അമ്പൂരി രാഖി മോള് കൊലക്കേസ് പ്രതികള്ക്ക് തൂക്കുകയര് നല്കണമെന്ന് സര്ക്കാര്...യുവാക്കളായ തങ്ങള്ക്ക് മാനസാന്തരത്തിന് കുറഞ്ഞ ജയില് ശിക്ഷ നല്കണമെന്ന് പ്രതികള്; 3 പ്രതികളും കുറ്റക്കാരെന്ന് കോടതി കണ്ടെത്തിയിരുന്നു, ശിക്ഷാവിധി ഉച്ചക്ക് പ്രഖ്യാപിക്കും
സിവില് എഞ്ചിനീയറിംഗ് ബിരുദധാരിയും എറണാകുളം സ്വകാര്യ കമ്പനി ജീവനക്കാരിയുമായ പൂവാര് പുത്തന്കട ജോയി ഭവനില് രാഖി മോളെ (30) കൊലപ്പെടുത്തിയ കേസില് നിഷ്ഠൂര കൃത്യം ചെയ്ത പ്രതികള്ക്ക് തൂക്കുകയര് നല്കണമെന്ന് സര്ക്കാര് ബോധിപ്പിച്ചു.
ശിക്ഷയെക്കുറിച്ചുള്ള വാദത്തിനിടെയാണ് സര്ക്കാര് ഇക്കാര്യം കോടതിയെ അറിയിച്ചത്. അതേ സമയം വൃദ്ധരായ മാതാപിതാക്കളുടെ ഏകാശ്രയം തങ്ങളാണെന്നും യുവാക്കളായ തങ്ങള്ക്ക് മാനസാന്തരത്തിന് കുറഞ്ഞ ജയില് ശിക്ഷ നല്കണമെന്നും പ്രതികള് ബോധിപ്പിച്ചു.
തിരുവനന്തപുരം അഞ്ചാം അഡീഷണല് ജില്ലാ. സെഷന്സ് കോടതിയുടെ ചുമതല വഹിക്കുന്ന ആറാം അഡീ.ജഡ്ജി കെ.വിഷ്ണുവാണ് വിധി പ്രാഖ്യാപിക്കുന്നത്.
കഴിഞ്ഞ ദിവസം 3 പ്രതികളും കുറ്റക്കാരെന്ന് കോടതി കണ്ടെത്തിയിരുന്നു. ശിക്ഷാവിധി ഉച്ചക്ക് പ്രഖ്യാപിക്കും. കേസിലെ ഒന്നു മുതല് മൂന്നു വരെ പ്രതികളായ വെള്ളറട അമ്പൂരി തട്ടാംമുക്ക് അശ്വതി ഭവനില് നിന്നും ഡല്ഹിയില് ആര്മി ഡ്രൈവര് കം മെക്കാനിക്കായ അഖില്. ആര്. നായര് (25) , അഖിലിന്റെ ജ്യേഷ്ഠന് ഫ്രീലാന്സ് ഫോട്ടോഗ്രാഫര് രാഹുല്. ആര്. നായര് (27) , അയല്വാസിയും സുഹൃത്തുമായ കളിയല് സ്വദേശി ആദര്ശ്. എസ്. നായര് (28) എന്നിവരെയാണ് കുറ്റക്കാരെന്ന് കണ്ടെത്തിയത്.
അതേസമയം 178 രേഖകള് കോടതി തെളിവില് സ്വീകരിച്ചു.92 തൊണ്ടിമുതലുകള് തെളിവില് സ്വീകരിച്ചു.94 സാക്ഷിമൊഴികള്.പുതിയ ഫോണിലെ സന്ദേശ അക്ഷരങ്ങളുടെ ഫോണ്ട് സൈസ് വ്യത്യാസമാണ് കേസിന് തുമ്പായത്. പ്രതികളായ ആര്മി ഡ്രൈവറെയും ഫ്രീലാന്സ് ഫോട്ടോഗ്രാഫറെയും ജില്ലാ കോടതിയിലെത്തിച്ചത് തോക്കുധാരികളായ പോലീസ് കാവലില്: ശിക്ഷ ഭയന്ന് പ്രതികള് വിചാരണക്കിടെ മുങ്ങാനുള്ള സാധ്യത മുന്നില് കണ്ട കോടതി റിമാന്റ് വാറണ്ടില് സ്ട്രോങ് എസ്കോര്ട്ട് എന്ന് രേഖപ്പെടുത്തിയതിനാലാണ് കനത്ത പോലീസ് കാവല്.
2019 ജൂലൈ 21 ന് കൊലപ്പെടുത്തിയ ശേഷം വസ്ത്രങ്ങള് മാറ്റി നഗ്നയാക്കി കുഴിച്ചിട്ട മൃതദേഹത്തിന് മുകളില് വൃക്ഷ തൈകള് നട്ടു പിടിപ്പിച്ചു:
എഞ്ചിനീയറിംഗ് ബിരുദധാരി അമ്പൂരി രാഖി മോളെ കഴുത്തു ഞെരിച്ച് കൊലപ്പെടുത്തി മൃതദേഹം വേഗത്തില് അഴുകി മണ്ണിലലിയാന് ഉപ്പു വിതറി വീട്ടു വളപ്പില് കുഴിച്ചിട്ടു.25 നാണ് മൃതദേഹം കണ്ടെടുത്തത്. പിതാവിന്റെ പരാതി പൂവാര് പോലീസ് തുമ്പുണ്ടാക്കാന് വഴിയില്ലെന്ന് കാട്ടി എഴുതിതള്ളാന് തുടങ്ങവേ ഹൈക്കോടതിയില് പിതാവ് സമര്പ്പിച്ച ഹേബിയസ് കോര്പ്പസ് റിട്ട് ഹര്ജിയാണ് ക്രൂര കൊലപാതകത്തിന്റെ ചുരുളഴിച്ചത് :
രാഖിയുമായുള്ള ആറു വര്ഷത്തെ പ്രണയത്തിന് ശേഷം മറ്റൊരു വിവാഹം കഴിക്കാനുള്ള കാമുകനായ ആര്മിക്കാരന്റെ ശ്രമമാണ് കൊലയിലേക്ക് നയിച്ചത്: ബന്ധത്തില് നിന്ന് പിന്മാറണമെന്ന ആവശ്യം രാഖി നിരസിച്ചതും മറ്റൊരു വിവാഹത്തിന് ശ്രമിച്ച കാമുകന്റെ വിവാഹം മുടക്കാന് ശ്രമിച്ചതും ആത്മഹത്യ ചെയ്യുമെന്നും സംഭവം നവ മാധ്യമങ്ങളിലൂടെ വൈറലാക്കുമെന്ന രാഖിയുടെ ഭീഷണിയുമാണ് കൊലക്ക് കാരണമായത്:
https://www.facebook.com/Malayalivartha
