ഹയര്‍സെക്കന്‍ഡറി അധ്യാപകരുടെ പൊതു സ്ഥലം മാറ്റത്തിനുള്ള കരട് പട്ടിക ഇന്ന് പ്രസിദ്ധീകരിക്കും. പരീക്ഷ അടുത്ത സമയത്തുള്ള സ്ഥലംമാറ്റം അപ്രായോഗികമെന്ന് അധ്യാപകരും തുഗ്‌ളക്ക് പരിഷ്‌ക്കാരമെന്ന് പ്രതിപക്ഷവും അഭിപ്രായപ്പെടുന്നു.

വര്‍ഷാവസാന പരീക്ഷക്ക് മുന്‍പ് അധ്യാപകരെ മാറ്റുന്നതിനെ കുറിച്ച് വ്യാപകമായ പരാതികളാണ് ഉയര്‍ന്നിട്ടുള്ളത്. സ്‌കൂളുകളിലെ ക്‌ളാസുകള്‍ അവസാനഘട്ടത്തിലാണ്. കൂടാതെ മോഡല്‍പരീക്ഷ, പ്രാക്ടിക്കലിന്റെ പൊതുപരീക്ഷ എന്നിവ ഫെബ്രുവരിയിലാണ്. ഇതിനിടയില്‍ അധ്യാപകരെ കൂട്ടത്തോടെ മാറ്റിയാല്‍ കുട്ടികളുടെ പഠനത്തെയും പരീക്ഷാ തയ്യാറെടുപ്പിനെയും അത് പ്രതികൂലമായി ബാധിക്കും. അധ്യാപകസംഘടനകളും കടുത്ത അതൃപ്തിയിലാണ്.

തദ്ദേശ തിരഞ്ഞെടുപ്പ് സമയത്ത് നടത്താനൊരുങ്ങിയ ഹയര്‍സെക്കഡറി അധ്യാപകരുടെ സ്ഥലംമാറ്റം തിരഞ്ഞെടുപ്പ് കമ്മിഷന്‍ ഇടപെട്ട് മരവിപ്പിക്കുകയായിരുന്നു. തുടര്‍ന്ന് പ്രശ്‌നം സംസ്ഥാന അഡ്മിനിസ്‌ട്രേറ്റീവ് െ്രെടബ്യൂണലിന്റെ മുന്നിലെത്തി. െ്രെടബ്യൂണല്‍ നിര്‍ദ്ദേശ പ്രകാരമാണ് ഇപ്പോഴത്തെ മാറ്റമെന്നാണ് വിദ്യാഭ്യാസ വകുപ്പിന്റെ വിശദികരണം

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha