മുല്ലപ്പെരിയാര്‍ ഡാം വിഷയത്തില്‍ കേരളത്തിനെതിരായി സമരം പ്രഖ്യാപിച്ച് തമിഴ് സംഘടനകള്‍ രംഗത്ത്. സമരത്തിന്റെ ഭാഗമായി കേരളത്തിലേയ്ക്കുള്ള വാഹനങ്ങള്‍ തടയുമെന്നും സംഘടനകള്‍ മുന്നറിയിപ്പ് നല്‍കിയിട്ടുണ്ട്. കുമളിക്ക് സമീപം ഗൂഡല്ലൂരിലാണ് സമരം.
മുല്ലപ്പെരിയാറില്‍ പുതിയ ഡാം വേണമെന്ന ആവശ്യവുമായി കേന്ദ്ര സര്‍ക്കാരിനെ സമീപിച്ച മുഖ്യമന്ത്രി ഉമ്മന്‍ചാണ്ടിക്കെതിരെ കോടതിയലക്ഷ്യ നടപടി എടുക്കണമെന്നതുള്‍പ്പെടെയുള്ള ആവശ്യങ്ങള്‍ ഉന്നയിച്ചാണ് സമരം. രാവിലെ പത്തിന് സമരം തുടങ്ങുമെന്നാണ് തമിഴ് സംഘടനകള്‍ അറിയിച്ചിരിക്കുന്നത്.

ഫേര്‍വേര്‍ഡ് ബ്ലോക്ക് . വിടുതലൈ ചിറുതൈ, തമിഴ്‌നാട് ദേശിയ ഇയക്കം , കേരളാ തമിഴര്‍ കൂട്ടമയ്പ്പ് തുടങ്ങിയ സംഘടനകളുടെ നേതൃത്വത്തിലാണ് സമരം പ്രഖ്യാപിച്ചിരിക്കുന്നത്. എന്നാല്‍ സമരം നടത്തുന്നതിന് തമിഴ്‌നാട് പോലീസ് അനുമതി നിഷേധിച്ചിട്ടുണ്ട്. അനുമതിയില്ലാതെ സമരം നടത്തിയാല്‍ അറസ്റ്റ് ചെയ്ത് നീക്കാനാണ് പോലീസിന്റെ തീരുമാനം. 27 ന് കേരളത്തിനെതിരെ സമരം നടത്തുന്നതിനുള്ള ഇവരുടെ ശ്രമം ഇരു സംസ്ഥാനങ്ങളിലേയും പോലീസിന്റെ നേതൃത്വത്തില്‍ പരാജയപ്പെടുത്തിയിരുന്നു.

കേരള രജിസ്‌ട്രേഷനുള്ള വാഹനങ്ങള്‍ തടഞ്ഞാല്‍ ഇരു സംസ്ഥാനങ്ങളും തമ്മില്‍ സംഘര്‍ഷമുണ്ടാകാന്‍ സാധ്യരയുണ്ടെന്ന ഇന്റലിജന്റ്‌സ് റിപ്പോര്‍ട്ടിനെ തുടര്‍ന്നാണ് സമരത്തിന് തമിഴ്‌നാട് പോലീസ് അനുമതി നല്‍കാത്തത്. സമരത്തിന് നേതൃത്വം നല്‍കുന്ന കേരള തമിഴര്‍ കൂട്ടുമൈപ്പ് എന്ന സംഘടനയുടെ നേതാവ് അന്‍വര്‍ ബാലസിങ്കത്തോട് സമര സ്ഥലത്ത് എത്തരുതെന്ന് പോലീസ് നിര്‍ദേശിച്ചിട്ടുണ്ട്.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha