ഇറക്കുമതി തീരുവ വര്ദ്ധിപ്പിച്ചു; പഞ്ചസാരക്ക് വില ഉയര്ന്നു
ഇറക്കുമതി തീരുവ വര്ധിപ്പിച്ചതോടെ പഞ്ചസാരക്ക് വില ഉയര്ന്നു. 105 ശതമാനത്തോളമാണ് തീരുവ വര്ദ്ധിപ്പിച്ചത്. ക്വിന്റലിന് തീരുവ 95 രൂപയായിരുന്നത് 195 രൂപയായി കൂടി. ഇതോടെ ക്വിന്റലിന് 3120 രൂപ വിലയുണ്ടായിരുന്നത് 3270 രൂപയായി. മൊത്ത വില്പന കേന്ദ്രത്തില് പഞ്ചസാരയുടെ വില കിലോക്ക് ഒരു രൂപ മുതലാണ് വര്ധന ഉണ്ടായത്. ഗ്രാമങ്ങളിലെ ചില്ലറ വില്പന കേന്ദ്രങ്ങളില് അഞ്ചു രൂപയോളം വില വര്ധിക്കും. അതായത്, കിലോക്ക് 32 രൂപയായിരുന്നത് ചില്ലറ വില്പനകേന്ദ്രത്തില് 35 മുതല് 37 രൂപ വരെയാകും.
പഞ്ചസാര ഉപയോഗിച്ച് നിര്മിക്കുന്ന ബേക്കറി അടക്കമുള്ള ഉല്പന്നങ്ങളുടെ വിലയും കുത്തനെ ഉയരും. കാലങ്ങളായി കരിമ്പുകര്ഷകരുടെ ഭാഗത്തുനിന്നുള്ള ആവശ്യപ്രകാരമാണ് തീരുവ വര്ധിപ്പിച്ചതെന്നാണ് കേന്ദ്രസര്ക്കാറിന്റെ വിശദീകരണം. ലോകതലത്തില് പഞ്ചസാരയുടെ ഉല്പാദനം കുറയുമ്പോഴും ഇന്ത്യയില് പഞ്ചസാര ഉല്പാദനം വര്ധിച്ചതും ഇതു കാരണം ഇന്ത്യന് കര്ഷകരുടെ ഉല്പന്നം അന്താരാഷ്ട്ര മാര്ക്കറ്റില് വില്ക്കപ്പെടാത്ത സ്ഥിതി വന്നതുമാണ് പ്രശ്നത്തിന്റെ കാതല്.
ഇറക്കുമതി ചെയ്യുന്ന പഞ്ചസാരക്ക് ഇന്ത്യയുടേതിനെക്കാള് വില കുറവായതിനാല് ഇന്ത്യയിലെ പഞ്ചസാര കെട്ടിക്കിടക്കാന് ഇടയാക്കി. ഇതോടെയാണ് ഇറക്കുമതി തീരുവ വര്ധിപ്പിക്കണമെന്ന ആവശ്യം കര്ഷകരും മില്ലുടമകളും ശക്തമാക്കിയത്.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha
