ലോക കേരളസഭയുടെ അമേരിക്കന് മേഖലാ സമ്മേളനത്തില് പങ്കെടുക്കാനായി മുഖ്യമന്ത്രി പിണറായി വിജയനും സംഘവും നാളെ പുലര്ച്ചെ മൂന്നിനുള്ള വിമാനത്തില് അമേരിക്കയിലേക്ക് പോകും...
ലോക കേരളസഭയുടെ അമേരിക്കന് മേഖലാ സമ്മേളനത്തില് പങ്കെടുക്കാനായി മുഖ്യമന്ത്രി പിണറായി വിജയനും സംഘവും നാളെ പുലര്ച്ചെ മൂന്നിനുള്ള വിമാനത്തില് അമേരിക്കയിലേക്ക് പോകും. യു.എസ്, ക്യൂബന് പര്യടനത്തിന് ശേഷം 19ന് മുഖ്യമന്ത്രി മടങ്ങിയെത്തും.
മുഖ്യമന്ത്രിയെ കൂടാതെ മന്ത്രി കെ.എന്. ബാലഗോപാല്, ചീഫ് സെക്രട്ടറി ഡോ.വി.പി. ജോയി, വിവിധ വകുപ്പുസെക്രട്ടറിമാര്, മുഖ്യമന്ത്രിയുടെ പി.എ വി.എ. സുനീഷ് എന്നിവരും മുഖ്യമന്ത്രിയുടെ ഭാര്യ കമല വിജയനും ഒപ്പം പോകുന്നുണ്ട്. നിയമസഭയെ പ്രതിനിധീകരിച്ച് സ്പീക്കര് എ.എന്. ഷംസീറും ലോകകേരള സഭ അമേരിക്കന് മേഖലാ സമ്മേളനത്തില് പങ്കെടുക്കുന്നുണ്ട്.
സ്പീക്കര്ക്കൊപ്പം ഭാര്യയും മകനും നാളെ പുലര്ച്ചെ അമേരിക്കയിലേക്ക് തിരിക്കും. നോര്ക്ക വൈസ് ചെയര്മാന് പി. ശ്രീരാമകൃഷ്ണനും സംഘവും നേരത്തേ അമേരിക്കയിലേക്ക് പുറപ്പെട്ടിട്ടുണ്ടായിരുന്നു.
അതേസമയം മുഖ്യമന്ത്രി അമേരിക്കയിലേക്ക് പോകുന്നതിന്റെ തിരക്കിലായതിനാല് മന്ത്രിസഭായോഗം ഇന്നലത്തേക്ക് മാറ്റിയിരുന്നു. ഇന്നലെ വിവിധ ഉന്നതതല യോഗങ്ങളും വിളിച്ചു ചേര്ത്തു. അമേരിക്കന് സന്ദര്ശനത്തിന് ശേഷം ക്യൂബയിലേക്ക് പോകുന്ന സംഘത്തില് മുഖ്യമന്ത്രിക്കൊപ്പം മന്ത്രി വീണ ജോര്ജുമുണ്ടാകും.
"
https://www.facebook.com/Malayalivartha
