മദ്യനയത്തില്‍ അടുത്ത സര്‍ക്കാരിനു വേണമെങ്കില്‍ മാറ്റം വരുത്താമെന്ന് സിപിഎം പൊളിറ്റ് ബ്യൂറോ അംഗം പിണറായി വിജയന്‍. എല്‍ഡിഎഫ് അധികാരത്തില്‍ വന്നാല്‍ മാറ്റം വേണോയെന്ന് അപ്പോള്‍ ആലോചിക്കും. നവകേരള മാര്‍ച്ച് പെരിന്തല്‍മണ്ണയില്‍ എത്തിയപ്പോള്‍ സംസാരിക്കുകയായിരുന്നു അദ്ദേഹം.
ദേശീയപാത 60 മീറ്റര്‍ വീതിയില്‍ വേണമെന്നാണ് സിപിഎമ്മിന്റെ നിലപാട്. എന്നാല്‍ കേരളത്തിലെ സാഹചര്യത്തില്‍ 45 മീറ്റര്‍ വീതിയില്‍ പാത നടപ്പാക്കണം. ഗെയില്‍ പൈപ്പ് ലൈന്‍ പദ്ധതി നടപ്പാക്കണമെന്നും സ്ഥലം നല്‍കുന്നവര്‍ക്ക് അര്‍ഹമായ നഷ്ടപരിഹാരം ഉറപ്പാക്കണമെന്നും പിണറായി വിജയന്‍ പറഞ്ഞു.
ലാവ്‌ലിന്‍ കേസ് പൊതുജനങ്ങള്‍ക്കു മുന്നില്‍ അഴിമതിക്കഥ അല്ലാതായി മാറിയെന്ന് സിപിഐ സംസ്ഥാന സെക്രട്ടറി കാനം രാജേന്ദ്രന്‍ പറഞ്ഞു. നിയമസഭാ തിരഞ്ഞെടുപ്പില്‍ പിണറായി വിജയന്‍ മല്‍സരിക്കുമോയെന്ന് കോടിയേരി ബാലകൃഷ്ണനോടു ചോദിക്കണം. ജനപ്രാതിനിധ്യനിയമമാണ് ധാര്‍മികതയേക്കാള്‍ തിരഞ്ഞെടുപ്പില്‍ പ്രധാനമെന്നും കാനം രാജേന്ദ്രന്‍ പറഞ്ഞു.
നേരത്തെ, ഇപ്പോഴത്തെ മദ്യനയത്തില്‍ അപാകതയുണ്ടെന്നും പുനഃപരിശോധിക്കാന്‍ സാധ്യതയുണ്ടെന്നും സിപിഐ സംസ്ഥാന സെക്രട്ടറി കാനം രാജേന്ദ്രനും അഭിപ്രായപ്പെട്ടിരുന്നു.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha