വടക്കാഞ്ചേരിയില്‍ സ്ഥാപിച്ച എ.ഐ കാമറ പോസ്റ്റ് വാഹനം ഇടിച്ച് തകര്‍ന്നു. ഇടിച്ചിട്ടിട്ടും നിര്‍ത്താതെ പോയ വാഹനത്തിനായി പൊലീസ് അന്വേഷണം പുരോഗമിക്കുന്നു.ആയക്കാട് സ്ഥാപിച്ച എ.ഐ ക്യാമറയും തൂണുമാണ് വാഹനമിടിച്ച് തകര്‍ന്നത്. രാത്രി 11ഓടെയായിരുന്നു അപകടംനടന്നത്.


ക്യാമറയും പോസ്റ്റും സമീപത്തെ തെങ്ങിന്‍തോപ്പിലാണ് കണ്ടെത്തിയത്. തകര്‍ന്നു വീണ പോസ്റ്റ് വാഹനത്തില്‍ കുരുങ്ങി തെങ്ങിന്‍ തോപ്പിലെത്തിയതാകാമെന്നാണ് കരുതുന്നത്. വാഹനം പോസ്റ്റില്‍ മനപ്പൂര്‍വം ഇടിപ്പിച്ചതാണെന്ന് സംശയിക്കുന്നതായി വടക്കാഞ്ചേരി പൊലീസ് പറയുന്നു.