നടന്‍ ജയസൂര്യ കായല്‍ കയ്യേറിയെന്ന പരാതിയില്‍ റവന്യൂ വകുപ്പ് നടപടി തുടങ്ങി. ജയസൂര്യയുടെ വീടിരിക്കുന്ന ഭൂമി റവന്യു ഉദ്യോഗസ്ഥര്‍ അളന്നു തിട്ടപ്പെടുത്തി. കൊച്ചി ചിലവന്നൂരില്‍ കായലിന് സമീപമുള്ള സ്ഥലത്ത് ജയസൂര്യ അനധികൃതമായി ബോട്ട് ജെട്ടിയും ചുറ്റുമതിലും നിര്‍മിച്ചതായാണ് പരാതി. തൃശൂര്‍ വിജിലന്‍സ് കോടതി ഉത്തരവിനെ തുടര്‍ന്നാണ് റവന്യൂ വകുപ്പ് പരിശോധന നടപടികള്‍ ആരംഭിച്ചത്. ഈ വിഷയത്തില്‍ സ്വീകരിച്ച നടപടികള്‍ ജനുവരി ആറിനകം അറിയിക്കണമെന്ന് കൊച്ചി കോര്‍പ്പറേഷന്‍ സെക്രട്ടറിയോട് നേരത്തെ കോടതി ആവശ്യപ്പെട്ടിരുന്നു.
പൊതുപ്രവര്‍ത്തകന്‍ ഗിരീഷ് ബാബുവാണ് ജയസൂര്യക്കെതിരെ പരാതി നല്‍കിയത്. തീരദേശ പരിപാലന സംരക്ഷണ നിയമവും മുന്‍സിപ്പല്‍ കെട്ടിട നിര്‍മാണ ചട്ടവും ലംഘിച്ചാണ് ജയസൂര്യ ചിലവന്നൂരിലെ വീട് നിര്‍മിച്ചതെന്നാണ് പരാതി. സ്ഥലം പരിശോധിച്ച കോര്‍പ്പറേഷന്‍ ബില്‍ഡിങ് ഇന്‍സ്‌പെക്ടര്‍ പരാതിയില്‍ കഴമ്പുണ്ടെന്ന് റിപ്പോര്‍ട്ട് നല്‍കിയിരുന്നു. 2014ല്‍ അനധികൃത നിര്‍മാണം പൊളിച്ചു നീക്കണമെന്ന് കോര്‍പ്പറേഷന്‍ ഉത്തരവിട്ടിരുന്നു. തുടര്‍ന്ന് നടപടി ഉണ്ടാകാത്തതിനാല്‍ പരാതിക്കാരന്‍ വിജിലന്‍സ് കോടതിയെ സമീപിക്കുകയായിരുന്നു.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha