അധ്യയന വര്ഷത്തിന്റെ മുന്നോടിയായി സ്കൂള് കോളേജ് കുട്ടികളെ ലക്ഷ്യം വെച്ച് ശേഖരിച്ച 10.299 ഗ്രാം മാരക ലഹരിയായ എം ഡി എം എ ബൈക്കില് കടത്തിയ വില്പ്നക്കാരായ രണ്ടു യുവാക്കളെ കോടതി എക്സൈസ് കസ്റ്റഡിയില് വിട്ടു... കസ്റ്റഡിയില് വച്ച് 30 മണിക്കൂര് ചോദ്യം ചെയ്യുവാന് ഉത്തരവിട്ട് കോടതി
അധ്യയന വര്ഷത്തിന്റെ മുന്നോടിയായി സ്കൂള് കോളേജ് കുട്ടികളെ ലക്ഷ്യം വെച്ച് ശേഖരിച്ച 10.299 ഗ്രാം മാരക ലഹരിയായ എം ഡി എം എ ബൈക്കില് കടത്തിയ വില്പ്നക്കാരായ രണ്ടു യുവാക്കളെ കോടതി എക്സൈസ് കസ്റ്റഡിയില് വിട്ടു. എക്സൈസ് സര്ക്കിള് ഇന്സ്പെക്റുടെ കസ്റ്റഡിയില് വച്ച് 30 മണിക്കൂര് ചോദ്യം ചെയ്യുവാന് കോടതി ഉത്തരവിട്ടു.
തിരുവനന്തപുരം ഒന്നാം അഡീ. ജില്ലാ സെഷന്സ് കോടതി ജഡ്ജി എന്.പി.അനില്കുമാറാണ് പ്രതികളെ ജുഡീഷ്യല് കസ്റ്റഡിയില് നിന്നും പ്രൊഡക്ഷന് വാറണ്ടില് വിളിച്ചു വരുത്തി എക്സൈസ് കസ്റ്റഡിയില് വിട്ടത്. മയക്കുമരുന്ന് ഉറവിടം , ഫാക്ടറി , ഇടനിലക്കാര് എന്നിവരെ പ്രതികളുടെ സാന്നിധ്യത്തില് തിരിച്ചറിഞ്ഞ് അറസ്റ്റ് ചെയ്യുന്നതിനായാണ് കോടതി എക്സൈസ് സര്ക്കിള് ഇന്സ്പെക്ടര് എസ്.എസ്. ഷിജുവിന് പ്രതികളെ കസ്റ്റഡിയില് നല്കിയത്.
ഓട്ടോ തൊഴിലാളികളായ തിരുവനന്തപുരം അമ്പലത്തറ സ്വദേശി അല് അമീന് (24) , ഗോകുല് (25) എന്നിവരെ ചോദ്യം ചെയ്ത് തെളിവു ശേഖരിക്കാനും കൃത്യത്തിന് സഹായികളും പണം മുടക്കിയവരും നിര്മ്മാതാക്കളുമായ കൂട്ടു പ്രതികളെ കണ്ടെത്തുന്നതിനാണ് കസ്റ്റഡിയില് വിട്ടത്. കരമന എക്സൈസ് സര്ക്കിള് ഓഫീസിലെ എക്സൈസ് സര്ക്കിള് ഇന്സ്പെക്ടര് എസ്.എസ്. ഷിജുവിന്റെ നേതൃത്വത്തില് ചാക്ക ഭാഗത്ത് നടത്തിയ വാഹന പരിശോധനയിലാണ് പ്രതികളെ പിടികൂടിയത്.
പ്രതികള് 10.299 ഗ്രാം എം ഡി എം എ വില്പനയ്ക്കായി കൈവശം വച്ച് പരസ്പര ധാരണയോടും കൂട്ടുത്തരവാദിത്തതോടും കൂടി ഗഘ01ഇഇ8502 നമ്പര് യമഹ ബൈക്കില് കടത്തികൊണ്ട് വന്ന കുറ്റത്തിതിനാണ് കേസ് എടുത്തത്. മെയ് 31നാണ് ഇരുവരെയും പിടികൂടിയത്.
അധ്യയനവര്ഷത്തിന്റെ മുന്നോടിയായി സ്കൂള് കോളേജ് കുട്ടികളെ ലക്ഷ്യം വെച്ച് ശേഖരിച്ചതായിരുന്നു ഈ മയക്കുമരുന്നെന്ന്, ഓട്ടോ തൊഴിലാളികളായ പ്രതികള് തുടരന്വേഷണത്തില് വെളിപ്പെടുത്തിയതായി സര്ക്കിള് ഇന്സ്പെക്ടര് എസ്.എസ്.ഷിജു കോടതിയില് സമര്പ്പിച്ച റിപ്പോര്ട്ടില് പറയുന്നു. റെയ്ഡില് പ്രിവന്റീവ് ഓഫീസറായ വേണു നായര്, സിവില് എക്സൈസ് ഓഫീസര്മാരായ അജിത്ത്, അല്ത്താഫ് മുഹമ്മദ് എന്നിവരും പങ്കെടുത്തു
https://www.facebook.com/Malayalivartha
