പിണറായിയെ ഒന്ന് വെളുപ്പിക്കാന് വന്നതാ ജലീല് തേഞ്ഞു;കോടതി ഉത്തരവും പൊക്കിപ്പിടിച്ച് എഐ ക്യാമറ വിവാദത്തില് തൊട്ടു മലയാളി കേറിമേഞ്ഞു,സകല തൊട്ടിത്തരവും കാണിച്ച് വീണ്ടും ജനത്തെ പൊട്ടരാക്കുന്നു,വേലത്തരം കൈയ്യില് വെച്ചോ ഇങ്ങോട്ട് ഇറക്കണ്ട
സര്ക്കാരിനെ വെളുപ്പിക്കാന് പോസ്റ്റിടുക മലയാളിയുടെ വായിലിരിക്കുന്നത് മേടിച്ച് കൂട്ടുക ഇതാണിപ്പോള് ജലീലിന്റെ മെയ്ന് പണി. എഐ ക്യാമറയില് ഹൈക്കോടതിയുടെ ഒരു ഉത്തരവും പൊക്കിപ്പിടിച്ച് പിണറായിയെ വെളുപ്പിക്കാന് ജലീല് വീണ്ടും വന്നു മലയാളി കേറിമേഞ്ഞു. എഐ ക്യാമറ തടയാനാകില്ല ഹൈക്കോടതി ഉത്തരവെന്നും പറഞ്ഞ് മൂപ്പര് ഒരു പോസ്റ്റിട്ടിട്ടുണ്ട്. ആരോഗ്യ പ്രശ്നങ്ങള് ഉള്ളതിനാല് ഹെല്മെറ്റില്ലാതെ യാത്ര ചെയ്യാന് അനുവദിക്കണമെന്ന് ആവശ്യപ്പെട്ട് മുവ്വാറ്റുപുഴ രാമമംഗലം സ്വദേശികളായ മോഹനനും ശാന്തയും നല്കിയ ഹര്ജി ഹൈകോടതി തള്ളി. ഇതാണ് പോസ്റ്റില് കൊച്ചാപ്പ പറയുന്നത്. അതായത് ജലീലേ സര്ക്കാരിന് നേരെ ഉയരുന്ന എഐ ക്യാമറ അഴിമതിയും താങ്കള് ഈ പൊക്കിപ്പിടിച്ചിട്ടിരിക്കുന്ന പോസ്റ്റും തമ്മില് എന്താണ് ബന്ധം. അഴിമതിയെ വെള്ളപൂശാന് വെറുതെ കോടതി ഉത്തരവെടുത്തിട്ട് തെറ്റിദ്ധാരണ പരത്താന് നോക്കരുത്. കാരണം എഐ കക്യാമറയില് കൈയ്യിട്ട് നക്കിയവരുടെ കാര്യമൊക്കെ പൊതുജനത്തിന് ബോദ്യപ്പെട്ടതാണ്. വെറുതെ മലയാളിയുടെ ക്ഷമ പരീക്ഷിക്കരുത്.
കൊച്ചാപ്പയുടെ പോസ്റ്റ് നമുക്കൊന്ന് നോക്കാം.....
ഇരുചക്രവാഹന യാത്രികരെ ഹെല്മറ്റ് ധരിക്കുന്നതില് നിന്ന് ഒഴിവാക്കാനാകില്ലെന്ന് കോടതി വിലയിരുത്തി. ഹെല്മറ്റ് വയ്ക്കാന് കഴിയാത്ത വിധം അസുഖമുള്ളവര് ഇരുചക്രവാഹന യാത്ര ഒഴിവാക്കുന്നതാണ് അഭികാമ്യമെന്നും കോടതി നിരീക്ഷിച്ചു. ഗതാഗത നിയമലംഘനങ്ങള് കണ്ടെത്താന് എ.ഐ ക്യാമറകള് സ്ഥാപിക്കുന്നത് നിരുല്സാഹപ്പെടുത്താനാകില്ലെന്ന് കോടതി അഭിപ്രായപ്പെട്ടു. പുതിയൊരു സംരഭം എന്ന നിലയില് ചില കുറവുകള് ഉണ്ടായേക്കാം. അത് പരിഹരിക്കപ്പെടും: നീതിപീഠം വ്യക്തമാക്കി.
നിയമം ലംഘിച്ചില്ലെങ്കില് ഒരു ക്യാമറയും പിടികൂടില്ല. ഒരാള്ക്കും ആരും പിഴ ചുമത്തുകയുമില്ല. അകാരണമായി പിഴ ഈടാക്കലിന് വിധേയമാകുന്ന പരമ്പരാഗത രീതിക്കാണ് എ.ഐ ക്യാമറകളുടെ സംസ്ഥാപനത്തോടെ അന്ത്യമായത്. വ്യക്തി വിരോധം തീര്ക്കാന് ഒരാള്ക്കും ഇനി മറ്റൊരാളുടെ മേല് പിഴ ചുമത്താനാകില്ല. ഈ ഇനത്തില് ഒരു ഉദ്യോഗസ്ഥനും കൈക്കൂലി കീശയിലാക്കാനും കഴിയില്ല. അത്തരമൊരു കുറ്റമറ്റ സംവിധാനത്തെയാണ് ചില വിവരദോഷികള് കുട്ടകെട്ടി മറക്കാന് ശ്രമിച്ചത്. കീറത്തുണികൊണ്ട് പൊതിയാന് തുനിഞ്ഞത്. തലയില് ആള്പ്പാര്പ്പില്ലാത്ത നിരുത്തരവാദികളെ കുറിച്ച് എന്തു പറയാന്? വികസന പദ്ധതികളെ അഴിമതിയുടെ പുകമറ സൃഷ്ടിച്ച് തകര്ക്കാനുള്ള നീക്കങ്ങള് എന്തുവില കൊടുത്തും തടയണം. ഭരണമില്ലാത്തതിന്റെ 'നീറ്റല്' ചൊറിഞ്ഞ് തീര്ക്കുന്ന കോലീബി ത്രിവര്ണ്ണ സഖ്യത്തെ നമുക്ക് അവഗണിക്കാം. കേരളം മുന്നോട്ട് കുതിക്കട്ടെ. കുശുമ്പന്മാര് പിന്നോട്ട് തള്ളപ്പെടട്ടെ. ഇതായിരുന്നു വിശാലഹൃദയനായ നിയമം അതേ പോലെ അനുസരിക്കുന്ന ജലീലിന്റെ പോസ്റ്റ്.
ജലീലിനോട് വിവരക്കേട് ഒരു തെറ്റല്ല പക്ഷെ അതൊരു അലങ്കാരമായ് കൊണ്ടുനടക്കരുത്. എഐ ക്യാമറ എന്ന സംവിധാനം ഇവിടെ വേമ്ട എന്ന് ആരും പറഞ്ഞിട്ടില്ല. ഗതാഗത നിയമംഘനങ്ങള് തടയുന്നതിനും യാത്രക്കാരുടെ സുരക്ഷയ്ക്കും കാലാനുസൃതമായ രീതിയില് ഗതാഗത നിയമങ്ങള് പരിഷ്കരിക്കപ്പെടണം അത്യാധുനിക രീതിയുള്ള സംവിധാനങ്ങല് വരികയും വേണം. പക്ഷെ ആ പദ്ധതികളുടെ മറവില് കോടികള് അടിച്ചെടുത്തിട്ട് വീണ്ടും വന്ന് ഗീര്വാണം അടിച്ചാല് മലയാളി മിണ്ടാതിരിക്കില്ല. അത് ഭരിക്കുന്നെ ഏത് പാര്ട്ടി കാണിച്ചാലും പൊതുജനം ചോദ്യം ചെയ്യും. ഇവിടെ കോടതി പറഞ്ഞിരിക്കുന്നത് ഹെല്മെറ്റ് ധരിക്കുന്നതില് ഇളവ് തരാനാകില്ല എന്നാണ്. അല്ലാതെ എഐ ക്യാമറ അഴിമതിയേക്കുറിച്ചല്ല പറഞ്ഞത്. ആ കേസ് കോടതിയുടെ പരിഗണനയില് ഇരിക്കുന്നതേയുള്ളു. കോടതി ഉത്തരവും പൊക്കിപ്പിടിച്ച് വന്ന് വിടുവായത്തം വിളമ്പരുത്.
പിന്നെ എഐ ക്യാമറ അഴിമതിയില് പ്രതിപക്ഷം കൊടുത്ത പൊതുതാല്പര്യ ഹര്ജിയില് ഹൈക്കോടതി പറഞ്ഞത് പരാതിയില് കഴമ്പുണ്ടെന്നാണ് പ്രഥമദൃഷ്ട്യാ മനസിലാകുന്നതെന്നാണ്. അല്ലാതെ പരാതി കള്ളമാണ് പദ്ധതി നടപ്പാക്കിയവര് മാന്യ വിശ്വാമിത്രന്മാരാണ് എന്നൊന്നും കോടതി പറഞ്ഞില്ല. എന്നിട്ടും വന്ന് നിന്ന് ഇങ്ങനെ ന്യായീകരിക്കാന് അപാരതൊലിക്കട്ടി വേണം. ആ തൊലിക്കട്ടി തനിക്കുണ്ടെന്ന് പലപ്പോഴായ് തെളിയിച്ചിട്ടുള്ള ആളാണ് ജലീല്. നിയമങ്ങളെല്ലാം കാറ്റില് പറത്തിയാണ് കെല്ട്രോണ് ഉപകരാര് കൊടുത്തിരിക്കുന്നത്. അതും എഐ സാങ്കേതിക വിദ്യ എന്തെന്ന് പോലും അറിയാത്ത എസ്ആര്ഐടിക്ക്. എസ്ആര്ഐടി വീണ്ടും മൂന്ന് കമ്പനികള്ക്ക് ഉപകരാര് കൊടുത്തു. അതും ഒരു പുണ്ണാക്കും അറിയാത്ത കമ്പനികള്ക്ക്. ഇതിന്റെയൊക്കെ തെളിവ് പുറത്ത് വന്നതാണ്. 100 കോടിക്ക് തീരുമായിരുന്ന കരാര് 235 കോടിയിലെത്തിച്ചത് ആരാണ് മിസ്റ്റര് ജലീല്. കരാറിനെ കുറിച്ച് തനിക്കൊന്നും അറിയില്ലെന്ന് വകുപ്പ് മന്ത്രി കൈമലര്ത്തി. അപ്പോള് മാനത്തൂന്ന് പൊട്ടി വീണ കരാറാണോ ഇത്. എഐ ക്യാമറ അഴിമതി വിവാദം മുഖ്യമന്ത്രിയുടെ വീട്ടിലേക്ക് നീണ്ടപ്പോള് വകുപ്പ് മന്ത്രിയും മറ്റ് മന്ത്രിമാരും കൈമലര്ത്തി. അതിന്രെ കാരണം എന്തായിരുന്നു. എന്റെ അമ്മായപ്പനെ ചേര്ത്തു നിര്ത്തണേന്നും പറഞ്ഞ് മന്ത്രി റിയാസ് വന്ന് നിന്ന് മോങ്ങിയത് എന്തിനാണ്. ഉപകരാര് പോയ കമ്പനികളെല്ലാം മുഖ്യമന്ത്രിയുടെ മക്കള്ക്ക് പരിചയമുള്ള കമ്പനികള്. പ്രിസാഡിയോ എന്ന കമ്പനിക്ക് മുഖ്യന്റെ മകന്റെ അമ്മായപ്പനുമായ് വളരെ അടുത്ത ബന്ധം. ഇതെല്ലാം യാദൃശ്ചികമായിരിക്കും അല്ലെ. ഇത്രയൊക്കെ കളി ഇതിന് പിന്നില് നടന്നിട്ടും നിങ്ങള് ആരെയാണ് ഈ പൊട്ടരാക്കാന് നോക്കുന്നത്. ജനങ്ങളെയോ അവര് അത്ര പൊട്ടരല്ല ഇതൊന്നും മനസ്സിലാകാതിരിക്കാന്.
https://www.facebook.com/Malayalivartha
