പലചരക്ക് കടയ്ക്കുനേരെ കാട്ടുകൊമ്പന്‍ പടയപ്പയുടെ ആക്രമണം. ചൊക്കനാട് എസ്റ്റേറ്റ് സ്വദേശി പുണ്യവേലിന്റെ കടയുടെ വാതില്‍ തകര്‍ത്തു. ചൊവ്വാഴ്ച രാത്രി ഒമ്പതരയോടെയാണ് സംഭവം. ഇത് 19ാം തവണയാണ് പുണ്യവേലിന്റെ കടക്ക് നേരെ ആനയുടെ ആക്രമണമുണ്ടാകുന്നത്.

കണ്ണന്‍ദേവന്‍ കമ്പനി ചൊക്കനാട് സൗത്ത് ഡിവിഷനിലാണ് പുണ്യവേലിന്റെ പലചരക്ക് കട. എസ്‌റ്റേറ്റ് തൊഴിലാളികളുടെ ആവശ്യങ്ങള്‍ക്കുള്ള സ്‌റ്റേഷനറി, പലചരക്ക് സാധനങ്ങളാണ് കച്ചവടം.

പക്ഷേ, തൊഴിലാളികള്‍ ഒരു വര്‍ഷംകൊണ്ട് വാങ്ങുന്നത് പലപ്പോഴും കാട്ടാനക്കൂട്ടം ഒറ്റ ദിവസം കൊണ്ട് കഴിച്ചിട്ട് പോകുന്നത് നിസ്സഹായരായി നോക്കി നില്‍ക്കാനേ അവര്ക്ക് കഴിയുന്നുള്ളൂ.