പൂട്ടിയ ബാറകള്‍ തുറക്കേണ്ടതില്ലായെന്ന സുപ്രിം കോടതി വിധിക്ക് പിന്നാലെ സംസ്ഥാനത്ത് പുതിയ ബിയര്‍, വൈന്‍ പാര്‍ലറുകള്‍ക്ക് ലൈസന്‍സ് അനുവദിക്കരുതെന്ന് ആവശ്യപ്പെട്ട് കോണ്‍ഗ്രസ് നേതാവ് ടി.എന്‍.പ്രതാപന്‍ എം.എല്‍.എ മുഖ്യമന്ത്രിക്ക് കത്തു നല്‍കി. നിലവില്‍ പ്രവര്‍ത്തിക്കുന്ന ബിയര്‍, വൈന്‍ പാര്‍ലറുകള്‍ക്ക് അടുത്ത വര്‍ഷം മുതല്‍ ലൈസന്‍സ് പുതുക്കി നല്‍കരുതെന്നും പ്രതാപന്‍ കത്തില്‍ ആവശ്യപ്പെട്ടിട്ടുണ്ട്. സര്‍ക്കാരിന്റെ മദ്യനയം സുപ്രീംകോടതി ശരിവച്ചതിന് പിന്നാലെയാണ് പ്രതാപന്റെ കത്ത്.
പഞ്ചനക്ഷത്ര ഹോട്ടലുകളില്‍ പ്രവര്‍ത്തിക്കുന്ന ജനതാ കൗണ്ടറുകള്‍ക്കെതിരേയും വി.വി.ഐ.പികള്‍ക്ക് മദ്യപിക്കാനായി അനുവദിച്ചിട്ടുള്ള ക്ലബ്ബ് ലൈസന്‍സുകള്‍ക്കെതിരേയും നടപടി വേണമെന്നും കത്തില്‍ പ്രതാപന്‍ ആവശ്യപ്പെട്ടു. എക്‌സൈസ് വകുപ്പിന്റെ കാര്യക്ഷമത വര്‍ദ്ധിപ്പിക്കാനുള്ള നിര്‍ദേശങ്ങളും കത്തില്‍ നിര്‍ദ്ദേശിച്ചിട്ടുണ്ട്.
മദ്യം വിളമ്പുന്ന ഫൈവ്സ്റ്റാര്‍ ഹോട്ടലുകളുടെ എണ്ണം 27 ആണ്. ക്ലബ്ബുകളുടെ എണ്ണമാകട്ടെ 33ഉം ആണെന്നും പ്രതാപന്‍ കത്തില്‍ പറയുന്നു. സര്‍ക്കാരിന്റെ മദ്യനയം സുപ്രീംകോടതി അംഗീകരിച്ച സാഹചര്യത്തില്‍ ക്ലബ്ബുകളുടെ ലൈസന്‍സ് പുതുക്കുന്നത് ശരിയല്ലെന്ന് കത്തില്‍ ചൂണ്ടിക്കാട്ടിയിട്ടുണ്ടെന്ന് പ്രതാപന്‍ പറഞ്ഞു.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha