പൊലീസ് സര്വകലാശാലയുടെ വിസിറ്ററായി മുഖ്യമന്ത്രിയെയും ചാന്സലറായി ആഭ്യന്തരമന്ത്രിയെയും നിയോഗിക്കാനുള്ള കരടു ബില് സര്ക്കാര് തയ്യാറാക്കി
പൊലീസ് സര്വകലാശാലയുടെ വിസിറ്ററായി മുഖ്യമന്ത്രിയെയും ചാന്സലറായി ആഭ്യന്തര മന്ത്രിയെയും നിയോഗിക്കാന് വ്യവസ്ഥ ചെയ്യുന്ന കരടു ബില് സര്ക്കാര് തയ്യാറാക്കി. കേരളത്തിലെ മറ്റു സര്വകലാശാലകളുടെ ചാന്സലര് ഗവര്ണറാണ്. മുഖ്യമന്ത്രി തന്നെ ആഭ്യന്തര വകുപ്പും കൈകാര്യം ചെയ്യുകയാണെങ്കില് വിസിറ്ററിന്റെയും ചാന്സലറിന്റെയും ചുമതല ഒരുമിച്ചു വഹിക്കും. അല്ലെങ്കില് ചാന്സലറുടെ ഉപദേശപ്രകാരം വിസിറ്റര് സ്ഥാനത്തേക്കു സര്വകലാശാലയുടെ ബോര്ഡ് ഓഫ് മാനേജ്മെന്റ് ഗവര്ണറെ ക്ഷണിക്കണം. നാഷനല് യൂണിവേഴ്സിറ്റി ഫോര് പൊലീസ് സയന്സസ് ആന്ഡ് സെക്യൂരിറ്റി സ്റ്റഡീസ്, കേരള കരടു ബില് ഇപ്പോള് ആഭ്യന്തര വകുപ്പ്, നിയമവകുപ്പിന്റെ പരിശോധനയ്ക്ക് അയച്ചിരിക്കുകയാണ്.
വിസിറ്ററുടെയും ചാന്സലറുടെയും കീഴിലായിരിക്കും വൈസ് ചാന്സലര്. ബിരുദദാന ചടങ്ങില് ആധ്യക്ഷ്യം വഹിച്ചു ബിരുദം നല്കുക എന്നതാണു വിസിറ്റര് പദവി വഹിക്കുന്ന മുഖ്യമന്ത്രിയുടെ പ്രധാന ചുമതല. അദ്ദേഹത്തിന്റെ അസാന്നിധ്യത്തില് ചാന്സലറിന് (ഇവിടെ ആഭ്യന്തര മന്ത്രി) ഇതു നിര്വഹിക്കാം. സര്വകലാശാലാ സ്ഥാപനങ്ങളിലും പരീക്ഷാകേന്ദ്രങ്ങളിലും പരിശോധന നടത്തുക, സര്വകലാശാലയെക്കുറിച്ചും അധികൃതരെക്കുറിച്ചും അന്വേഷണം നടത്തുക തുടങ്ങിയ അധികാരങ്ങളാണു ചാന്സലര്ക്ക് ഉള്ളത്.
ഇതിനു പുറമെ ഈ സര്വകലാശാലയ്ക്ക് അഡ്വൈസറി കൗണ്സില്, ബോര്ഡ് ഓഫ് മാനേജ്മെന്റ്, അക്കാദമിക് സെനറ്റ്, ബോര്ഡ് ഓഫ് സ്റ്റഡീസ്, ഫിനാന്സ് കമ്മിറ്റി എന്നിവയും ഉണ്ടാകും.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha
