സഹോദരങ്ങള്‍ കളിക്കുന്നതിനിടെ സാരി കൊണ്ടുള്ള തൊട്ടിലില്‍ കഴുത്തു കുരുങ്ങി ബാലന് ദാരുണാന്ത്യം. കട്ടപ്പനയിലാണ് സംഭവം. പുറ്റടി മക്കോറയില്‍ സോണി ഐബി ദമ്പതികളുടെ മകന്‍ ജിം(ഒന്‍പത്)ആണു മരിച്ചത്. ഇന്നലെ ഉച്ചയോടെയായിരുന്നു അപകടം. മാതാപിതാക്കള്‍ പുല്ല് അരിയാന്‍ പോയ സമയത്ത് സഹോദരങ്ങള്‍ക്കൊപ്പം കളിക്കവേ ബാലന്‍ തൊട്ടിലില്‍ കുരുങ്ങുകയായിരുന്നു.
അപകടത്തില്‍പെട്ട നിലയില്‍ കണ്ടെത്തിയ കുട്ടിയെ ഉടന്‍തന്നെ പുറ്റടി ഗവ. ആശുപത്രിയില്‍ പ്രവേശിപ്പിച്ചെങ്കിലും ജീവന്‍ രക്ഷിക്കാനായില്ല. കൊച്ചറ സെവന്‍ത് ഡേ സ്‌കൂളിലെ മൂന്നാംക്ലാസ് വിദ്യാര്‍ത്ഥിയാണ്. സംസ്‌കാരം ഇന്ന് ഉച്ചകഴിഞ്ഞ് രണ്ടിന് മേനോന്മേട് ജപമാല രാജ്ഞി ക്‌നാനായ കത്തോലിക്ക പള്ളിയില്‍. സോണ്‍സ്, അലക്‌സി, ആനി എന്നിവര്‍ സഹോദരങ്ങളാണ്.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha