മുഖ്യമന്ത്രി പിണറായി വിജയന്റെ വിദേശയാത്രയ്ക്ക് തുടക്കമായി.... അമേരിക്കയില് നടക്കുന്ന ലോകകേരള സഭ മേഖല സമ്മേളനത്തില് പങ്കെടുക്കാനായി മുഖ്യമന്ത്രി രാവിലെ തിരുവനന്തപുരത്തു നിന്നും യാത്ര പുറപ്പെട്ടു, 19 ന് മടങ്ങിയെത്തും
മുഖ്യമന്ത്രി പിണറായി വിജയന്റെ വിദേശയാത്രയ്ക്ക് തുടക്കമായി. അമേരിക്കയില് നടക്കുന്ന ലോകകേരള സഭ മേഖല സമ്മേളനത്തില് പങ്കെടുക്കാനായി മുഖ്യമന്ത്രി രാവിലെ തിരുവനന്തപുരത്തു നിന്നും യാത്ര പുറപ്പെട്ടു. പുലര്ച്ചെ 4.35 നുള്ള എമിറേറ്റ്സ് വിമാനത്തിലാണ് മുഖ്യമന്ത്രി ദുബായ് വഴി ന്യൂയോര്ക്കിലേക്ക് യാത്രയായത്.
ധനമന്ത്രി കെ എന് ബാലഗോപാല്, സ്പീക്കര് എഎന് ഷംസീര്, ചീഫ് സെക്രട്ടറി വിപി ജോയി തുടങ്ങിയവര് മുഖ്യമന്ത്രിയെ അനുഗമിക്കുന്നുണ്ട്.
ശനിയാഴ്ച രാവിലെ ന്യൂയോര്ക്ക് ടൈംസ് സ്ക്വയറിലെ മാരിയറ്റ് മാര്ക് ക്വീയില് ലോകകേരള സഭ മേഖലാ സമ്മേളനം മുഖ്യമന്ത്രി ഉദ്ഘാടനം ചെയ്യും. സ്പീക്കര് ഷംസീര് അധ്യക്ഷനാകും. ധനമന്ത്രി ബാലഗോപാല് അടക്കം പങ്കെടുക്കും. മാരിയറ്റ് മാര്ക് ക്വീയില് ബിസിനസ് ഇന്വെസ്റ്റ്മെന്റ് മീറ്റും മുഖ്യമന്ത്രി ഉദ്ഘാടനം ചെയ്യും.
അമേരിക്കയിലെ മലയാളി നീക്ഷേപകര്, പ്രവാസി മലയാളികള് തുടങ്ങിയവരുമായി കൂടിക്കാഴ്ച നടത്തും. വൈകുന്നേരം ന്യൂയോര്ക്ക് ടൈംസ് സ്ക്വയറില് നടക്കുന്ന പൊതുസമ്മേളനത്തില് മുഖ്യമന്ത്രിപിണറായി വിജയന് പ്രവാസി സമൂഹത്തെ അഭിസംബോധന ചെയ്ത് സംസാരിക്കും. യുഎന് ആസ്ഥാനത്തും മുഖ്യമന്ത്രി സന്ദര്ശനം നടത്തും. തുടര്ന്ന് ജൂണ് 14 ന് ന്യൂയോര്ക്കില് നിന്ന് ഹവാനയിലേക്ക് തിരിക്കും.
ജൂണ് 15 ,16 തീയതികളില് ക്യൂബയും മുഖ്യമന്ത്രി സന്ദര്ശിക്കും. ഹവാനയിലെ വിവിധ പരിപാടികളില് മുഖ്യമന്ത്രി പങ്കെടുക്കും. ആരോഗ്യമന്ത്രി വീണാ ജോര്ജും ക്യൂബാ സന്ദര്ശന സംഘത്തിലുണ്ട്. ഈ മാസം 19 നാണ് മുഖ്യമന്ത്രി മടങ്ങിയെത്തുക.
"
https://www.facebook.com/Malayalivartha
