സോഷ്യല്‍ മീഡിയയിലൂടെ തന്നെ വിമര്‍ശിച്ചവര്‍ക്കെതിരെ മന്ത്രി തിരുവഞ്ചൂര്‍ രാധാകൃഷ്ണന്‍. ഉച്ചാരണപ്പിശകിന്റെ പേരില്‍ തന്നെ സമൂഹ മാധ്യമങ്ങളില്‍ വിമര്‍ശിക്കുന്നവര്‍ മറ്റുള്ളവരെ ദ്രോഹിച്ച് ആനന്ദം കണ്ടെത്തുന്ന സാഡിസ്റ്റുകളെന്ന് തിരുവഞ്ചൂര്‍ പറഞ്ഞു. ഉച്ചാരണത്തിലുള്ള പിഴവു മാത്രമാണ് തനിക്കെതിരെ ഉന്നയിക്കാനുള്ളതെന്ന് ഇത്തരം വിമര്‍ശനങ്ങള്‍ തെളിയിക്കുന്നു. ഉച്ചാരണ പിശകിന്റെ പേരില്‍ തന്നെ കളിയാക്കുന്നവര്‍ സ്വയം പിശകു വരുത്താതിരിക്കാന്‍ ശ്രദ്ധിക്കണമെന്നും തിരുവഞ്ചൂര്‍ പറഞ്ഞു.
വരുന്ന നിയമസഭാ തിരഞ്ഞെടുപ്പിലും കോണ്‍ഗ്രസിനെ മുഖ്യമന്ത്രി ഉമ്മന്‍ ചാണ്ടി നയിക്കണമെന്ന് മന്ത്രി തിരുവഞ്ചൂര്‍ രാധാകൃഷ്ണന്‍ അഭിപ്രായപ്പെട്ടു. ഉമ്മന്‍ ചാണ്ടി സര്‍ക്കാരിനു ഇനിയും ഒരു പാടു കാര്യങ്ങള്‍ ചെയ്യാനുണ്ടെന്നും ഇപ്പോഴത്തെ നേതൃത്വത്തെ ദുര്‍ബലപ്പെടുത്തുന്ന നേതൃമാറ്റചര്‍ച്ചകള്‍ അനവസരത്തിലാണെന്നും തിരുവഞ്ചൂര്‍ രാധാകൃഷ്ണന്‍ പറഞ്ഞു.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha