സ്വന്തം ചോരകൊണ്ട് ചരിത്രമെഴുതിയ ദിനത്തിന്റെ സ്മരണയാണ് മെയ്ദിനമെന്ന് സിപിഐ എം സംസ്ഥാന സെക്രട്ടറി എം വി ഗോവിന്ദന്
ലോകമെങ്ങുമുള്ള അധ്വാനിക്കുകയും ഭാരം ചുമക്കുകയും കഷ്ടപ്പെടുകയും ചെയ്യുന്നവരുടെ ദിനം... അടിച്ചമര്ത്തപ്പെട്ട മനുഷ്യന് അവരുടെ മോചനസ്വപ്നങ്ങള്ക്ക് സ്വന്തം ചോരകൊണ്ട് ചരിത്രമെഴുതിയ ദിനത്തിന്റെ സ്മരണയാണ് മെയ്ദിനമെന്ന് സിപിഐ എം സംസ്ഥാന സെക്രട്ടറി എം വി ഗോവിന്ദന്.
ഒരു ദിവസം എട്ടുമണിക്കൂര് ജോലി എട്ടു മണിക്കൂര് വിനോദം എട്ടുമണിക്കൂര് വിശ്രമം എന്ന അവകാശം നേടിയെടുക്കാന് ചിക്കാഗോയിലെ തൊഴിലാളികള് സമരം ചെയ്യുകയും രക്തസാക്ഷികളാവുകയും ചെയ്തതിന്റെ ഉജ്ജ്വല സ്മരണയാണ് മെയ്ദിനമായി ആഘോഷിക്കുന്നത്.
വിവിധ ഭൂഖണ്ഡങ്ങളില്, രാജ്യങ്ങളില് വിവിധ കാലങ്ങളില് എണ്ണമറ്റ തൊഴിലാളികള് നടത്തിയ സമരങ്ങളുടെ ഫലമാണ് ഇന്ന് നാം അനുഭവിക്കുന്ന എല്ലാ അവകാശങ്ങളും. അവ ഇനിയും പൂര്ണമായിട്ടില്ല. ആഹാരം, വിദ്യാഭ്യാസം, പാര്പ്പിടം, ശുദ്ധജലം, ശുദ്ധവായു എന്നിവയ്ക്കും സ്വതന്ത്രചിന്തയ്ക്കും അഭിപ്രായപ്രകടനത്തിനും അഭിരുചികള്ക്കനുസരിച്ച് വളരാനുള്ള അവസരം,
എല്ലാ വിഭാഗീയതയില് നിന്നുമുള്ള മോചനം... അങ്ങനെയങ്ങനെ അനിഷേധ്യങ്ങളായ മനുഷ്യാവകാശങ്ങള് ഇനിയും നിറവേറാത്ത സ്വപ്നങ്ങളാണ്. ആ സ്വപ്നങ്ങള് സൂക്ഷിക്കുന്നവര്ക്കും അവയ്ക്കായി പൊരുതുന്നവര്ക്കും മെയ്ദിനം ആവേശം പകരുകയും ചെയ്യും.
അതേസമയം തൊഴിലാളികളുടെ അവകാശങ്ങള് സംരക്ഷിക്കാന് ഈ സര്ക്കാര് പ്രതിജ്ഞാബദ്ധമാണെന്നും കോര്പ്പറേറ്റ് വത്കരണത്തിന്റെ ഈ കാലത്തും തൊഴിലാളി ക്ഷേമ നടപടികളുമായി സര്ക്കാര് മുന്നോട്ടു പോകുമെന്നും തൊഴില്മന്ത്രി പറഞ്ഞു.
"
https://www.facebook.com/Malayalivartha
