വിദ്യ മാഡം പഠിച്ച കള്ളി ആര്ഷോ കള്ളന് കഞ്ഞിവെച്ചവന്. പിണറായി ശിഷ്യര് തന്നെ SFI തരികിട പാഠശാല.
കുട്ടികളെ പഠിപ്പിക്കാനെത്തുന്ന അധ്യാപകരുടെ യോഗ്യതയല്ല പ്രശ്നം യോഗ്യതയുണ്ടാക്കാനായി വ്യാജരേഖകള് സൃഷ്ടിച്ചെടുക്കുന്ന തരത്തിലേയ്ക്ക് കേരളത്തിലെ പ്രധാന വിദ്യാര്ത്ഥി പ്രസ്ഥാനമായ എസ് എഫ് ഐ മാറിയിരിക്കുകയാണ്. സര്ക്കാര് ശമ്പളം നല്കുന്ന ഗസ്റ്റ് ലക്ചററര് പോസ്റ്റിനായി കൃത്രിമ അധ്യാപന പരിശീലന സര്ട്ടഫിക്കറ്റുണ്ടാക്കി നല്കിയ എസ് ഐ വനിത നേതാവ് നേരത്തെയും ഇത്തരം വ്യാജ രേഖകളുണ്ടാക്കിയതായുള്ള വിവരമാണ് പുറത്തു വരുന്നത്. എറണാകുളം മഹാരാജാസ് കോളെജിന്റെ പ്രതാപത്തെ തന്നെ ഇല്ലതാക്കുന്ന തരത്തിലാണ് എസ ് എഫ് ഐ സംസ്ഥാന സെക്രട്ടറി പി.എം.ആര്ഷോയുടെ പേരില് ഉയരുന്ന വിവാദവും. പരീക്ഷയില് പൂജ്യം മാര്ക്കുവാങ്ങിയ മാര്ക്കറ്റ് ലിസ്റ്റും നല്കി ആര്ഷോയെ യൂണിവേഴ്സിറ്റി അധികൃതര് ജയിപ്പിച്ചിരിക്കുന്നുവെന്ന വിചിത്രമായ നടപടിയാണ് നടന്നിരിക്കുന്നത്. രണ്ടും ക്രിമിനല് സ്വഭാവമുള്ള കേസുകളാണ്.
എറണാകുളം മഹാരാജാസ് കോളജിന്റെ പേരില് വ്യാജരേഖ ചമച്ച കേസില് എസ്എഫ്ഐ നേതാവായ കെ.വിദ്യക്കെതിരെ ജാമ്യമില്ലാക്കുറ്റം ചുമത്തി എറണാകുളം സെല്ട്രല് പോലീസ് കേസെടുത്തു. എങ്കിലും കേസിന്റെ കാര്യത്തില് അനിശ്ചിതത്വം തുടരുകയാണ്. സംഭവം നടന്നത് അട്ടപ്പാടി ആര്ജിഎം സര്ക്കാര് കോളെജിലാണ്. ഈ കോളെജിലെ അഭിമുഖത്തിനാണ് വിദ്യ വ്യാജ സര്ട്ടിഫിക്കറ്റ് ഹാജരാക്കിയത്. ഏഴു വര്ഷം വരെ തടവുശിക്ഷ ലഭിക്കാവുന്ന കുറ്റങ്ങള് ചുമത്തിയാണ് എഫ്ഐആര്. കാലടി സംസ്കൃത സര്വകലാശാലയില് പിഎച്ച്ഡി വിദ്യാര്ഥിയായ കാസര്കോട് തൃക്കരിപ്പൂര് സ്വദേശിനി കെ.വിദ്യ പിഎച്ചഡിയ്ക്കും വ്യാജ രേഖ നല്കിയാണ് പ്രവേശനം ഒപ്പിച്ചെന്ന പരാതിയും ഉയരുന്നുണ്ട്,
കാലടി സംസ്കൃത സര്വകലാശാലാ യൂണിയന് ജനറല് സെക്രട്ടറിയായിരുന്ന വിദ്യ മുന്പ് എറണാകുളം മഹാരാജാസിലും എസ്എഫ്ഐ നേതാവായിരുന്നു. ഈമാസം രണ്ടിനു പാലക്കാട് അട്ടപ്പാടി ആര്ജിഎം ഗവ. കോളജില് ഗെസ്റ്റ് ലക്ചറര് ഇന്റര്വ്യൂവിനു വിദ്യ 2 സര്ട്ടിഫിക്കറ്റുകള് ഹാജരാക്കി. 2018 ജൂണ് 4 മുതല് 2019 മാര്ച്ച് 31 വരെയും 2020 ജൂണ് 10 മുതല് 2021 മാര്ച്ച് 31 വരെയും മഹാരാജാസിലെ മലയാള വിഭാഗത്തില് പഠിപ്പിച്ചിരുന്നുവെന്നാണ് ഇവയില് പറയുന്നത്. ആദ്യ സര്ട്ടിഫിക്കറ്റിലെ കാലയളവില് വിദ്യ യഥാര്ഥത്തില് മഹാരാജാസിലെ പിജി വിദ്യാര്ഥിയായിരുന്നു.
