താന്‍ നേരിട്ട ലൈംഗികചൂഷണങ്ങളുടെ വിവരങ്ങളുമായി സരിത നായര്‍ ഇന്ന് സോളര്‍ കമ്മിഷനിലെത്തും. ഇന്ന് പതിനൊന്ന് മണിക്കാണ് സരിത സോളാര്‍ കമ്മീഷനു മുന്നിലെത്തുക. എന്നാല്‍ സരിതയെ തടയാനായി ബന്ധമുള്ള പല മാന്യന്‍മാരും ശ്രമിക്കുന്നതായാണ് റിപ്പോര്‍ട്ട്. എന്നാല്‍ സോളര്‍ കമ്മിഷന്‍ ആവശ്യപ്പെട്ടതുപ്രകാരം മുദ്രവച്ച കവറിലാകും സരിത തന്നെ ചൂഷണം ചെയ്തവരുടെ പേര് നല്‍കുക.
ഇടപാടുകളുമായി ബന്ധപ്പെട്ട മറ്റ് രേഖകളും കൈമാറുമെന്നാണ് സരിത കമ്മിഷനെ അറിയിച്ചിരിക്കുന്നത്. വാഗ്ദാനം ചെയ്ത സഹായമൊന്നും കോണ്‍ഗ്രസ് നേതാക്കള്‍ നല്‍കിയില്ല എന്ന് പരാതിപ്പെട്ടാണ് കഴിഞ്ഞയാഴ്ച മുതല്‍ കടുത്ത ആരോപണങ്ങളുമായി സരിത നായര്‍ രംഗത്തെത്തിയത്.
ആദ്യം ഉന്നയിച്ച കോഴയാരോപണങ്ങള്‍ക്ക് പിന്നാലെയാണ് ലൈംഗീക ചൂഷണം നേരിട്ട കാര്യങ്ങളും സരിത കമ്മിഷനെ അറിയിച്ച്. എന്നാലിതിന്റെ വിശദാംശങ്ങള്‍ വെളിപ്പെടുത്താന്‍ താല്‍പര്യമില്ലെന്ന് സരിത അറിയിച്ചതിനെ തുടര്‍ന്ന് എഴുതിനല്‍കാന്‍ കമ്മിഷന്‍ നിര്‍ദ്ദേശിക്കുകയായിരുന്നു.
സരിതയുമായി ഉന്നതരടക്കം പലരും ബന്ധപ്പെട്ടതായി വാര്‍ത്തകള്‍ പുറത്ത് വന്നിരുന്നു. എന്നാല്‍ സോളാര്‍ കമ്മീഷനുമുന്നില്‍ സരിത സര്‍ക്കാരിനെതിരെ ആഞ്ഞടിച്ചതോടെയാണ് ഇവരുടെ തലകള്‍ കുരുങ്ങാന്‍ തുടങ്ങിയത്. എന്നാല്‍ കൂടുതല്‍ വെളിപ്പെടുത്തലുകളുമായി സരിത മുന്നോട്ട് പോയാല്‍ സരിത കള്ളം പറഞ്ഞ് തട്ടിപ്പുി നടത്തുന്നതാണെന്ന് വാദിച്ച് രക്ഷപ്പെടാനാണ് മാന്യന്‍മാരുടെ നീക്കം. മാത്രമല്ല പലതും വീഡിയോയില്‍ റെക്കോഡ് ചെയ്തിട്ടുണ്ടെന്നുള്ളതും ഇവരുടെ ഉറക്കം കെടുത്തുന്നു.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha