എട്ടാം ക്ലാസ് വിദ്യാര്ത്ഥിയുടെ മൃതദേഹം റെയില്വേ ട്രാക്കില്
തിരൂര് സെന്റ് തോമസ് ഹൈസ്ക്കൂളിലെ എട്ടാം ക്ലാസ് വിദ്യാര്ത്ഥി ശ്യാം കുമാര്(13)നെ മുളംകുന്നത്ത് കാവ് റെയില്വേ സ്റ്റേഷന് സമീപമുള്ള റെയില്വേ ട്രാക്കില് നിന്ന് മരിച്ച നിലയില് കണ്ടെത്തി. ഇന്നലെ ഉച്ചക്ക് ശേഷം വിദ്യാര്ത്ഥിയെ കാണാതായതിനെ തുടര്ന്ന് ബന്ധുക്കള് തരിച്ചില് ആരംഭിച്ചിരുന്നു.
മുളംകുന്നത്ത്കാവ് റെയില്വേസ്റ്റേഷന് സമീപം കുട്ടിയെ കണ്ടതായി വിവരം ലഭിച്ചുവെങ്കിലും രാത്രിവരെയുള്ള തിരച്ചിലില് ഒരു വിവരവും ലഭിച്ചിരുന്നില്ല. പിന്നീട് അര്ദ്ധരാത്രി ഒരുമണിയോടു കൂടിയാണ് രണ്ട് റെയില്വേ ട്രാക്കുകള്ക്കിടയിലായി മൃതദേഹം കണ്ടെത്തിയത്.
വൈകുന്നേരം സ്ക്കൂള് വിട്ട് വീട്ടിലെത്തിയതിന് ശേഷം ട്യൂഷനായി പോയ കുട്ടി തിരിച്ചുവരാഞ്ഞതിനെ തുടര്ന്നാണ് മാതാപിതാക്കളും ബന്ധുക്കളും തിരച്ചില് ആരംഭിച്ചത്. മുളംകുന്നത്ത് കാവ് കിഴക്കുട്ടയില് വീട്ടില് ജയകുമാറിന്റെയും ശാന്തയുടെയും മകനാണ് ശ്യാം കുമാര്.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha
