ഇസ്ലാമിന്റെ യഥാര്ഥ പാരമ്പര്യം നിലനിര്ത്തിയത് സമസ്ത: സയ്യിദ് ഹമീദലി ശിഹാബ് തങ്ങള്
ഇസ്ലാമിന്റെ യഥാര്ഥപാരമ്പര്യം നിലനിര്ത്തിയതു സമസ്തയാണെന്നും എക്കാലത്തും നിസ്വാര്ഥരായ നേതൃത്വമാണ് സമസ്തയുടെ അജയ്യതയെന്നും എസ്.കെ.എസ്.എസ്.എഫ്. സംസ്ഥാനപ്രസിഡന്റ് പാണക്കാട് സയ്യിദ് ഹമീദലി ശിഹാബ് തങ്ങള് പാണക്കാട് പറഞ്ഞു.
സമസ്ത കേരള ജംഇയ്യത്തുല് ഉലമയുടെ 90ാം വാര്ഷികസമ്മേളനത്തിന്റെ ഭാഗമായുള്ള ക്യാമ്പ് ആലപ്പുഴ ഇ.എം.എസ്. സ്റ്റേഡിയത്തില് ഉദ്ഘാടനംചെയ്യുകയായിരുന്നു അദ്ദേഹം.
അറിവിന്റെ പുതിയ അനുഭവങ്ങള് പകര്ന്നു നല്കുന്ന വൈവിധ്യമാര്ന്ന പഠനചര്ച്ചകള്ക്കാണ് വാര്ഷികസമ്മേളനത്തില് തുടക്കം കുറിക്കുന്നതെന്ന് അദ്ദേഹം പറഞ്ഞു.
സമസ്ത കേരള ജംഇയ്യത്തുല് ഉലമയുടെ സെക്രട്ടറി ശൈഖുല് ജാമിഅ കെ. ആലിക്കുട്ടി മുസ്ലിയാര് അധ്യക്ഷത വഹിച്ചു. എ.എം. നൗഷാദ് ബാഖവി ഉദ്ബോധനപ്രഭാഷണവും കൊടക് അബ്ദുറഹ്മാന് മുസ്ലിയാര് ആമുഖപ്രഭാഷണവും നടത്തി. സമസ്ത കേന്ദ്ര മുശാവറ അംഗം കുട്ടി മുസ്ലിയാര് പ്രാര്ഥന നിര്വഹിച്ചു.
സയ്യിദ് ജിഫ്രി മുത്തുകോയതങ്ങള്, കോട്ടുമല ബാപ്പു മുസ്ലിയാര്, ത്വാഖ അഹ്മദ് മൗലവി, ഹംസ ബാഫഖി തങ്ങള് എന്നിവര് സംബന്ധിച്ചു. മുസ്ലിം ലീഗ് ദേശീയ സെക്രട്ടറി എം.പി. അബ്ദുസമദ് സമദാനി, സംസ്ഥാന സെക്രട്ടറി കെ.പി.എ. മജീദ്, എം.എല് എമാരായ ടി.എ. അഹ്മദ് കബീര്, അഡ്വ. എന്. ഉമ്മര്, പി.കെ. ബഷീര്, കെ.എന്.എ. ഖാദര് എന്നിവര് പ്രസംഗിച്ചു.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha
