ജോസ് തെറ്റയിലിനെതിരായ അശ്ലീല വീഡിയോക്ക് പിന്നിലും മുഖ്യമന്ത്രി ഉമ്മന്ചാണ്ടി
ജോസ് തെറ്റയില് എം.എല്.എയ്ക്ക് എതിരായ അശ്ലീല വീഡിയോ പുറത്തുവന്നതിന്റെ പിന്നില് പ്രവര്ത്തിച്ചതും മുഖ്യമന്ത്രി ഉമ്മന്ചാണ്ടിയെന്ന് റിപ്പോര്ട്ട്. വീഡിയോയില് ഉള്പ്പെട്ട യുവതിയാണ് ഇത്തരമൊരു വെളിപ്പെടുത്തലുമായി രംഗത്തെത്തിയിരിക്കുന്നത്. സോളാര് കേസ് കൊടുമ്പിരി കൊണ്ടിരുന്ന സമയത്താണ് ഈ സിഡി പുറത്തുവന്നതെന്നും സിഡി പുറത്ത് വിടാന് ഉമ്മന്ചാണ്ടിയാണ് താത്പര്യം കാട്ടിയതെന്നും കൈരളി ചാനല് പുറത്തുവിട്ട സംഭാഷണത്തില് യുവതി പറയുന്നു
സോളാര് കേസില് നിന്നും ജനശ്രദ്ധ തിരിക്കാന് ഉമ്മന്ചാണ്ടിയുടെ ബുദ്ധിയില് ഉദിച്ച മാര്ഗ്ഗമായിരുന്നു തെറ്റയിലിന്റെ സിഡിയെന്നും മുപ്പതു ലക്ഷത്തോളം രൂപ സിഡിയുടെ പേരില് പലരും വാങ്ങിയിട്ടുണ്ടെന്നും യുവതി വ്യക്തമാക്കുന്നു. ഉമ്മന്ചാണ്ടിയുടെ വിശ്വസ്തനായ ബെന്നി ബെഹന്നാന് എം.എല്.എ താനുമായി ഒരു ഡീല് ഉണ്ടാക്കുകയായിരുന്നു. എന്നാല്, ഈ ഡീലില് തനിക്ക് കൊടുക്കല് മാത്രമേ ഉണ്ടായിട്ടുള്ളൂ എന്നും വാങ്ങല് ഉണ്ടായിട്ടില്ലെന്നും യുവതി പറയുന്നു.
സംഭവത്തില് വന് സാമ്പത്തിക ഇടപാടും രാഷ്ട്രീയ ഗൂഢാലോചനയും നടന്നിട്ടുണ്ടെന്നും നിരവധി മന്ത്രിമാര്ക്കും നേതാക്കള്ക്കും ഇതില് പങ്കുണ്ടെന്നും യുവതി പറഞ്ഞു. അടുത്ത തെരഞ്ഞെടുപ്പില് നാമിര്ദേശപത്രിക കൊടുക്കേണ്ടതിന്റെ പിറ്റേ ദിവസം തന്നെ കബളിപ്പിച്ച നേതാക്കളുടെയെല്ലാം പേരുകള് വെളിപ്പെടുത്തുമെന്നും താന് സിഡി പുറത്തുവിട്ടതിലൂടെ നേട്ടമുണ്ടായപ്പോള് ഉമ്മന്ചാണ്ടിയും അദ്ദേഹത്തിനു വേണ്ടി സംസാരിച്ചവരും സഹായിക്കുമെന്നു പ്രതീക്ഷയുണ്ടായിരുന്നെന്നും യുവതി പറഞ്ഞു.
എ.പി അബ്ദുള്ളക്കുട്ടിയ്ക്ക് എതിരെ താന് പരാതി നല്കിയതിനു പിന്നില് മുഖ്യമന്ത്രിയാണെന്ന സരിതയുടെ വെളിപ്പെടുത്തലിന് പിന്നാലെയാണ് ജോസ് തെറ്റയില് എം.എല്.എയ്ക്കെതിരെ പ്രവര്ത്തിച്ചതും മുഖ്യമന്ത്രിയാണെന്ന വെളിപ്പെടുത്തല് വന്നിരിക്കുന്നത്.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha
