ഒന്‍പതാംക്ലാസ്സുകാരിയെ പീഡിപ്പിച്ച് ഗര്‍ഭിണിയാക്കി പോലീസുകാരന്‍. പ്രതി സിവില്‍ പൊലീസ് ഓഫീസര്‍ മാരായമുട്ടം കിഴങ്ങുവിളവീട്ടില്‍ ദിലീപിനെ നെയ്യാറ്റിന്‍കര കോടതി റിമാന്‍ഡ് ചെയ്തു. ഇടുക്കി മറയൂര്‍ ജനമൈത്രി സ്റ്റേഷനിലെ പൊലീസുകാരനാണ് ദിലീപ്. പോലീസ് സേനയ്ക്ക് തന്നെ കളങ്കമായ് മാറുകയാണ് ഈ സംഭവം. അല്ലെങ്കില്‍ തന്നെ നാറിനാണംകെട്ട് നില്‍ക്കുകയാണ്. അതിന്റെ കൂടെയാണ് അടുത്ത പണി കിട്ടിയിരിക്കുന്നത്. ആഭ്യന്തര വകുപ്പിനെതിരെ വലിയ പ്രതിഷേധം ശക്തമാകുന്നു. ജനങ്ങളുടെ ജീവനും സ്വത്തിനും സംരക്ഷണം ഒരുക്കേണ്ട പോലീസാണ് ഇത്തരത്തില്‍ ജനങ്ങളെ തന്നെ ദ്രോഹിക്കുന്നത്.

ഒന്‍പതാം ക്ലാസുകാരി ഗര്‍ഭിണിയായ സംഭവത്തിലെ പ്രതി സിവില്‍ പൊലീസ് ഓഫിസര്‍ മാരായമുട്ടം കിഴങ്ങുവിളവീട്ടില്‍ ദിലീപിനെ നെയ്യാറ്റിന്‍കര കോടതി റിമാന്‍ഡ് ചെയ്തു. ഇടുക്കി മറയൂര്‍ സ്റ്റേഷനില്‍ നിന്ന് ഇയാളെ അന്വേഷണ സംഘം കഴിഞ്ഞദിവസം ഉച്ചയ്ക്ക് 2ന് അറസ്റ്റ് ചെയ്തത്. തുടര്‍ന്ന് നെയ്യാറ്റിന്‍കര കോടതിയില്‍ ഹാജരാക്കി. 2021 ജൂണിലും 2022ലെ ഒരു അവധി ദിവസത്തിലും 2023 മേയ് 30നും ഇയാള്‍ പീഡിപ്പിച്ചതായി പെണ്‍കുട്ടി പൊലീസിന് മൊഴി നല്‍കി. വയര്‍ വേദനയെത്തുടര്‍ന്ന് ആശുപത്രിയിലെത്തിയ പതിനാലുകാരിയെ പരിശോധിച്ച ഡോക്ടറാണ് ഗര്‍ഭിണിയാണെന്ന് കണ്ടെത്തിയത്. ഉടന്‍ വിവരം ചൈല്‍ഡ്‌ലൈന്‍ പ്രവര്‍ത്തകരെ അറിയിച്ചു. ഇവരുടെ ഇടപെടലിലാണ് ആര്യങ്കോട് പൊലീസ് പോക്‌സോ വകുപ്പ് ഉള്‍പ്പെടുത്തി കേസെടുത്തത്. പ്രതിക്കെതിരെ മുന്‍പ് നെയ്യാറ്റിന്‍കര സ്റ്റേഷനില്‍ കേസുണ്ടായിരുന്നുവെന്നും ആര്യങ്കോട് പൊലീസ് പറഞ്ഞു.

പോലീസിലെ ക്രിമിനലുകള്‍ക്കെതിരെ നടപടി എടുക്കണമെന്ന് എത്രയോ കാലങ്ങളായ് ഉയരുന്ന ആവശ്യമാണ്. എന്നാല്‍ ഇത്തരക്കാരെ സേനയ്ക്കുള്ളില്‍ തന്നെ വാഴിക്കുകയാണ് ആഭ്യന്തര വകുപ്പ്. അതിന്റെ പരിണിത ഫലമാണ് കേരള പോലീസ് ഇന്ന് നേരിടുന്നത്. ഇതുപോലെ ഒരുപറ്റം ഉദ്യോഗസ്ഥര്‍ കാരണം സേനയൊന്നാകെ നാണംകെട്ട് നില്‍ക്കുകയാണ്. ഇത്തരം പോലീസുകാര്‍ക്കെതിരെ എന്തുകൊണ്ട് നടപടി ഉണ്ടാകുന്നില്ല. കള്ളന്മാരും പീഡനവീരന്മാരും വരെ കാക്കി കൂട്ടത്തില്‍ ഉണ്ടായിട്ടും അവരെ തൊട്ട് പോലും നോവിക്കാതെ ആഭ്യന്തര മന്ത്രി. മാങ്ങ മോഷ്ടിച്ചവന്റെ പണി പോയി സമ്മതിയ്ക്കുന്നു അതുപോലെ നടപടി വേണ്ട കുറച്ചധികം ഉദ്യോഗസ്ഥരുണ്ട്. അടുത്തിടെയാണ് സ്റ്റേഷില്‍ പരാതി പറയാന്‍ വന്ന ഒരു സ്ത്രീയുമായ് സൗഹൃദത്തിലായ് അവരേയും കൊണ്ട് കറങ്ങി നടന്ന പോലീസുകാരന് പണികിട്ടിയത്. ഇതുപോലെ പരാതിയുമായ് വരുന്ന സ്ത്രീകളെ ട്രാപ്പിലാക്കി ഉപയോഗിക്കുന്ന പോലീസുകാര്‍. പീഡന വീരന്മാര്‍ തുടങ്ങി സകലമാന തൊട്ടിത്തരങ്ങളും കൈവശമുള്ള പോലീസുകാരുണ്ട്. സേനയൊന്നാകെ നാറി നിന്നിട്ടും ഒരു നടപടിയും എടുക്കാതെ ആഭ്യന്തരം കൈയ്യാളുന്നവര്‍ മൗനത്തിലിരിക്കുന്നു.

പുറത്തുള്ള ക്രിമിനലുകളേക്കാള്‍ വലിയ ക്രിമിനലുകള്‍ അകത്തുണ്ട്. കുറ്റക്കാരായ പോലീസുകാര്‍ക്കെതിരെ നടപടി എടുക്കാത്തതില്‍ സേനയ്ക്കുള്ളില്‍ തന്നെ ഒരുപറ്റം പോലീസുകാര്‍ എതിര്‍പ്പുയര്‍ത്തുന്നുണ്ട്. പോലീസുകാരെ ഇനിയും നിലയ്ക്ക് നിര്‍ത്തിയില്ലെങ്കില്‍ ആഭ്യന്തര വകുപ്പ് കുറേ വെള്ളംകുടിയ്ക്കും. പോലീസിനുള്ളില്‍ത്തന്നെ രണ്ട് തട്ടാണ്. ഇടത് ചായ്വുള്ള ഒരു വിഭാഗം അവരാണ് കാര്യങ്ങള്‍ തീരുമാനിക്കുന്നത്. ബാക്കിയുള്ളവര്‍ അത് അനുസരിച്ചോണം. പോലീസിനെ അഴിച്ചുവിട്ടിരിക്കുന്ന ആഭ്യന്തര മന്ത്രി ഒരു കാര്യം മനസ്സിലാക്കുക. പോലീസുകാര്‍ സമൂഹത്തിന് വലിയ തലവേദന ആയി മാറുകയാണ്. എല്ലാ പോലീസുകാരേയും അടച്ചാക്ഷേപിക്കുകയല്ല, പ്രസ്‌നക്കാരയവരെക്കുറിച്ചാണ് പറയുന്നത്.