നാളെ സംസ്ഥാനവ്യാപകമായി വിദ്യാഭ്യാസ ബന്ദ്... കോഴിക്കോട് കമ്മീഷണര് ഓഫീസിലേക്ക് നടത്തിയ മാര്ച്ചിനു നേരെയുണ്ടായ പോലീസ് അതിക്രമത്തില് പ്രതിഷേധിച്ചാണ് ബന്ദ്; മാര്ച്ചില് നിരവധി പ്രവര്ത്തകര്ക്ക് പൊലീസ് മര്ദ്ദനത്തില് പരിക്കേറ്റതായി എബിവിപി
നാളെ സംസ്ഥാനവ്യാപകമായി വിദ്യാഭ്യാസ ബന്ദിന് ആഹ്വാനം ചെയ്ത് ബിജെപിയുടെ വിദ്യാര്ത്ഥി സംഘടനയായ എബിവിപി. കോഴിക്കോട് കമ്മീഷണര് ഓഫീസിലേക്ക് നടത്തിയ മാര്ച്ചിനു നേരെയുണ്ടായ പോലീസ് അതിക്രമത്തില് പ്രതിഷേധിച്ചാണ് വിദ്യാഭ്യാസ ബന്ദിന് ആഹ്വാനം ചെയ്തിരിക്കുന്നത്.
മാര്ച്ചില് സംഘടനയുടെ സംസ്ഥാന സെക്രട്ടറി എന്സിടി ശ്രീഹരി ഉള്പ്പടെ നിരവധി പ്രവര്ത്തകര്ക്ക് പൊലീസ് മര്ദ്ദനത്തില് പരിക്കേറ്റതായി എബിവിപി പറയുന്നു. ഈ സാഹചര്യത്തിലാണ് സംസ്ഥാന വ്യാപകമായി നാളെ (ജൂണ് 23) വിദ്യാഭ്യാസ ബന്ദ് നടത്തുമെന്നും അദ്ദേഹം പ്രസ്താവനയില് പറഞ്ഞു.
ഉന്നത വിദ്യാഭ്യാസത്തെ തകര്ക്കുന്ന ഇടതുപക്ഷ സര്ക്കാരിനെതിരെയും എസ്എഫ്ഐക്കാര്ക്കെതിരായ കേസുകളില് പൊലീസ് തുടരുന്ന നിഷ്ക്രിയത്വത്തിനെതിരെയുമാണ് ഇന്ന് കോഴിക്കോട് കമ്മീഷണര് ഓഫീസിലേക്ക് മാര്ച്ച് നടത്തിയത്. വിദ്യാഭ്യാസ മേഖലയില് ഇടതുപക്ഷത്തിന്റെ അഭ്യാസമാണ് ഇന്ന് കേരളത്തില് നടന്നുകൊണ്ടിരിക്കുന്നത്.അധികാരത്തിന്റെ ബലത്തില് അവകാശ പോരാട്ടങ്ങള്ക്ക് നേതൃത്വം കൊടുക്കുന്ന വിദ്യാര്ത്ഥികളെ പോലീസിനെ ഉപയോഗിച്ച് ഇല്ലാതാക്കാം എന്നത് ഇടതുപക്ഷ സര്ക്കാരിന്റെ വ്യാമോഹം മാത്രമാണെന്നും എബിവിപി സംസ്ഥാന ജോയിന്റ് സെക്രട്ടറി എസ് അരവിന്ദ് പറഞ്ഞു.
https://www.facebook.com/Malayalivartha
