അരിക്കൊമ്പന് വേണ്ടി മലയാളീടെ മുതലക്കണ്ണീര്;മദ്രാസ് ഹൈക്കോടതി എടുത്തിട്ടലക്കി,ആനയെ കേരളത്തില് എത്തിക്കണമെന്ന ഹര്ജി 'പബ്ലിസിറ്റി'ക്കെന്ന് കോടതി,അരിക്കൊമ്പനെ വെച്ച് മുതലെടുക്കുന്ന കുറേപ്പേര്,എല്ലാവനേയും കോടതി ചാടിച്ചു
അരിക്കൊമ്പന് വിഷയത്തില് കേരളത്തിലുള്ളവരുടെ കുത്തിത്തിരുപ്പ് മദ്രാസ് ഹൈക്കോടതിയില് ഏറ്റില്ല. അരിക്കൊമ്പനെ കേരളത്തില് എത്തിക്കണമെന്ന ഹര്ജി 'പബ്ലിസിറ്റി'ക്കെന്ന് മദ്രാസ് ഹൈക്കോടതി. കൊമ്പനെ കേരളത്തിലേക്ക് തിരിച്ചുകൊണ്ടു വരണമെന്ന ഹര്ജി മദ്രാസ് ഹൈക്കോടതിയുടെ ഫോറസ്റ്റ് ബെഞ്ച് പരിഗണിക്കും. മലയാളിയായ റബേക്ക ജോസഫ് നല്കിയ പൊതുതാത്പര്യ ഹര്ജിയിലാണ് ജസ്റ്റിസുമാരായ കെ.സുബ്രഹ്മണ്യന് വിക്ടോറിയ ഗൗരി എന്നിവരുടെ ബെഞ്ച് ഫോറസ്റ്റ് ബെഞ്ചിന് കൈമാറാന് നിര്ദേശിച്ചത്. ഒരു മിണ്ടാപ്രാണിയെ പെടുത്തിക്കൂട്ടാവുന്നതിന്റെ പരമാവധി പെടുത്തിക്കൂട്ടുന്നു. എന്നിട്ടും മതിയാകാതെ കുറേപ്പേര് അരിക്കൊമ്പന് രക്ഷകരായ് അവതരിച്ചിട്ടുണ്ട്. അരിക്കൊമ്പനെ വെച്ച് മുതലെടുക്കുകയാണ് ഇക്കൂട്ടര്.
മയക്കുവെടിവെച്ച് പിടികൂടിയ അരിക്കൊമ്പനെ മാറ്റുന്ന സ്ഥലം മാറ്റം വരുത്തണമെന്നാണ് റബേക്ക ഹര്ജിയിയില് ആവശ്യപ്പെട്ടത്. അജ്ഞാത സ്ഥലത്ത് തുറന്ന് വിടുന്നതിന് പകരം ആനയ്ക്ക് പരിചിതമായ കേരളത്തിലെ മതികെട്ടാന്ചോല ദേശീയ ഉദ്യാനത്തിന്റെ അതിര്ത്തിയിലുള്ള തമിഴ്നാട് വനങ്ങളിലേക്ക് അരിക്കൊമ്പനെ മാറ്റണമെന്നാണ് ആവശ്യം. എന്നാല് ഹര്ജി അടിയന്തരമായി പരിഗണക്കണെന്ന റബേക്കയുടെ ആവശ്യം കോടതി തള്ളി. പബ്ലിസിറ്റി താത്പര്യ ഹര്ജിയാണെന്ന് കോടതി വിമര്ശിക്കുകയും ചെയ്തു. ജസ്റ്റിസ് എന് സതീഷ് കുമാര്, ജസ്റ്റിസ് ഡി ഭരത ചക്രവര്ത്തി എന്നിവരടങ്ങിയ ഫോറസ്റ്റ് ബെഞ്ച് പശ്ചിമഘട്ടവും മറ്റ് വനപ്രശ്നങ്ങളുമായി ബന്ധപ്പെട്ട ഒരു കൂട്ടം കേസുകള് കൈകാര്യം ചെയ്യുന്നതിനാല് ആ ബെഞ്ച് അരിക്കൊമ്പന് ഹര്ജി പരിഗണിക്കുന്നതാണ് നല്ലതെന്ന് കോടതി ചൂണ്ടിക്കാട്ടി. തങ്ങള് ഇക്കാര്യത്തില് വിദഗ്ദരല്ലെന്നും ഡിവിഷന് ബെഞ്ച് പറഞ്ഞു. ഇതുമായി ബന്ധപ്പെട്ട് കേരള ഹൈക്കോടതിയുടെ ഉത്തരവുകളില് ഇടപെടാന് കഴിയില്ലെന്നും കോടതി വാക്കാല് വ്യക്തമാക്കി. ഇതിനിടെ അരിക്കൊമ്പനെ ഇന്ന് രാവിലെ നെല്ലായി ജില്ലയിലെ കോതയാര് വനമേഖലയില് തുറന്നുവിട്ടതായി തമിഴ്നാട് വനംവകുപ്പ് അറിയിച്ചു. പ്രാഥമിക ചികിത്സകള് നല്കിയാണ് ആനയെ തുറന്ന് വിട്ടതെന്നും പൂര്ണ്ണ ആരോഗ്യവാനാണെന്നും തമിഴ്നാട് വനംവകുപ്പ് അധികൃതര് അറിയിച്ചു.
അതിനുള്ള മര്യാദയെങ്കിലും തമിഴ്നാട് കാണിച്ചു. ഇവിടെ കൊമ്പനെ ഒന്ന് പിടികൂടാന് പാച്ചിലായിരുന്നു എന്നാല് ആ മിണ്ടാപ്രാണിയ്ക്ക് ആഹാരം കൊടുക്കാനോ വെള്ളം കൊടുക്കാനോ പോലുമുള്ള മര്യാദ കാണിച്ചില്ല. എന്നാല് തമിഴ്നാട് ആകട്ടെ കൊമ്പനെ പിടികൂടാന് ശ്രമിക്കുന്നതിനിടയിലും അവന് ആഹാരം എത്തിക്കാനും അവന്രെ ആരോഗ്യം നോക്കാനും ശ്രദ്ധിക്കുന്നുണ്ടായിരുന്നു. അരിക്കൊമ്പന്റെ പേരില് കേരളത്തില് പ്രഹസനം നടക്കുന്നു തമിഴ്നാട് കൃത്യമായ നടപടി നോക്കുന്നു. മൃഗസ്നേഹമൊക്കെ കേരളം വിളമ്പും പക്ഷെ അത് പറച്ചിലില് മാത്രമേ ഉണ്ടാകൂ എന്ന് മാത്രം. കാടിറങ്ങിയ കാട്ടാനയെ എന്തു ചെയ്യണം. കേരളം ദിവസങ്ങളോളം ചര്ച്ച ചെയ്ത വിഷയം. അന്തിചര്ച്ചയിലും സോഷ്യല്മീഡിയയിലും ദിവസങ്ങളോളം നിറഞ്ഞു നിന്നത് അരിക്കൊമ്പന് കാട്ടാനയെ എന്തു ചെയ്യണമെന്ന ചര്ച്ചയായിരുന്നു. ആനയെ അറിയാവുന്നവരും അറിയാത്തവരും, ഒരിക്കല് പോലും കാട് കണ്ടിട്ടില്ലാത്തവരും ചര്ച്ചയില് പങ്കെടുത്തു. കൂടാതെ ഫാന്സ് അസോസിയേഷനും പണപ്പിരിവും രൂപപ്പെട്ടു. മുതലെടുപ്പിന് മലയാളിയെ കഴിഞ്ഞേ ആളുള്ളു. അരിക്കൊമ്പന് വേണ്ടി നമ്മള് അന്തിചര്ച്ച നടത്തും. ഒരു വിഭാഗം അവനെ ഹീറോയാക്കി കാണിക്കും മറ്റൊരു വിഭാഗം അവനെ പ്രശ്നക്കാരനാക്കും. പിന്നെ സോഷ്യല്മീഡിയയില് ഇവര് തമ്മിലുള്ളപോരാണ്. ഇതിനിടയില് ആ പാവത്തെ തമിഴ്നാടും കേരളവും കൂടി ഇട്ട് തെക്ക് വടക്ക് ഓടിക്കുന്നു. മിണ്ടാപ്രാണിയാണല്ലോ എന്തും അതിനോടാകാം. പ്രബുദ്ധ മലയാളി ഡാ. സ്വന്തം സൗകര്യത്തിനും പ്രശ്ശ്തിക്കും വേണ്ടി എന്തും കാണിക്കും. ഇനിയെങ്കിലും അതിനെ ഒന്ന് വെറുതെ വിട്.
https://www.facebook.com/Malayalivartha
