ജനശക്തിയില് ആര് എസ് ശശികുമാറിന്റെ ലേഖനം;പിണറായിക്കിട്ട് മുട്ടന് പണി വരുന്നു,കൈതോലപ്പായ ക്ഷീണം തീര്ന്നിട്ടില്ല ഉടനെ അടുത്ത പണി,എന്താണ് ശക്തിധരനും ശശികുമാരും പിണറായിക്ക് നേരെ തൊടുക്കുന്ന അമ്പ്
ശക്തിധരനൊപ്പം ശശികുമാറും ചേര്ന്നാല് അത് പിണറായിക്കിട്ടുള്ള വെടിക്കെട്ട്. ശശിധരന്റെ ജനശക്തിയില് ഒരു ലേഖനം എഴുതുന്നു, എഴുത്ത് അത്ര നിസ്സാരമായിരിക്കില്ല മുഖ്യമന്ത്രി പിണറായി വിജയന്റെ തൊട്ടിത്തരങ്ങള് അക്കമിട്ട് നിരത്തുന്നതായിരിക്കും. ദുരിതാശ്വാസ നിധിയില് കൈയ്യിട്ട് നക്കിയവരൊക്കെ അത് ഛര്ദ്ദിക്കും വരെ പോരാട്ടമെന്ന് ശശികുമാര് വെട്ടിത്തുറന്ന് പറഞ്ഞിട്ടുണ്ട്. അതുകൊണ്ട് തന്നെ ശശികുമാറിനെ സിപിഎം ഭയന്നേ മതിയാകൂ. സഖാക്കള്ക്കുള്ള ആ ഭയമാണ് ജനശക്തിയില് ശക്തിധരന് പ്രയോജനപ്പെടുത്തുന്നത്.
നമുക്ക് ഒരു ശശികുമാറേ ഉളളൂ!
അത്യുന്നത ജുഡീഷ്യല് സ്ഥാപനങ്ങളില് നിന്നു അടുത്തൂണ് പറ്റിയാലുടന് അതുക്കും മേലെയുള്ള ലാവണങ്ങളില് പോലും പുനര്നിയമനം സംഘടിപ്പിച്ചു മദിച്ചു പുളയ്ക്കുന്ന കാളക്കൂറ്റന്മാര്! മേലാളന്മാരുടെ അത്യുന്നത തസ്തികകളില് നിന്നും അടുത്തൂണ് പറ്റിയാലും പടിയിറങ്ങാതെ തന്ത്രപ്രധാന താക്കോല് സ്ഥാനങ്ങളില് ചടഞ്ഞുകൂടിയിരിക്കുന്ന എമ്പോക്കികള്! ആ മുഖംമൂടികള് ചങ്കുറപ്പോടെ പിച്ചിച്ചീന്തുകയാണ് ഭരണനിര്വഹണ രംഗത്തെ ഇടിമുഴക്കമായ ആര് എസ് ശശികുമാര് ജനശക്തിയുടെ ഈ ലക്കത്തില് . മുഖ്യമന്ത്രിയുടെ നേതൃത്വത്തില് ഏഴുവര്ഷമായി അരങ്ങേറുന്ന ജീര്ണ്ണതയുടെ ഈ പങ്കുവെപ്പ് മാഫിയക്കെതിരെ മുഖംനോക്കാതെ ഗര്ജ്ജിക്കുകയാണ് ആര് എസ് ശശികുമാര് .കേരളത്തില് ഈ പോരാട്ടം നടത്താന് ധൈര്യമുള്ള ഒരു ശശികുമാറേ നമുക്കുള്ളൂ. ചീഫ് ജസ്റ്റിസ് പദവിയില് വിരാചിച്ചിരുന്നവരുടെ പോലും മുഖംമൂടി നീക്കിയാല് തെളിയുന്നത് നീതിയോ നിയമമോ തൊട്ടുതീണ്ടിയിട്ടില്ലാത്ത വെറും പുഴുക്കുത്തുകള് ആണെന്ന് വരുമ്പോള് നാം നമ്മെ തന്നെ ശപിക്കണം. അതേ ആയിരം കഴുതകളേ കൂച്ചുവിലങ്ങിടാന് നമുക്ക് ഒരു ശശികുമാറേ ഉളളൂ! .ട്രോജന് കുതിരകളോ; ലാവണം നിറയെയും 'ജനശക്തി' യുടെ ഈ ലക്കം വായിക്കുക. ഇതാണ് ശക്തിധരന് പറഞ്ഞിരിക്കുന്നത്.
ശശികുമാറിന് വലിയ ജനപിന്തുണയാണ് കിട്ടിക്കൊണ്ടിരിക്കുന്നത്. അതിന് കാരണം ജനങ്ങള് ഈ സര്ക്കാരിനെ വിശ്വസിച്ച് ഏല്പ്പിച്ച പണം സഖാക്കളുടെ കുടുംബത്തിലെ ക്ഷേമത്തിന് കൊടുത്ത് സിപിഎമ്മുകാര് വഞ്ചിച്ചപ്പോള് അത് ചോദ്യം ചെയ്യാന് ഒരാളെ ഉണ്ടായിരുന്നുള്ളു ശശികുമാര്. പിന്നീട് അദ്ദേഹം സിപിഎം സൈബര് വേട്ടയ്ക്ക് ഇരയാകുകയായിരുന്നു. അദ്ദേഹത്തെ വളഞ്ഞിട്ട് ആക്രമിച്ചു സിപിഎം അപ്പോഴും അദ്ദേഹം പതറിയില്ല. ലോകായുക്തയെ ഇഫ്താര് വിരുന്നില് വീഴ്ത്തി നീതിന്യായ വ്യവസ്ഥയെ പോലും കൈയ്യിലെടുത്തു പിണറായി. എന്നാല് അങ്ങനെയൊന്നും വിട്ടുകൊടുക്കാന് ശശികുമാര് തയ്യാറല്ല. പിണറായിക്കെതിരെ കുരിശു യുദ്ധം പ്രഖ്യാപിച്ചിരിക്കുകയാണ്. നിയമം പോലും വില്പ്പന ചരക്കാകുന്ന ഈ കെട്ടകാലത്ത് ശശികുമാറിനെ പോലുള്ളവര് പ്രതീക്ഷയാണ്.
ദുരിതാശ്വാസ നിധിയില് വരെ കൈയ്യിട്ട് നക്കിയ സിപിഎമ്മുകാരുടെ ഉളുപ്പില്ലായ്മ സമ്മതിക്കണം. അത് ചോദ്യം ചെയ്തപ്പോള് കിടന്നങ്ങ് മെഴുകുന്നു. പിന്നെ ശശികുമാര് കുറ്റക്കാരന്. ആടിനെ വിറ്റും കോഴിയെ വിറ്റും സൈക്കിള് വിറ്റും പിള്ളേര് കുടുക്ക പൊട്ടിച്ചും തന്ന പൈസയാണ് ദുരിതാശ്വാസ നിധിയിലെ ഓരോ രൂപയും. അത് സിപിഎമ്മുകാരുടെ തറവാട്ട് വകയല്ല. അതില് അന്വേഷണം വരുന്നതിനെ സര്ക്കാരിന് ഭയം. അതിന് ലോകായുക്തയെ വശത്താക്കി കേസ് നീട്ടിക്കൊണ്ട് പോകുന്നു. അല്ലെങ്കില് തന്നെ പിണറായിക്കെതിരെയുള്ള ഏത് കേസിലാണ് അന്വേഷണം കൃത്യമായ് നടക്കുന്നത്. 35 കൊല്ലം കൊണ്ട് കിടക്കുന്നു ലാവലിന്. അതിന്റെ റെക്കോര്ഡ് പൊട്ടിക്കാന് വേറൊരു കേസിനും കഴിഞ്ഞിട്ടില്ല. ലോകായുക്തയ്ക്ക് മുന്നിലെത്തുന്ന കേസുകളില് കാലതാമസം ഉണ്ടാകരുത്. എന്നാല് പ്രതിസ്ഥാനത്ത് പിണറായി ആയത് കൊണ്ട് ഇതും ലാവലിന് കേസ് പോലെ നീളും.
https://www.facebook.com/Malayalivartha
