പ്രാര്ത്ഥനയോടെ.... ഭക്തര്ക്ക് ലോകത്ത് എവിടെയിരുന്നും അയ്യപ്പന് കാണിക്ക സമര്പ്പിക്കാം.. ശബരിമലയില് ഇ-കാണിക്ക സൗകര്യം
ഭക്തര്ക്ക് കാണിക്കയര്പ്പിക്കാന് ശബരിമലയില് ഇ-കാണിക്ക സൗകര്യം ഒരുക്കി. ഇനിമുതല് www.sabarimalaonline.org എന്ന വൈബ്സൈറ്റിലൂടെ ലോകത്ത് എവിടെയിരുന്നും അയ്യപ്പന് കാണിക്കയര്പ്പിക്കാം.
തിരുവിതാംകൂര് ദേവസ്വം ബോര്ഡ് ആസ്ഥാനത്ത് നടന്ന ചടങ്ങില് ദേവസ്വം ബോര്ഡ് പ്രസിഡന്റ് അഡ്വ. കെ അനന്തഗോപന് ഇ-കാണിക്ക സംവിധാനത്തിന്റെ ഉദ്ഘാടനം നിര്വ്വഹിച്ചു.
ടാറ്റാ കണ്സണ്ട്ടന്സി സര്വ്വീസസിന്റെ സീനിയര് ജനറല് മാനേജരില് നിന്ന് കാണിക്ക സ്വീകരിച്ചാണ് ഉദ്ഘാടനം നിര്വ്വഹിച്ചത്.
ദേവസ്വം ബോര്ഡ് അംഗങ്ങളായ അഡ്വ.എസ്.എസ്. ജീവന്, ജി. സുന്ദരേശന്, ദേവസ്വം കമ്മീഷണര് ബി.എസ്.പ്രകാശ്, ദേവസ്വം ചീഫ് എഞ്ചിനീയര് ആര്. അജിത്ത് കുമാര്, അക്കൗണ്ട്സ് ഓഫീസര് സുനില, വെര്ച്വല് ക്യൂ സെപ്ഷ്യല് ഓഫീസര് ഒ.ജി.ബിജു, അസിസ്റ്റന്റ് സെക്രട്ടറി രശ്മി, ഐ.ടി.പ്രോജക്ട് എഞ്ചീനിയര് ശരണ് ജി. എന്നിവര് ചടങ്ങില് സംബന്ധിച്ചിരുന്നു.
അതേസമയം വെര്ച്ചല് ക്യൂ വെബ് സൈറ്റില് അയ്യപ്പഭക്തന്മാര്ക്കായി ശബരിമലയിലെ കൂടുതല് സേവനങ്ങള് ലഭ്യമാക്കുന്ന കാര്യങ്ങളെ കുറിച്ചും ടിസിഎസ് അധികൃതരുമായി ചര്ച്ചകള് നടന്നു.
"
https://www.facebook.com/Malayalivartha