ഇന്റര്വ്യൂ പാനലിലുള്ളവര് ലോഗോയും സീലും കണ്ടു സംശയം തോന്നി മഹാരാജാസ് കോളജുമായി ബന്ധപ്പെട്ടപ്പോഴാണ് കള്ളം പുറത്തായത്. മഹാരാജാസ് മലയാള വിഭാഗത്തില് 10 വര്ഷമായി ഗെസ്റ്റ് ലക്ചറര്മാരെ നിയമിച്ചിട്ടില്ല. വിവാദത്തെത്തുടര്ന്ന് കോളജ് പ്രിന്സിപ്പല് എറണാകുളം സെന്ട്രല് പൊലീസിനു നല്കിയ പരാതിയിലും ഇതു സ്ഥിരീകരിച്ചിട്ടുണ്ട്. പ്രിന്സിപ്പലിന്റെ മൊഴി പൊലീസ് രേഖപ്പെടുത്തി.
മുന്പ് പാലക്കാട്ടും കാസര്കോട് കരിന്തളത്തുമുള്ള 2 ഗവ. കോളജുകളില് വിദ്യ ഗെസ്റ്റ് ലക്ചററായിരുന്നു. കാസര്കോട്ടും മഹാരാജാസിലെ സര്ട്ടിഫിക്കറ്റ് ഹാജരാക്കിയതായി പറയുന്നു. എസ്എഫ്ഐ സംസ്ഥാന നേതാവിന്റെ അറിവോടെയും സഹായത്തോടെയുമാണു വ്യാജരേഖ ചമച്ച് അന്നും ജോലി നേടിയതെന്ന് ആരോപണമുണ്ട്. കാലടി സംസ്കൃത സര്വകലാശാലയില് വിദ്യയ്ക്കു പിഎച്ച്ഡി പ്രവേശനം ലഭിച്ചതിലും ഇത്തരം ഇടപെടല് സംശയിക്കുന്നു. ആര്ഷോയുടെ പൂജ്യം മാര്്ക്കിലുള്ള വിജയത്തില് മാത്രമല്ല അയ്യാളുടെ പ്രവേശന കാര്യത്തിലും തര്ക്കം തുടരുകയാണ്. മൂന്നാം സെമസ്റ്ററിലാണ് പുനപ്രവേശനം നേടിയെന്നാണ് ആര്ഷോ പറയുന്നത്. കോളെജ് രേഖകളില് ആര്ഷോ നാലാം സെമസ്റ്ററിലാണ് പ്രവേശനം നേടിയിരിക്കുന്നതെന്നാണ് കണ്ടെത്തിയിരിക്കുന്നത്. നിരവധി കേസുകളില് ജയിലിലായിരുന്നതിനാല് സ്വന്തം പഠന വിഷയം പോലും ഇദ്ദേഹം അറിഞ്ഞിട്ടില്ലെന്നു വേണം കരുതാന്. പഠിക്കുന്ന ക്ലാസോ, സെമസ്റ്ററോ, പഠിക്കുന്ന വിഷയമോ , പരീക്ഷയോ അറിയാത്ത വ്യക്തിയാണ് സംസ്ഥാന എസ് എഫ് ഐ യെ നയിക്കുന്നതെന്ന ആശങ്കാജനകമായ വിവരങ്ങളാണ് പുറത്തു വന്നിരിക്കുന്നത്.
അഴിമതിയില് മുങ്ങി നില്ക്കുന്നത് പിണറായി സര്ക്കാര് മാത്രമല്ലെന്നും അദ്ദേഹത്തിന്റെ പാര്ട്ടിയുടെ വിദ്യാര്ത്ഥി സംഘടനകള് മുതല് അഴിമതിയിലാണെന്ന വിവരമാണ് പുറത്തു വന്നത്. അഴിമതിയും, വ്യജരേഖ ചമയ്ക്കാനും രിശീലനം നല്കുന്ന പാഠശാലയായി മാറിയെന്നാണ് കെ.എസ്.യു ആരോപിക്കുന്നത്. പരീക്ഷ എഴുതി ജയിക്കാനാണെങ്കില് എസ് എഫ് ഐയില് ചേരേണ്ട കാര്യമില്ലെന്നാണ് ആര്ഷോയുടെ പൂജ്യം മാര്ക്ക് വിജയം സൂചിപ്പിക്കുന്ന്ത്. ആര്ഷോ മാത്രമല്ല മുന്പും നിരവധി എസ് എഫ് ഐ നേതാക്കളുടെ പേരില് മാര്ക്ക് തട്ടിപ്പ് വിവരം ഉയര്ന്നിട്ടുണ്ട്. പരീക്ഷ പോലും എഴുതാത്തവരെ വിജയികളും , ഫസ്റ്റ് ക്ലാസുകാരുമാക്കി മാറ്റുന്ന ജാലവിദ്യ കേരളത്തിലെ യൂണിവേഴ്സിറ്റികളില് പലതവണ നടന്നിട്ടുണ്ട്. എസ്.എഫ്. ഐയും ഇടത് അധ്യാപക സംഘടനകളും തീരുമാനിച്ചാല് നടക്കാത്ത കാര്യങ്ങള് സര്വ്വകലാശാല തലത്തില് ഒന്നുമില്ലെന്നതിന്റെ അവസാനം പുറത്തു വന്ന വിവരമാണ് പൂജ്യം മാര്ക്ക് വിജയവും , വ്യാജ രേഖയും എന്നത്. ഈ രണ്ട് സംഭവങ്ങളും നേരത്തെ പോലെ പാര്ട്ടി, സര്ക്കാര് സ്വാധീനങ്ങളില് ഒലിച്ചു പോകും അല്ലെങ്കില് ഒലിപ്പിച്ചു കളയുമെന്ന കാര്യത്തില് സംശയമില്ല.
https://www.facebook.com/Malayalivartha
