എക്‌സൈസ് വകുപ്പുമന്ത്രി സ്ഥാനം രാജി വച്ച ശേഷം പാവാട എന്ന പൃഥ്വിരാജ് സിനിമ കാണാന്‍ തീരുമാനിച്ച കെ ബാബു പിന്നീട് തീരുമാനം മാറ്റിയതെന്തുകൊണ്ട്?
പാവാട കാണാന്‍ കുടുംബസമേതം തിയേറ്ററിലെത്തിയ കെ ബാബു മാധ്യമപ്രവര്‍ത്തകരുടെ വന്‍നിര കണ്ടപ്പോഴാണ് ടുകണ്‍ട്രീസ് കാണാന്‍ തീരുമാനിച്ചത്. സിനിമ നേരത്തെ നിശ്ചയിച്ചുറപ്പിച്ച കാര്യമായിരുന്നു. പാവാട കണ്ട ശേഷം സിനിമയ്‌ക്കെതിരെ തന്റെ ഫേസ്ബുക്കില്‍ പോസ്റ്റിടാനും മന്ത്രി തീരുമാനിച്ചിരുന്നു. പാവാടയില്‍ പൃഥ്വിരാജ് ഒരു മദ്യപാനിയുടെ വേഷമാണ് അവതരിപ്പിക്കുന്നത്. പൃഥ്വിരാജിനെ പോലെ അനുഗ്രഹീതനായ ഒരു താരം ഇത്രയും അധ:പതിക്കരുതെന്ന് ഫേസ്ബുക്ക് പോസ്റ്റിടിനായിരുന്നു തീരുമാനം.
എന്നാല്‍ കണ്ടുകണ്ടിരിക്കും മനുഷ്യനെ കാണാതിരിക്കുന്നതും ഭവാന്‍ എന്ന പഴഞ്ചൊല്ല് അന്വര്‍ത്ഥമാക്കി കൊണ്ട് ബാബുവിന്റെ ജോലി പൊടുന്നനെ തെറിച്ചു. സിനിമയ്ക്കുള്ള ടിക്കറ്റ് റദ്ദാക്കിയാല്‍ അത് വാര്‍ത്തയാകുമെന്ന് ഭയന്ന കെ ബാബു സിനിമ കാണാന്‍ തന്നെ തീരുമാനിച്ചു. എന്നാല്‍ മദ്യമന്ത്രി സ്ഥാനം രാജി വച്ച ഒരാള്‍ മദ്യം അടിച്ച് ജീവിതം കഴിക്കുന്ന ഒരാളുടെ കഥ കാണാന്‍ പോയാല്‍ മോശമാകുമെന്ന് ചിലര്‍ ഉപദേശിച്ചു. ബാബു സിനിമ കാണാന്‍ വരുന്നുണ്ടെന്ന വാര്‍ത്ത ഇതിനിടയില്‍ ചോരുകയും ചെയ്തു. അങ്ങനെയാണ് അദ്ദേഹം തീരുമാനം മാറ്റിയത്. പാവാട ഒരാഴ്ച കഴിഞ്ഞ് രഹസ്യമായി കാണാമെന്നാണ് ബാബുവിന്റെ തീരുമാനം.
കെ ബാബുവിനെ സംബന്ധിച്ചിടത്തോളം മന്ത്രി സ്ഥാനത്ത് നിന്നുള്ള രാജി വല്ലാത്ത പ്രഹരമായിപോയി. ഇതുവരെയും അദ്ദേഹം സമനിലയിലെത്തി ചേര്‍ന്നിട്ടില്ല. മാണി രാജി വയക്കുമ്പോള്‍ ഉപ്പു തിന്നവന്‍ വെള്ളം കുടിക്കുമെന്ന പറഞ്ഞ ബാബു രാജി വച്ചപ്പോള്‍ മാണിയാകട്ടെ നിശ്ശബ്ദത വായിക്കുകയും ചെയ്തു.
കെ എം മാണിയുടെ രാജിയിലേക്ക് വഴിതെളിച്ച സംഭവങ്ങള്‍ കെ ബാബുവിന്റെ ഇടപെടല്‍ കാരണമുണ്ടായതാണെന്നാണ് തിരുവനന്തപുരത്തെ വര്‍ത്തമാനം.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha