ഷാന് ജോണ്സന്റെ സംസ്കാരം ഇന്ന് തൃശൂരില്
ചെന്നൈയില് കഴിഞ്ഞ ദിവസം അന്തരിച്ച സംഗീതസംവിധായകന് ജോണ്സന് മാഷിന്റെ മകള് ഷാന് ജോണ്സന്റെ മൃതദേഹം സ്വദേശമായ തൃശൂരിലെ വീട്ടിലെത്തിച്ചു. രാവിലെ 10 മുതല് പൊതുദര്ശനത്തിന് വെച്ച ശേഷം ഉച്ചക്ക് 2.30ന് നെല്ലിക്കുന്ന സെന്റ് സെബാസ്റ്റ്യന്സ് പള്ളിയില് സംസ്കരിക്കും. ഇന്നലെ ചെന്നൈയിലെ റോയ്പേട്ട ജനറല് ആശുപത്രിയില് പോസ്റ്റ്മോര്ട്ടത്തിന് ശേഷമാണ് മൃതദേഹം നാട്ടിലേക്ക് കൊണ്ടുവന്നത്.
കഴിഞ്ഞ വെളളിയാഴ്ചയാണ് കോടമ്പാക്കത്തെ ഫ്ലാറ്റില് ഷാനിനെ മരിച്ച നിലയില് കണ്ടെത്തിയത്. പോസ്റ്റ്മോര്ട്ടം റിപ്പോര്ട്ട് ലഭിച്ചശേഷമേ മരണകാരണം വ്യക്തമാകൂ.
2011 ഓഗസ്റ്റിലായിരുന്നു മലയാളികളുടെ പ്രിയ സംഗീസംവിധായകന് ജോണ്സന് മാഷിന്റെ മരണം. തൊട്ടടുത്ത വര്ഷം ഫെബ്രുവരിയില് മകന് റെന് ജോണ്സന് ഒരു വാഹനാപകടത്തില് മരിച്ചു. ഷാനിന്റെ അപ്രതീക്ഷിത വേര്പാടിന്റെ നടുക്കത്തിലാണ് ബന്ധുക്കളും സുഹൃത്തുക്കളും ആരാധകരുമെല്ലാം.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha
