സോളാര്‍ തട്ടിപ്പിനെ കുറിച്ച് സി.ബി.ഐ അന്വേഷണം നടത്തണമെന്ന് ബി.ജെ.പി സംസ്ഥാന പ്രസിഡന്റ് കുമ്മനം രാജശേഖരന്‍ ആവശ്യപ്പെട്ടു. സോളാര്‍ കേസിലെ പ്രതി സരിത എസ്.നായരുടെ ഇപ്പോഴത്തെ വെളിപ്പെടുത്തലിലൂടെ പുറത്ത് വരുന്നത് സംസ്ഥാന പൊലീസിന്റെ അന്വേഷണം തൃപ്തികരമല്ലെന്നാണ് എന്നും വിമോചനയാത്രയുടെ ഭാഗമായി മലപ്പുറത്ത് മാദ്ധ്യമങ്ങളോട് സംസാരിക്കവെ അദ്ദേഹം വ്യക്തമാക്കി.

സോളാര്‍ കേസില്‍ ഉന്നത രാഷ്ട്രീയ നേതാക്കളുടെ പങ്കുകള്‍ ഒന്നൊന്നായി പുറത്തു വരികയാണ്. ഭരണത്തിലുള്ളവര്‍ തന്നെ ആരോപണ വിധേയരായ സാഹചര്യത്തില്‍ ആഭ്യന്തര അന്വേഷണം നടത്തുന്നിലൂടെ സത്യം പുറത്തു വരില്ല. അതിനാലാണ് സി.ബി.ഐ അന്വേഷണം ആവശ്യപ്പെടുന്നത്. ബാര്‍ കോഴ അഴിമതി ഉമ്മന്‍ചാണ്ടി മന്ത്രിസഭയിലെ രണ്ടു മന്ത്രിമാരുടെ സ്ഥാനം തെറിപ്പിച്ചു. ഇപ്പോഴിതാ സോളാര്‍ ആരോപണത്തിന്റെ നിഴലില്‍ മുഖ്യമന്ത്രി ഉമ്മന്‍ചാണ്ടിയേയും മറ്റൊരു മുതിര്‍ന്ന മന്ത്രിയേയും പ്രതിക്കൂട്ടിലാക്കിയിരിക്കുന്നുവെന്നും കുമ്മനം പറഞ്ഞു.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha