ഉമ്മന്ചാണ്ടി സ്ത്രീ വിരോധിയാണോയെന്ന് വൃന്ദ കാരാട്ട്
ഉമ്മന്ചാണ്ടി സര്ക്കാരിനെതിരെ സിപിഎം പോളിറ്റ് ബ്യൂറോ അംഗം വൃന്ദ കാരാട്ട്. സ്ത്രീ വിരോധികളാണോ ഉമ്മന്ചാണ്ടി സര്ക്കാരെന്നാണ് വൃന്ദ കാരാട്ട് ചോദിക്കുന്നത്. സ്ത്രീ വിരോധത്തിന്റെ മുഖമായി കോണ്ഗ്രസ് മാറിയെന്നും വൃന്ദ കുറ്റപ്പെടുത്തി. കേരളത്തില് നടന്ന സൂര്യനെല്ലി സംഭവം വീണ്ടും ആവര്ത്തിക്കുകയാണ്. കേസില് ഉള്പ്പെടുന്ന നേതാക്കളെ സര്ക്കാര് രക്ഷിക്കാന് നോക്കുകയാണെന്നും വൃന്ദ ആരോപിക്കുന്നു. വനിതാ സംവരണം ഇല്ലാതാക്കാനാണ് സര്ക്കാര് ശ്രമിക്കുന്നതെന്നും വൃന്ദ പറയുന്നു.
പാര്ലമെന്റില് മൂന്നില് ഒന്ന് വനിതാ സംവരണമാക്കണമെന്നും വൃന്ദ കാരാട്ട് വ്യക്കമാക്കി. കൊച്ചിയില് നടന്ന വനിതാ പാര്ലമെന്റില് സംസാരിക്കുകയായിരുന്നു അവര്. സ്ത്രീകള് നേരിടുന്ന വെല്ലുവിളികള്, സ്ത്രീ വിരുദ്ധമായ കാര്യങ്ങള് എന്നിവയെക്കുറിച്ചും വൃന്ദ സംസാരിച്ചു.
സ്ത്രീ വിരുദ്ധമായ നയങ്ങള്ക്ക് ബദല് നയരേഖ രൂപീകരിക്കുന്നതിന് ജനാധിപത്യ മഹിളാ അസോസിയേഷന്റെ സംസ്ഥാന കമ്മിറ്റിയാണ് കൊച്ചിയില് വനിതാ പാര്ലമെന്റ് സംഘടിപ്പിച്ചത്. ഒട്ടേറെ സ്ത്രീകള് പാര്ലമെന്റില് പങ്കെടുത്തു. പാര്ലമെന്റ് വൃന്ദ കാരാട്ടാണ് ഉദ്ഘാടനം ചെയ്തത്. പല മേഖലകളിലും വ്യക്തിമുദ്ര പതിപ്പിച്ച സ്ത്രീകളെ ചടങ്ങില് ആദരിക്കുകയും ചെയ്തു.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha
