പികെ ശ്രീമതി വീണ്ടും കുലുങ്ങി. മുന്‍പ് ഒരു കുലുക്കം ഉണ്ടായത് എകെജി സെന്ററില്‍ പടക്കം വീണപ്പോഴായിരുന്നു. അന്നൊന്ന് കുലുങ്ങിയ ശ്രീമതി ഇപ്പോള്‍ വിദ്യയുടെ വീരകഥകള്‍ കേട്ട് കുലുങ്ങുന്നു. എന്നാലും എന്റെ വിദ്യേ ശ്രീമതയുടെ ആ വിളി സോഷ്യല്‍മീഡിയ അങ്ങേറ്റെടുത്തു. ഇപ്പോള്‍ മൂപ്പത്തിയാര്‍ക്ക് നിലത്തിറങ്ങാന്‍ നേരമില്ല എയറില്‍ കിടന്ന് വിപ്ലവം കാണിക്കുകയാണ്. വിദ്യ കാരണം സിപിഎമ്മും സര്‍ക്കാരും മുണ്ടാട്ടം മുട്ടി നില്‍ക്കുമ്പോള്‍ ശ്രീമതിയുടെ പിന്നില്‍ നിന്നുള്ള കുത്ത്. വിദ്യയുടെ വ്യാജ സര്‍ട്ടിഫിക്കറ്റ് കളിയില്‍ അടിമുടി പ്രതിരോധത്തില്‍ നില്‍ക്കുന്ന നേരത്ത് നേതാക്കളെല്ലാം വിദ്യയെ കൈയ്യൊഴിഞ്ഞ് സേഫ് സോണിലാകാന്‍ നോക്കി. അപ്പോ ദേ കെടക്കണ് എന്നാലും എന്റെ വിദ്യേന്നൊരു പോസ്റ്റ്. മിണ്ടാതെ മൂലയില്‍ കുത്തിയിരിക്കാനുള്ളതിന് പകരം സ്വയം എറില്‍ കേറാനൊരു പോസ്റ്റിട്ടു. എന്നാല്‍ ശ്രീമതി ഇട്ട പോസ്റ്റ് സിപിഎമ്മിനെ മൊത്തത്തില്‍ എയറില്‍ കേറ്റിയിരിക്കുന്നത്. അല്ലെങ്കിലും ശ്രീമതി ടീച്ചര്‍ അപ്പുക്കുട്ടന്‍ റോളാണ്. വേണ്ടിടത്തും വേണ്ടാത്തിടത്തും എല്ലാം കേറി അപ്പുക്കുട്ടന്‍ ഡയലോഗ് അടിക്കും. ഹാ നമ്മുടെ ഇന്‍ ഹരിഹര്‍ നഗറിലെ ജഗദീഷേട്ടന്റെ അപ്പുക്കുട്ടന്‍ റോള്‍. ഓവറാക്കി ചളവാക്കല്ലേ ശ്രീമതി എന്ന് ഉപദേശിച്ചിട്ടാണ് മുഖ്യമന്ത്രി അമേരിക്കയ്ക്ക് പോയിരിക്കുന്നത്.

വിദ്യയുടെ കാര്യത്തില്‍ കൂടുതല്‍ സംസാരം വേണ്ട മാധ്യമങ്ങളുടെ മുന്‍പില്‍ ഏറെ കരുതലോടെ സംസാരിക്കണം ചോദ്യങ്ങള്‍ക്ക് ഒഴിഞ്ഞുമാറിയാല്‍ അത്രയും നല്ലതെന്ന തീരുമാനം സിപിഎം എടുത്തിരിക്കുമ്പോഴാണ് ശ്രീമതി വക പോസ്റ്റ്. തീര്‍ന്നില്ലെ എല്ലാം ഗോവിന്ദന്‍ കലിപ്പിലാണ്. ഇട്ട പോസ്റ്റ് മുക്കാനും വയ്യ ഗോവിന്ദന്റെ മുന്‍പില്‍ ചെന്ന് പെടാനും പറ്റില്ല. അതാണിപ്പോള്‍ പികെ ശ്രീമതിയുടെ അവസ്ഥ. മുന്‍പ് എകെജി സെന്ററില്‍ പടക്കമേറ് നടന്നപ്പോള്‍ സംഭവം ട്രോളിലേക്ക് എത്തിച്ചതും ശ്രീമതി ടീച്ചര്‍ തന്നെ ആയിരുന്നു. അന്നത്തെ ടീച്ചറിന്റെ ഡയലോഗ് മലയാളി ഒരിക്കലും മറക്കില്ല. എന്നാലും ഒന്നൂടെ ഞാന്‍ ഓര്‍മ്മിപ്പിക്കാം.

ഇടിവെട്ടുന്നതിനുമപ്പുറം, കെട്ടിടം തകരുന്ന പോലുള്ള ശബ്ദം. പുസ്തകം വായിക്കുന്നതിനിടെ ശബ്ദത്തിന്റെ മുഴക്കം കൊണ്ട് ഞാനൊന്ന് ഇളകിപ്പോയി. ബോംബേറാണ് നടന്നത്. ശ്രീമതിയുടെ പ്രസ്താവനയോടെ സിപിഎം അങ്ങിളകിയില്ലെ. പിന്നെ കണ്ടത് കേരളമൊട്ടാകെ സി.പി.എമ്മിന്റെ പ്രതിഷേധമാണ്. ബോംബേറ് നടന്നൂവന്ന് ആരോപിച്ച് കോണ്‍ഗ്രസ് ഓഫീസുകള്‍ തകര്‍ത്തതിന് കണക്കില്ല. നഗരവും ഗ്രാമങ്ങളുമെല്ലാം പ്രതിഷേധക്കടലായി. കോണ്‍ഗ്രസ്സകാരാണ് ചെയ്തതെന്ന ആരോപണമുയര്‍ത്താന്‍ എല്‍ഡിഎഫ് കണ്‍വീനിര്‍ ഇ.പി ജയരാജന് മറ്റൊന്ന് ആലോചിക്കേണ്ടി വന്നില്ല. ഇത് പ്രതിഷേധത്തിന് എണ്ണയൊഴിക്കുയും ചെയ്തു. പക്ഷെ പിന്നീട് ബോംബല്ല പടക്കമാണ് എറിഞ്ഞതെന്ന സത്യാവസ്ഥ പുറത്ത് വന്നു. ഇതോടെ ശ്രീമതി വെട്ടിലായി. ഒരു തോട്ട വീണ് പൊട്ടിയതിനാണോ ശ്രീമതി എകെജി ഭവന്‍ മുഴുവന്‍ കുലുങ്ങിയതും നിങ്ങള്‍ ഇളകിയതെന്ന ചോദ്യവും ട്രോളും വന്നു. ഇപ്പോള്‍ വീണ്ടും സിപിഎമ്മിനെ കുടുക്കി മണ്ടത്തരം കാണിച്ചിരിക്കുകയാണ് ശ്രീമതി ടീച്ചര്‍.

എന്നാലും എന്റെ വിദ്യേ എന്നെ വിളിച്ചു പക്ഷെ വിളി കേട്ടത് സോഷ്യല്‍മീഡിയ. പിന്നെ പറയണോ അവരെടുത്ത് ഉടുത്തു. എന്നാലും എന്റെ വിദ്യേ എന്തിന് വ്യാജ സര്‍ട്ടിഫിക്കറ്റ് ഉണ്ടാക്കി വേണമെങ്കില്‍ ഒര്‍ജിനല്‍ ഞങ്ങള്‍ ഉണ്ടാക്കി തരുമായിരുന്നല്ലോ. എന്നായിരിക്കും ശ്രീമതി ടീച്ചര്‍ ഉദ്ദേശിച്ചത്. എസ്എഫ്‌ഐയിലേക്ക് കൂടുതല്‍ കുട്ടികള്‍ ആകര്‍ഷിക്കപ്പെടുന്നതിന്റെ കാരണം ഇതാണ് നന്ദി വേണം ടീച്ചര്‍ നന്ദി വേണം. വര്‍ഷങ്ങള്‍ പിന്നിലേക്ക് പോയാല്‍ ടീച്ചറും പെട്ട് പോകും. മിണ്ടാതിരുന്നോ അതല്ലെ നല്ലത്. മലര്‍ന്ന് കിടന്ന് തുപ്പിയാല്‍ സ്വന്തം അണ്ണാക്കിലേക്ക് തന്നെ വീഴും പറഞ്ഞേക്കാം. ടീച്ചറെ വിദ്യയുടെ വേലത്തരങ്ങളുടെ തീവ്രത ഒന്നളക്കാമോ. അതിനുള്ള മെഷീന്‍ ടീച്ചറിന്റെ കൈവശം ഉണ്ടോ. എന്നാലും എന്റെ വിദ്യേ കക്കാന്‍ മാത്രം പഠിച്ചാല്‍ മതിയോ നില്‍ക്കാനും പഠിക്കണ്ടെ. ശ്രീമതിയോട് ചോദിക്കണ്ടെ അതിനുള്ള വഴികള്‍ പറഞ്ഞ് തരില്ലെ.

ടീച്ചര്‍ നല്ല കലിപ്പിലാണ് വിദേശത്തേക്ക് കൊണ്ടുപോകാത്ത ദേഷ്യം ഇങ്ങനങ്ങ് തീര്‍ത്തതാണ്. അല്ലെങ്കില്‍ അസ്ഥാനത്ത് കേറി ഇങ്ങനെ പോസ്റ്റിടല്ലല്ലോ. എന്നാലും ടീച്ചറെ ഇത്രയും വേണ്ടായിരുന്നു. ക്യാപ്‌സൂള്‍ വരുന്നത് വരെ ക്ഷമയോടെ കാത്തിരിക്കമായിരുന്നു. പാര്‍ട്ടി കമ്മീഷന്‍,പോലീസ്,കോടതി,വിധി ഇതെല്ലാം കഴിഞ്ഞ ശേഷം മതിയായിരുന്നു പ്രതികരണം. ഇമ്മാതിരി ട്രോല്‍ പിണറായി വിജയനെതിരെ അച്ചുമാമന്‍ പോലും നടത്തിയിട്ടില്ല. പക്ഷെ സിപിഎമ്മുകാരെല്ലാം വിദ്യയെ കൈവിട്ടിട്ടുണ്ട്. പിഎം ആര്‍ഷോയെ ചേര്‍ത്തുപിടിച്ച ആ കരുതല്‍ വിദ്യയുടെ കാര്യത്തില്‍ നേതാക്കന്മാര്‍ കാണിക്കുന്നില്ല. അതെന്താ വിദ്യ അച്യുതാന്ദന്‍ ഗ്രൂപ്പാണോ എന്ന ചോദ്യം പിണറായി കൂട്ടത്തിന് നേരെ ഉയര്‍ന്നിരിക്കുന്നത്. അല്ല ടീച്ചറെ വിദ്യയുടെ വേലത്തരങ്ങള്‍ കണ്ടിട്ടാണോ അപ്പോള്‍ തന്നെ പിടിച്ചൊരു അവാര്‍ഡും കൊടുത്തത്. എന്തായാലും 2023ലെ മുന്തിയ പോസ്റ്റ് എന്നാലും എന്റെ വിദ്യേ. അത് ശ്രീമതി ടീച്ചറില്‍ നിന്നാകുമ്പോള്‍ മധുരമേറുന്നു. പോസ്റ്റിട്ട ടീച്ചര്‍ തിരികെ ഭൂമിയില്‍ എത്തിയോ എന്ന് മാധ്യമങ്ങള്‍ റിപ്പോര്‍ട്ട് ചെയ്യേണ്ടതാണ്. എന്നാലും എന്റെ ശ്രീമതി ടീച്ചറെ.