മറ്റാരെക്കാളും പൊങ്കാലയിടാന്‍ കഴിവും ആര്‍ജവവുമുള്ളവരാണ് സഖാക്കള്‍. അവരുടെ പ്രിയ നേതാവിനെതിരെ ആരും ഒരിക്കലും പറയാത്ത ഭാഷ ഉപയോഗിച്ചാലോ. ഇതാണ് കൊടിക്കുന്നില്‍ സുരേഷ് എംപിയ്ക്കും സംഭവിച്ചത്.
സി.പി.എം പോളിറ്റ് ബ്യൂറോ അംഗം പിണറായി വിജയനെ അവഹേളിച്ച് പ്രസംഗിച്ച കൊടിക്കുന്നില്‍ സുരേഷ് എം.പിക്ക് മറുപടിയുമായി സി.പി.എം അനുഭാവികളും ട്രോള്‍ പേജുകളും രംഗത്തെത്തി. പിണറായി ഭീകരരൂപിയാണ് അദ്ദേഹത്തിന്റെ മുഖത്ത് നോക്കാന്‍ തന്നെ അറപ്പാകുന്നുവെന്നും കൊടിക്കുന്നില്‍ പ്രസംഗിച്ചിരുന്നു.
കൊട്ടാരക്കര തലച്ചിറയില്‍ കോണ്‍ഗ്രസ് സമ്മേളനത്തില്‍ പ്രസംഗിക്കവെയാണ് കൊടിക്കുന്നില്‍ ആക്ഷേപം ഉന്നയിച്ചത്.
ഇതിന് മറുപടിയായി ശാലു മേനോന്റെ ഒപ്പം ഇരിക്കുന്ന കൊടിക്കുന്നിലിന്റെ ചിത്രവും പറക്കും തളിക എന്ന ചിത്രത്തിലെ മെമെ ഉപയോഗിച്ചുള്ള ട്രോള്‍ പോസ്റ്റുകളും പ്രചരിക്കുന്നത്.
പിണറായിക്ക് പിന്തുണ പ്രഖ്യാപിച്ച് സംവിധായകന്‍ ആഷിക് അബുവും പോസ്റ്റിട്ടു. അതേസമയം വിഷയത്തില്‍ പിണറായി ഇതുവരെ പ്രതികരിച്ചിട്ടില്ല.
അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha