വേട്ടയാടലും കൈകൊടുപ്പും ഒരുമിച്ച് വേണ്ട;വിശാല പ്രതിപക്ഷത്തിന് കൈ കൊടുക്കാന് പോയ യെച്ചൂരി എയറിലാണ്,പിണറായീടെ കൈയ്യിലിരുപ്പിനേക്കുറിച്ച് രണ്ട് വാക്ക്,ചോദ്യശരങ്ങളില് പൊള്ളി സിപിഎം കേന്ദ്ര നേതൃത്വം
എന്റെ യെച്ചൂരി നിങ്ങള് ഒരിടത്ത് നില്ക്കെന്ന് പറഞ്ഞാല് മൂപ്പര് പെടാപ്പാട് പെടും. കാരണം കേരളത്തില് വന്നാല് കോണ്ഗ്രസ്സിനെ തെറിപറഞ്ഞ് സ്വന്തം പാര്ട്ടിയെ ചേര്ത്തു പിടിയ്ക്കണം. അങ്ങ് ഉത്തരേന്ത്യയില് ചെന്നാലോ കോണ്ഗ്രസ്സിനെ ചേര്ത്തു പിടിച്ച് നീ എന്റെ ചങ്കാണടാ പങ്കാളി എന്ന് തള്ളണം. ഇതുപോലൊരു ഗതികേട് സിപിഎം കേന്ദ്ര നേതൃത്വത്തിനല്ലാതെ മറ്റാര്ക്കം ഇല്ല. ഒരിടത്ത് വേട്ടയാടല് മറ്റൊരിടത്ത് കൈകൊടുപ്പ്. ഇതാണ് സിപിഎമ്മിന്റെ ഇപ്പോഴത്തെ നാണംകെട്ട പണി. കേരളത്തില് സ്വന്തം പാര്ട്ടി കോണ്ഗ്രസ് നേതാക്കളെ അന്വേഷണ സംഘങ്ങളെ ഉപയോഗിച്ച് വേട്ടയാടുന്നു. മറുവശത്ത് ബിജെപിയെ നേരിടാനുള്ള കോണ്ഗ്രസ്സിന്റെ വിശാല പ്രതിപക്ഷത്തിന് പോയി കൈ കൊടുക്കുന്നു. പട്നയില് നടന്ന കോണ്ഗ്രസ് പരിപാടിയില് പോയി കൈകോര്ത്തു പിടിച്ച യെച്ചൂരി കേരളത്തിലെ ഭരണകൂട വേട്ടയാടലില് മിണ്ടുന്നില്ല. കോണ്ഗ്രസ് ദേശീയ നേതൃത്വം യെച്ചൂരിയെ വിളിച്ച് കയറ്റിയതില് ഇപ്പോള് ഖേദിക്കുന്നു. പിണറായി യെച്ചൂരി പട്നയില് പോതിനെ കുറിച്ചോ വിശാല പ്രതിപക്ഷത്തിന് യെച്ചൂരി കൈകൊടുത്തിനേക്കുറിച്ചോ ഒരക്ഷരം മിണ്ടുന്നില്ല.
സത്യത്തില് പിണറായിക്ക് മോദി ചായ്വ് ഉണ്ടോ. ഇത് കേരളം കുറച്ച് കാലമായ് ചോദിക്കുന്ന ചോദ്യമാണ്. മോദിയെ എതിര്ക്കാന് വര്ഗ്ഗീയതയെ തുരത്താന് കോണ്ഗ്രസ് വിശാല പ്രതിപക്ഷത്തിന് കോപ്പുകൂട്ടുന്നു. ഞങ്ങളുടെ ബിജെപിയെ എതിര്ക്കുന്നു എന്ന് പറയുന്നതല്ലാതെ പിണറായി വിജയന് മോദിയെ കാണുമ്പോള് നട്ടെല്ല് വളഞ്ഞ് നില്ക്കുന്നതാണ് കാണാനാകുന്നത്. മോദിയെ പിണറായിക്കെതിരെയുള്ള ഒരു കേസും അനക്കുന്നില്ല. ലാവ്ലിന് തൊട്ടുപോലും നോവിക്കുന്നില്ല. അപ്പോള് അന്തര്ദ്ധാര ആരൊക്കെ തമ്മിലാന്ന് ജനം സംശയിക്കുന്നതില് തെറ്റ് പറയാനാകില്ല. വിശാല പ്രതിപക്ഷത്തിന് കൈകൊടുക്കാന് യെച്ചൂരിനെ പോയതിനേക്കുറിച്ച് ഒരക്ഷരം പിണരായി മിണ്ടിയിട്ടില്ല. കേരളത്തിലെ സിപിഎമ്മിന്റെ കരുത്തുറ്റ നേതാവ് മിണ്ടാത്ത് കൊണ്ടായിരിക്കും മറ്റ് പല നേതാക്കളും മിണ്ടിയിട്ടില്ല.
എന്തായാലും പിണറായി കഴുത്തിന് പിടിക്കുമോ എന്ന ഭയം ഉള്ളത് യെച്ചൂരി ഇപ്പോള് കോണ്ഗ്രസ്സിനെ പത്ത് പറഞ്ഞിട്ടുണ്ട്. അതും ഡല്ഹി വിഷയത്തിലാണ് യെച്ചൂരി കോണ്ഗ്രസ്സിനെ വിമര്ശിച്ചിരിക്കുന്നത്. പ്രതിപക്ഷ ഐക്യം യാഥാര്ഥ്യമാകണമെങ്കില് കോണ്ഗ്രസ് ധാര്ഷ്ഠ്യം ഒഴിവാക്കണമെന്ന് പിബി ആവശ്യപ്പെട്ടു. ഡല്ഹി ഓര്ഡിനന്സിനെ എതിര്ക്കാന് കോണ്ഗ്രസ് മടിക്കരുത്. ഡല്ഹി ഓര്ഡിനന്സുമായി ബന്ധപ്പെട്ട വിഷയം ചര്ച്ച ചെയ്യുമ്പോഴാണ് സിപിഎം പിബിയില് കോണ്ഗ്രസിനെതിരെ വിമര്ശനം ഉയര്ന്നത്. ഈ വിഷയത്തില് കോണ്ഗ്രസ് കൃത്യമായ നിലപാട് വ്യക്തമാക്കാത്ത സാഹചര്യത്തിലാണ് പിബിയുടെ വിമര്ശനം.
പട്നയില് കഴിഞ്ഞ ദിവസം ചേര്ന്ന പ്രതിപക്ഷ നേതൃയോഗം ആശാവഹമാണെന്നു പിബി വിലയിരുത്തി. ബിജെപിക്കെതിരെ ലോക്സഭാ തിരഞ്ഞെടുപ്പില് പ്രതിപക്ഷ കൂട്ടായ്മ കൊണ്ടുവരാനാകുമെന്ന പ്രത്യാശയും പിബി പങ്കുവച്ചു. ഡല്ഹി സര്ക്കാരിന്റെ നിയമന അധികാരത്തെ മറികടക്കുന്നതിനായി കേന്ദ്ര സര്ക്കാര് കൊണ്ടുവരുന്ന ഓര്ഡിനന്സിനെ കോണ്ഗ്രസും എതിര്ക്കേണ്ടതാണെന്ന് പിബി ചൂണ്ടിക്കാട്ടി. പ്രതിപക്ഷ ഐക്യം മുന്നിര്ത്തി കോണ്ഗ്രസ് അത്തരമൊരു നിലപാട് കൈക്കൊള്ളേണ്ടതാണ്. ധാര്ഷ്ഠ്യം ഉപേക്ഷിച്ച് കോണ്ഗ്രസ് ഓര്ഡിനന്സിനെ എതിര്ക്കാന് രംഗത്തു വരണം. ഈ ഓര്ഡിനന്സ് സ്പഷ്ടമായും ജനാധിപത്യത്തിനു എതിരാണ്. പ്രത്യേകിച്ചും ഇതിലൂടെ സംസ്ഥാന സര്ക്കാരിന്റെ അധികാരങ്ങള് കവര്ന്നെടുക്കാനാണ് കേന്ദ്രത്തിന്റെ നീക്കമെന്നു പിബി ചൂണ്ടിക്കാട്ടി.
അതേസമയം, ബംഗാളില്നിന്നുള്ള പിബി അംഗങ്ങള് കോണ്ഗ്രസിനെ പിന്തുണച്ചും രംഗത്തെത്തി. പട്നയില് നടന്ന പ്രതിപക്ഷ കക്ഷികളുടെ നേതൃയോഗത്തില് ഡല്ഹി ഓര്ഡിനന്സ് അജന്ഡയിലുണ്ടായിരുന്നില്ല. ഈ സാഹചര്യത്തിലാകാം കോണ്ഗ്രസ് ഇക്കാര്യത്തില് നിലപാടു വ്യക്തമാക്കാതിരുന്നത്. ഇതിന്റെ പേരില് കോണ്ഗ്രസിനെ വിമര്ശിക്കേണ്ടതില്ലെന്ന് അവര് നിലപാടെടുത്തു. ബിജെപിക്കെതിരായി ഒരു പൊതു സ്ഥാനാര്ഥിയെ നിര്ത്തണമെന്ന് കോണ്ഗ്രസ് ഉള്പ്പെടെയുള്ളവര് ആവശ്യപ്പെട്ടിരുന്നെങ്കിലും, ഇതേക്കുറിച്ചു പിന്നീട് തീരുമാനിക്കാമെന്നാണ് പിബിയിലെ ധാരണ. ഓരോ സംസ്ഥാനങ്ങളിലെയും സാഹചര്യങ്ങള് വിലയിരുത്തിയശേഷം തീരുമാനമെടുക്കാമെന്ന് പിബിയില് അഭിപ്രായമുയര്ന്നു. കോണ്ഗ്രസ് നിലപാട് വ്യക്തമാക്കണമെന്ന് അലമുറയിടുന്ന യെച്ചൂരി കേരളത്തിലെ സ്വന്തം സര്ക്കാരിന്റെ കാര്യത്തില് കൂടി നിലപാട് വ്യക്തമാക്കണം. പിണറായി സര്ക്കാരിന്റെ മാധ്യമ വേട്ടയ്ക്കെതിരെയും പ്രതിപക്ഷ വേട്ടയ്ക്കെതിരെയും രണ്ട് വാക്ക് പറയാന് തയ്യാറാകണം. ഇന്ത്യയിലെ കമ്യൂണിസ്റ്റ്മാര്ക്സിസ്റ്റ് പാര്ട്ടിയുടെ ഇന്നത്തെ വത്തിക്കാനായ കേരളത്തില് സി.പി.എമ്മിനെ ബാധിച്ച ദുര്മേദസ്സിന്റെ അവസ്ഥാന്തരങ്ങളെ ദേശീയതലത്തില് പരിക്കില്ലാതെ വ്യാഖ്യാനിച്ചു പിടിച്ചുനില്ക്കാന് ജനറല് സെക്രട്ടറി സീതാറാം യെച്ചൂരി പെടാപ്പാട് പെടുകയാണ്. മുണ്ടുടുത്ത മോദിയെന്ന വിളിപ്പേരിലേക്ക് പിണറായി എത്തിക്കഴിഞ്ഞു. അത് ഈ പാര്ട്ടിയുടെ വലിയ ജീര്ണ്ണത തന്നെയാണ്.
https://www.facebook.com/Malayalivartha
