കണ്ണൂര് സര്വകലാശാല അസോസിയേറ്റ് പ്രൊഫസര് നിയമനവുമായി ബന്ധപ്പെട്ട് പ്രിയ വര്ഗീസിന് അനുകൂലമായ കോടതി വിധിയെ ബഹുമാനിക്കുന്നുവെന്ന് സര്വകലാശാല ചാന്സലര് കൂടിയായ ഗവര്ണര് ആരിഫ് മുഹമ്മദ് ഖാന്....
കണ്ണൂര് സര്വകലാശാല അസോസിയേറ്റ് പ്രൊഫസര് നിയമനവുമായി ബന്ധപ്പെട്ട് പ്രിയ വര്ഗീസിന് അനുകൂലമായ കോടതി വിധിയെ ബഹുമാനിക്കുന്നുവെന്ന് സര്വകലാശാല ചാന്സലര് കൂടിയായ ഗവര്ണര് ആരിഫ് മുഹമ്മദ് ഖാന്.
കോടതിവിധിയെ കുറിച്ച് വിശദീകരിക്കാനായി ഉദ്ദേശിക്കുന്നില്ലെന്ന് പറഞ്ഞ അദ്ദേഹം താന് ജുഡീഷ്യറിയെ ബഹുമാനിക്കുന്നയാളാണെന്നും വ്യക്തമാക്കി. താന് കോടതി വിധിയില് സന്തുഷ്ടനാണോ അല്ലയോ എന്നുള്ള കാര്യത്തിന് പ്രസക്തിയില്ലെന്നും അദ്ദേഹം വ്യക്തമാക്കി.
മുഖ്യമന്ത്രിയുടെ പ്രൈവറ്റ് സെക്രട്ടറിയും മുന് എംപിയുമായ കെകെ രാഗേഷിന്റെ ഭാര്യയാണ് പ്രിയ വര്ഗീസ്. നിയമനം രാഷ്ട്രീയ പ്രേരിതമാണെന്നും സ്വജന പക്ഷപാതമാണെന്നും കാട്ടി ഗവര്ണര് ആരിഫ് മുഹമ്മദ് ഖാന് 2022ല് നിയമനം തടഞ്ഞിരുന്നു. ഗവര്ണ്ണര് സര്ക്കാര് പോര് രൂക്ഷമാകുന്നതും ഈ നടപടികള്ക്ക് പിന്നാലെയാണ്. നിയമനത്തില് ഡിവിഷന് ബഞ്ച് ഉത്തരവ് പരിശോധിച്ച ശേഷം തീരുമാനമെടുക്കുമെന്ന് വ്യക്തമാക്കി കണ്ണൂര് സര്വകലാശാല.
അതേസമയം കണ്ണൂര് സര്വകലാശാല അസോസിയേറ്റ് പ്രൊഫസര് നിയമനത്തില് ഡോ പ്രിയാ വര്ഗീസിന് അനുകൂലമായാണ് ഹൈക്കോടതി ഡിവിഷന് ബഞ്ച് ഇന്നലെ ഉത്തരവിട്ടത്. പ്രിയക്ക് നിയമനം നല്കിയ റാങ്ക് ലിസ്റ്റ് പുനപരിശോധിക്കണമെന്ന ഹൈക്കോടതി സിംഗിള് ബഞ്ച് ഉത്തരവ് ഡിവിഷന് ബഞ്ച് റദ്ദാക്കി. നീതിപീഠത്തില് നിന്ന് നീതി ലഭിച്ചുവെന്ന് പ്രതികരിച്ച് പ്രിയാ വര്ഗീസ്.
കണ്ണൂര് സര്വകലാശാലയിലെ മലയാളം വിഭാഗത്തിലെ അസോസിയേറ്റ് പ്രൊഫസര് നിയമനത്തില് ഒന്നാം റാങ്ക് നേടിയ പ്രിയ വര്ഗീസിന് തിരിച്ചടിയായത് 2022 നവംബര് 17ലെ ഹൈക്കോടതി സിംഗിള് ബഞ്ച് ഉത്തരവായിരുന്നു. യോഗ്യതയായി എട്ട് വര്ഷം അധ്യാപന പരിചയം വേണമെന്നിരിക്കെ തന്റെ ഗവേഷണ കാലവും, നാഷണല് സര്വീസ് സ്കീമിലെ ഡയറക്ടര് ഓഫ് സ്റ്റുഡന്റ്സ് സര്വീസിലെ പ്രവര്ത്തന കാലവും അധ്യാപന പരിചയമായി പ്രിയ ഉള്പ്പെടുത്തിയിരുന്നു. ഇതാണ് ജസ്റ്റിസ് ദേവന് രാമചന്ദ്രന്റെ ബഞ്ച് 2022ല് തള്ളിയത്. വിധിക്കെതിരെ പ്രിയാ വര്ഗീസ് നല്കിയ അപ്പീല് ഹര്ജിയിലാണ് ജസ്റ്റിസുമാരായ ജയശങ്കര് നമ്പ്യാര്, മുഹമ്മദ് നിയാസ് എന്നിവര് ഉള്പ്പെട്ട ഹൈക്കോടതി ഡിവിഷന് ബഞ്ച് അനുകൂല വിധി പുറപ്പെടുവിച്ചത്.
"
https://www.facebook.com/Malayalivartha
