അമല്ജ്യോതി എന്ജിനീയറിംഗ് കോളേജിലെ വിദ്യാര്ത്ഥി സമരം... പിന്നില് തത്പര കക്ഷികളുടെ അജണ്ടയാണെന്ന് വിമര്ശിച്ച് കാഞ്ഞിരപള്ളി അതിരൂപത
കാഞ്ഞിരപ്പള്ളി അമല്ജ്യോതി എന്ജിനീയറിംഗ് കോളേജിലെ വിദ്യാര്ത്ഥി സമരത്തിന് പിന്നില് തത്പര കക്ഷികളുടെ അജണ്ടയാണെന്ന് വിമര്ശിച്ച് കാഞ്ഞിരപള്ളി അതിരൂപത രംഗത്ത്. ചില തത്പര കക്ഷികള് അജണ്ട നടപ്പാക്കാന് ശ്രമിക്കുന്നുവെന്നും ക്രിസ്ത്യന് സ്ഥാപനങ്ങളെ ഒറ്റതിരിഞ്ഞ് ആക്രമിക്കുന്ന പ്രവണ അടുത്തകാലത്ത് കണ്ടുവരുന്നത് സങ്കടകരമാണെന്നും വികാരി ജനറല് ഫാദര് ബോബി അലക്സ് മണ്ണംപ്ലാക്കല് പറഞ്ഞു.
അതേസമയം, ഉന്നത വിദ്യാഭ്യാസ മന്ത്രി ആര് ബിന്ദുവും സഹകരണ മന്ത്രി വി എന് വാസവനും നാളെ കോളേജ് സന്ദര്ശിക്കും. മാനേജ്മെന്റുമായും വിദ്യാര്ത്ഥികളുമായും ചര്ച്ച നടത്തും. സാങ്കേതിക സര്വകലാശാല രണ്ടംഗ അന്വേഷണ കമ്മീഷനെ പരാതി പരിശോധിക്കാന് നിയോഗിച്ചിട്ടുണ്ട്.
'ശ്രദ്ധയുടെ മരണവുമായി ബന്ധപ്പെട്ട സത്യം അന്വേഷണ ഏജന്സികള് പുറത്തു കൊണ്ടുവരണം. സംഭവവുമായി ബന്ധപ്പെട്ട് കേളേജ് മാനേജ്മെന്റിന് വീഴ്ച പറ്റിയിട്ടില്ല. 16 തിയറി പേപ്പറുകളില് 13 എണ്ണത്തിലും ശ്രദ്ധ തോറ്റിരുന്നു. ലാബില് ഫോണ് ഉപയോഗിച്ചതിനാലാണ് ഫോണ് പിടിച്ചുവച്ചത്. ഇക്കാര്യം കുട്ടിയുടെ വീട്ടില് അറിയിച്ചിരുന്നു. സംഭവ ദിവസം സന്ധ്യയ്ക്ക് കുട്ടിയുടെ അമ്മ ഫോണില് വിളിച്ചിട്ടും സംസാരിക്കാന് ശ്രദ്ധ തയാറായിരുന്നില്ലെന്നും രൂപത ജനറല് പറഞ്ഞു.
https://www.facebook.com/Malayalivartha
