പ്രവാസി വ്യവസായിയായ അമ്മാവന്റെ കയ്യിൽ നിന്നും 108 കോടി രൂപ തട്ടിയ കേസിൽ, മരുമകൻ ഹാഫിസ് കുദ്രോളി ബംഗളൂരുവിൽ അറസ്റ്റിലായി. പ്രവാസി വ്യവസായി അബ്ദുൽ ലാഹറിൽ നിന്നും പണം തട്ടിയ കേസിലാണ് നിർണായകമായ അറസ്റ്റ് രേഖപ്പെടുത്തിയിരിക്കുന്നത് .ഐ ടി ഉദ്യോഗസ്ഥന്റെ പേരിൽ വ്യാജ ലെറ്റർ പാഡ് ഉണ്ടാക്കിയും പണം തട്ടിയിരുന്നു. ഈ ലെറ്റർ ഹാജരാക്കിയും ഭാര്യ പിതാവിൽ നിന്നും കോടികൾ പ്രതി തട്ടിയിരുന്നു.

ഈ കേസിലാണ് ഫാഹിസിനെ ഗോവ പോലീസ് പിടികൂടിയത്. പ്രവാസി വ്യവസായി ലാഹിര്‍ ഹസ്സന്റെ മകള്‍ ഡി.ജി.പിക്ക് പരാതി നല്‍കിയിരുന്നു. ഇത്രയധികം പണം എങ്ങോട്ടാണ് പോയതെന്ന് പരിശോധിക്കാനായിരുന്നു പോലീസ് നീക്കം . ഇക്കാര്യം എറണാകുളം റെയ്ഞ്ച് ഡി.ഐ.ജി അന്വേഷിക്കുകയായിരുന്നു .

കാസര്‍ഗോഡ് ചേര്‍ക്കള സ്വദേശി ഹാഫിസ് കുതിരോളിക്കെതിരെ ഭാര്യ ഹാജിറയാണ് ഡിജിപിയ്ക്ക് നേരിട്ട് പരാതി നല്‍കിയത്. ഹാഫിസിന്റെ ക്രിമിനല്‍ സ്വഭാവവും തട്ടിപ്പു സംഭവങ്ങളും മനസ്സിലാക്കിയതോടെ വിവാഹ മോചന നിയമനടപടി സ്വീകരിച്ചുവന്നും അവര്‍ പരാതിയില്‍ വ്യക്തമാക്കി. ഹാഫിസ് തന്റെ പിതാവില്‍ നിന്നും മാത്രമല്ല, മറ്റു പലരുടെയും അടുത്ത് നിന്നും പണം തട്ടിപ്പ് നടത്തി. അങ്ങനെയാണെങ്കില്‍ 108 നും പുറമെ പിന്നെയും ഒരുപാട് കോടികള്‍ തട്ടിയെടുത്തിട്ടുണ്ടാകുമെന്നുമാണ് പരാതിയില്‍ ചൂണ്ടിക്കാണിച്ചിരിക്കുന്നത്. ഈ പണമെല്ലാം എന്തിനു വേണ്ടിയാണ് ഹാഫിസ് ഉപയോഗിച്ചതെന്നത് പ്രത്യേകമായി തന്നെ അന്വേഷിക്കണമെന്നതായിരുന്നു ഹാജിറ ആവശ്യപ്പെട്ടിരുന്നത്.