ഇനി യുദ്ധം തുടങ്ങാം... കേരളമടക്കം അഞ്ചിടങ്ങളില് ഏപ്രില് മെയ് മാസങ്ങളില് തെരഞ്ഞെടുപ്പ് നടത്താന് തീരുമാനം; പുതിയ തന്ത്രങ്ങളുമായി മരണപ്പോരാട്ടത്തിനായി ഗ്രൂപ്പുകള്
കേരളമടക്കം നാല് സംസ്ഥാനങ്ങളിലും പുതുച്ചേരിയിലും അടുത്ത വര്ഷം ഏപ്രില്, മെയ് മാസങ്ങളിലായി തെരഞ്ഞെടുപ്പ് നടത്തുമെന്ന് തെരഞ്ഞെടുപ്പ് കമ്മിഷന്. ഇതോടെ സംസ്ഥാന രാഷ്ട്രീയം തിളച്ചു മറിയും. മുഖ്യമന്ത്രിയാവാനായി കോണ്ഗ്രസിലും സിപിഎമ്മിലും പോരാട്ടം രൂക്ഷമാവും.
തമിഴ്നാട്, അസ്സം, പശ്ചിമ ബംഗാള് എന്നീ സംസ്ഥാനങ്ങളുമാണ് അടുത്ത വര്ഷം മധ്യത്തോടെ പോളിംഗ് ബൂത്തിലേക്ക് പോകുന്നത്.
മെയ് 24നകം തെരഞ്ഞെടുപ്പ് നടപടികള് പൂര്ത്തിയാക്കുമെന്ന് അറിയിച്ച കമ്മിഷന് തമിഴ്നാട്ടിലുണ്ടായ പ്രളയത്തെ തുടര്ന്ന് തെരഞ്ഞെടുപ്പ് മാറ്റിവയ്ക്കേണ്ട സാഹചര്യം നിലവിലില്ലെന്നും വ്യക്തമാക്കി. തെരഞ്ഞെടുപ്പ് നീട്ടിവയ്ക്കണമെന്ന ആവശ്യം തമിഴ്നാട് സര്ക്കാരില് നിന്നോ പാര്ലമെന്റ് അംഗങ്ങളില് നിന്നോ ഇതുവരെ ലഭിച്ചിട്ടില്ലെന്നും കമ്മിഷനിലെ മുതിര്ന്ന ഓഫീസര് പ്രതികരിച്ചു.
തെരഞ്ഞെടുപ്പുമായി ബന്ധപ്പെട്ട തയ്യാറെടുപ്പുകള്ക്കായി തെരഞ്ഞെടുപ്പ് കമ്മിഷന് അംഗങ്ങള് സംസ്ഥാനങ്ങളില് സന്ദര്ശനം ആരംഭിച്ചു കഴിഞ്ഞു. ബംഗാള് സന്ദര്ശനം പൂര്ത്തിയാക്കി. മുഖ്യ തെരഞ്ഞെടുപ്പ് കമ്മിഷണര് നസീം സെയ്ദിയും കമ്മിഷന് അംഗങ്ങളായ അചല് കുമാര് ജ്യോതി, ഒ.പി റാവത്ത് എന്നിവര് തിങ്കളാഴ്ച അസ്സമിലെത്തും. അടുത്ത രണ്ടു മൂന്ന് ആഴ്ചകള്ക്കുള്ളില് മറ്റു സംസ്ഥാനങ്ങളിലും സന്ദര്ശനം പൂര്ത്തിയാക്കും. ഇതിനു ശേഷമായിരിക്കും അന്തിയ ഷെഡ്യൂള് തീരുമാനിക്കുക.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha
