കടബാധ്യതയെ തുടര്‍ന്ന് വിഷം കഴിച്ച് ആത്മഹത്യക്ക് ശ്രമിച്ച മധ്യവയസ്‌കനായ കര്‍ഷകന്‍ ചികിത്സയിലിരിക്കെ മരിച്ചു. വയനാട് ചെന്നലോട് പുത്തന്‍പുരക്കല്‍ സൈജന്‍ എന്ന ദേവസ്യ (49) ആണ് ഇന്ന് പുലര്‍ച്ചെ മരിച്ചത്.രണ്ട് ദിവസം മുമ്പ് വിഷം കഴിച്ച് അവശനായ നിലയില്‍ വയലില്‍ കണ്ടെത്തിയ ദേവസ്യയെ ആദ്യം കല്‍പറ്റയിലെ സ്വകാര്യ ആശുപത്രിയിലും ഇന്നലെ വയനാട് മെഡിക്കല്‍ കോളജ് ആശുപത്രിയിലും പ്രവേശിപ്പിച്ചിരുന്നു.

മഴയിലും കാറ്റിലും അറുനൂറോളം നേന്ത്രവാഴകള്‍ നശിച്ചിരുന്നു.ലക്ഷങ്ങളുടെ കടബാധ്യതയുണ്ടായിരുന്നുവെന്നും വാഴ കൃഷി നശിച്ചതോടെ മനോവിഷമത്തിലായിരുന്നുവെന്നും ബന്ധുക്കള്‍ . ബാങ്കുകളിലെ ലോണുകള്‍ക്കു പുറമെ സ്വര്‍ണ്ണപ്പണയമായും കടബാധ്യത ഉണ്ടായിരുന്നു . മൃതദേഹം മെഡിക്കല്‍ കോളേജാശുപത്രി മോര്‍ച്ചറിയില്‍.