നടിയെ മദ്യം നല്കി പീഡിപ്പിക്കാന് ശ്രമിച്ചെന്ന കേസില് റിട്ട.ഡിവൈഎസ്പി വി.മധുസൂദനന്റെ മൊഴി രേഖപ്പെടുത്തും; പരാതി കെട്ടിച്ചമച്ചതാണോ എന്നതടക്കമുള്ള കാര്യങ്ങളും പരിശോധനയ്ക്കു വിധേയമാക്കും
ആല്ബത്തില് അഭിനയിക്കാനെത്തിയ നടിയെ മദ്യം നല്കി പീഡിപ്പിക്കാന് ശ്രമിച്ചെന്ന കേസില് പ്രതിയായ റിട്ട.ഡിവൈഎസ്പി വി.മധുസൂദനന്റെ മൊഴി രേഖപ്പെടുത്തും. ജാമ്യം ലഭിക്കുന്ന വകുപ്പുകളാണു ചുമത്തിയിരിക്കുന്നതെന്ന് അന്വേഷണത്തിന്റെ ചുമതലയുള്ള ഡിവൈഎസ്പി പറഞ്ഞു. ബേക്കല് പൊലീസാണു കേസ് റജിസ്റ്റര് ചെയ്തിരിക്കുന്നത്. കൊല്ലം സ്വദേശിയായ യുവതിയാണ് മധുസൂദനനെതിരെ പരാതി നല്കിയത്. കഴിഞ്ഞ ശനിയാഴ്ചയാണ് പരാതി നല്കിയത്. യുവതിയുടെ മൊഴി പൊലീസ് രേഖപ്പെടുത്തി.
മധുസൂദനനോടു ചോദ്യം ചെയ്യലിനു ഹാജരാകാന് നോട്ടിസ് നല്കും. പരാതിയുടെ നിജസ്ഥിതി പരിശോധിക്കും. പരാതി കെട്ടിച്ചമച്ചതാണോ എന്നതടക്കമുള്ള കാര്യങ്ങളും പരിശോധനയ്ക്കു വിധേയമാക്കും. ഹോസ്ദുര്ഗ് ബാറിലെ അഭിഭാഷകനാണ് മധുസൂദനന്. 2020ല് കണ്ണൂര് വിജിലന്സ് ഡിവൈഎസ്പി ആയിരിക്കെയാണു വിരമിച്ചത്. കഴിഞ്ഞ കുറേ വര്ഷമായി സിനിമാ അഭിനയ രംഗത്തുണ്ട്. ആന്ഡ്രോയിഡ് കുഞ്ഞപ്പന്, തൊണ്ടിമുതലും ദൃക്സാക്ഷിയും, കക്ഷി അമ്മിണിപ്പിള്ള അടക്കമുള്ള സിനിമകളില് അഭിനയിച്ചു.
ബേക്കലില് ഹോം സ്റ്റേയിലാണ് നടിക്ക് താമസസൗകര്യം ഒരുക്കിയിരുന്നത്. ആല്ബങ്ങള് എടുക്കുന്നവര് സ്ഥിരമായി ഉപയോഗിക്കുന്ന താമസ സ്ഥലമാണിത്. ഹോം സ്റ്റേയിലെത്തിയ മധുസൂദനന് ബിയര് നല്കിയശേഷം സിനിമയില് അഭിനയിപ്പിക്കാമെന്നു വാഗ്ദാനം ചെയ്ത് മോശമായി പെരുമാറി എന്നാണ് പരാതി.
https://www.facebook.com/Malayalivartha
